1453, мая 19. Наказ в. кн. Казимира київському князеви Олельку Володимиричу, аби вернув Івашку Юршиному сину його отчину. 1453, вересня 21. В. кн. Казимир потверджае дїдичні права Івашка Юршиного сина на його маетности в Київщині. 1600, Марта 21. Кор. Жигимонт III приймає до книг королівської канцелярії сі грамоти на проханне вел. маршалка Криштофа Монвида Дорогостайского.

Впи­санъе листов коро­ля Кази­ми­ра пановъ Дорогостайскихъ.
Жик­ги­монт тре­тий etc.
Ознай­му­ем etc. нинеш­нимъ м на потом будучим: покла­дая перед
нами вел­мож­ный Кры­штофъ Мон­вид Доро­го­стай­ский мар­ша­локъ навызший
вели­ко­го княз­ства Литов­ско­го, ста­ро­ста вол­ко­вы­с­кий, дер­жав­ця мсти­бо­гов­ский, шере­шов­ский, тивонъ въ зем­лѣ Жомо­ит­ской, велюн­ский, кгон­дин­ский и бой­як­гол­ский, два листы папѣро­выѳ с печа­тии прод­ка нашого
све­то­б­ли­вое паме­ти коро­ля его мило­сти Кази­ми­ра, один до кня­зя Алек­сандра Воло­ди­ме­ро­ви­ча писа­ный в спра­ве прод­ка его Иваш­ка Юршина
сына з сто­ро­ны име­ней отчиз­ны его, под Кие­вом лежа­чих, а дру­гий * листъ тогож коро­ля Кази­ме­ра тому жъ Иваш­ку Юрши­ну сыну даный, зоста­ву­ю­чи его жону, дѣти и потом­ков ѳго вѣчне при имѣ­нях его отчиз­ных у Киев­ском повѣти над рѣч­кою Лука­ви­цею, Стуг­ною, Крас­ною и Боб­ри­цею лежа­чих, кото­рые же про дав­ност часу пока­зу­ю­чи у роз­ных судов над­вет­ше­ли, про то про­сил нас, абы­х­мо то до вѣдо­мо­сти нашое гос­по­дар­скоѳ при­пу­стив­ши, оные до книгъ кан­це­лярыѳ нашое корон­ное впи­са­ти казали.
Пер­ший тогды такъ ся в собѣ мает:
«Кази­мер, Божю мило­стю король пол­ский, вели­кий княз литов­ский и рус­кий и жомо­ит­скый и иных. Сам король.
Бра­ту нашо­му кня­зю Алек­сан­дру Володимеровичу.
Што есмо тобѣ сами оче­ви­сто гово­ри­ли о пана Юрши­на сына о Иваш­ка, што там село его отчиз­на под Києвом, и ты бы тые села всѣ
его отчиз­ну Иваш­ку Юрши­ну вер­нулъ конеч­но по нашо­му при­ка­за­ню со всѣм с тым, што к тым селомъ слу­ша­ло. А писан у Город­нє мая дѳвя­то­го­на­дцат, индикть перши.
У того листу печат королевская.
Дру­гий за се в тые слова:
Кази­мер, Божю мило­стю корол пол­ский и иных.
Што по нашом при­ка­за­ню княз Алек­сан­дер Воло­ди­ми­ро­вичъ пану Иваш­ку Юрши­ну сыну отчи­ну его у Киев­ском повѣ­те над рѣч­кою Лука­ви­цею, Стуг­ною, Крас­ною и Боб­ри­цею вер­нул со вси­ми кгрун­ты, по Горо­хо­ви­цу, и бил нам чолом, што бых­мо при той его отчизне зоста­ви­ли, што мы то вде­ла­ли и при той отчиз­нѳ его опра­ви­ли: мает он, жона его, дѣти и щад­ки его то вѣчне дер­жа­ти и какъ хотячи шаповати.
Писан у Вилне сент. два­дцат пер­вый день, индиктъ вторый.
У того листу печать королевская.
Кото­рой про­збы яко слуш­ной мы гос­по­дарь лас­ка­ве ся при­хи­лив­ши а видя­чи их быти цѣлы и непо­до­зрѣ­ны, до книгъ кан­це­лярыи нашое
корон­ное впи­са­ти, а для лѣп­шое вѣры, све­децтва и твер­до­сти тое рѣчи сес листъ нашъ назва­ный види­мус под печа­тю корон­ною уро­жо­но­му Пав­ло­ви Мон­ви­до­ви Доро­го­стай­ско­му, дво­ря­ни­но­ви нашо­му, выда­ти есмо велѣ­ли, хотячи то мѣти, абы на кож­домъ мѣст­цу яко и самые ори­ги­на­лы при зупол­ной моцы дер­жа­ны и хова­ны были. Писан у Вар­ша­ве на сой­мѳ вал­номъ корон­номъ лѣта Божо­го наро­же­ния тися­ча шест­сот­но­го меся­ця мар­ца два­дцат пер­во­го дня, а пано­ва­ня кро­ле­ствъ нашихъ пол­ско­го три­на­дцат а швед­ско­го семо­го року. Petrus Tylicky, epus cul., r. P. vice-canceilarius. Спра­ва того ж. Zachariasz Jełowicky.

Дже­ре­ло: Русь­ка Мет­ри­ка мос­ковсь­ко­го архи­ва міністер­ства спра­вед­ли­во­сти (Запис­ки коронні
кн. 12 л. 45). 

Пуб­ліка­ція: М.С. Гру­шевсь­кий. Дві гра­мо­ти в. кн. Кази­ми­ра з часів київсь­ко­го кня­зя Олелька.

При­міт­ка: Се обля­та доку­мен­тів Кришто­фа Дорогостайского:
він пред­ло­жив до впи­сан­ня в кни­ги королїв­скої кан­це­ля­риї дві
гра­мо­ти в. кн. Кази­ми­ра з 1453 року, яко доку­мен­ти на свої
київсь­кі мает­но­сти; по сло­вам потвер­джен­ня оби­дві сі грамоти
були писані на папе­рі і хоч від часто­го ужи­ван­ня в судових
спра­вах „над­вет­ше­ли“, але мали цілі печат­ки і вза­галі не мали
нічо­го підозрілого.