1600 февраля 18. – Квіт енерала Аршанскага пав. Анікея Сямёнавіча пра непрыбьщцё віленскага ваяводзіча Януша Радзівіла ў прызначаны дзень 6 лютага 1600 г. у камяніцу пана віленскага ГеранімаХадкевіча для ўзяцця шлюбу з кн. Слуцкай

Року 1600, м(еся)ца фев­ра­ля 18 дня
На вра­де г(о)с(по)д(а)р(с)ком кгрод­ском в зам­ку Менскам пере­дом­ною Яном Куро­шом, под­ста­ро­стим Мен­ским, став­шы оче­ви­сто ене­рал г(о)с(по)д(а)рский пове­ту ...шан­ско­го Они­кей Семе­но­вич, оче­ви­сто созвал и квит того созна­ня сво­е­го под печа­тю сво­ею и под­пи­сом руки сво­ее и под печат­ми сто­рон­ны­ми и с под­пи­са­ми рук их, кото­рые з них писат уме­ли, ку запи­са­ню до книг кгрод­ских мен­ских подал. Писа­ны тыми сло­вы: я, Они­кей Семе­но­вич, ене­рал его коро­лев­ской м(и)л(ос)ти пове­ту Оршан­ско­го, я, Якуб Бучын­ский ене­рал его коро­лев­ское м(и)л(ос)ти двор­ный, я, Ян Кожу­хов­ский, ене­рал его коро­лев­ское м(и)л(ос)ти вое­вод­ства и пове­ту Бере­стей­ско­го, а я, Лукашъ Коло­тов, ене­рал его коро­лев­ское м(и)л(ос)ти зем­ли Жомойт­ское, созна­ва­ем сим нашым кви­том, ижъ за възя­тьем нас на спра­ву и потре­бу ясне вел­мож­но­го пана его м(и)л(ос)ти пана Геро­ни­ма Ход­ке­ви­ча пана вилен­ско­го, ста­ро­сты бере­стей­ско­го, нижей в сем кви­те мено­ва­ную. А маю­чы на тоть час пры собе сто­ро­ною шлях­ту пана Яна Кот­лин­ско­го, пана Мико­лая Паш­ков­ско­га, пана Андрея, а пана Ста­ни­сла­ва Савиц­ко­го, пана Яна Кгна­тов­ско­го, пана Дани­е­ля Ива­но­ви­ча, пана Мико­лая Даров­ско­го, а пана Михай­ла Дмитровича,были есмо в месте Вилен­ском в каме­ни­цы ясне вел­мож­но­го пана его м(и)л(ос)ти пана Яна Каро­ля Ход­ке­ви­ча, кгра­би, ста­ро­сты жомойт­ско­го, на Сави­чой ули­цы лежа­чо­го, в року тепе­реш­нем тисе­ча шест­сот­ном, м(есе)ца фев­ра­ля шосто­го дня, где пре­ре­чо­ный его м(и)л(ос)ть пан вилен­ский, ста­ро­ста бере­стей­ский ста­но­вил се в той каме­ни­цы, маю­чы пры собе ясне осве­цо­ную кнеж­ну Зофею Юрев­ну Олеч­ко­ви­чов­ну Слуц­кую, мену­ю­чы, иж рокъ вод­луг запи­су его м(и)л(ос)ти пана вилен­ско­го его кне­жац­кое м(и)л(ос)ти ясне осве­цо­но­му кне­жа­ти пану Кры­што­фу Ради­ви­лу, вое­во­де вилен­ско­му дано­го... кнеж­ны ее м(и)л(ос)ти Слуц­кое в каме­ни… ста­ро­сты жомойт­ско­го до пры­ня ..... бро­вол­но­го, а не пры­му­шон его м(и)л(ос)тью паномъ Яну­шом... ...дичом вилен­ским на сес час под...... ства Литов­ско­го, где пры м(и)л(ос)ти пана вилен­ско­го его м(ило)сть... яко гос­по­дар дому милость пан вилен­ский с кнежн... ста­но­вил. То нами, воз­ным... то я опо­ве­далъ и осветч... пану Яну­шо­ви Ради­ви­ло­ви пр... потре­бы в каме­ни­цы сво­ей не тол­ко забо­ро­нят, але и овшем зо вся­кою хутью и доб­рою волею его м(и)л(ос)ти пана Яну­ша Ради­ви­ла и с пры­я­те­лы его м(и)л(ос)ти ожы­дал и пры­ня­ти их м(и)л(ос)ти на тую потре­бу в дому сво­ем ест готовъ. Якож маю­чы дом неза­мкне­ный, а хотечы вся­кую доб­рую волю его кне­жац­кое м(и)л(ос)ти ока­зать, через цалый день на пры­ехане его м(и)л(ос)ти пана Яну­ша Ради­ви­ла к воли его м(и)л(ос)ти пану вилен­ско­му ожы­дал и в дом свой пры­ня­ти его м(и)л(ос)ти был готов, ниж­ли его м(и)л(ос)ть пан Янушъ Ради­вил до тое потре­бы сво­ее не пры­был, што его м(и)л(ос)ть пан ста­ро­ста жомойт­ский нами воз­ны­ми и сто­ро­ною шлях­тою освет­чыв­шы, про­сил, абы тое освет­чене его м(и)л(ос)ти до вра­ду доне­се­но было. Якож мы, воз­ные з сто­ро­ною шлях­тою, што есмо виде­ли и слы­ше­ли дали есмо его м(и)л(ос)ти сес нашъ квит ку запи­са­ню до книг кгрод­ских мен­ских под печат­ми и с под­пи­сом рукъ нашых, так тежъ под печат­ми и с под­пи­са­ми рукъ, кото­рые писа­ти уме­ли сто­ро­ны шлях­ты пры мне на тот час былое.
Писан в Вилии, року, м(есе)ца и дня вышей писа­но­го. У того кви­ту печа­тей пры­тис­не­ных два­надцат а под­пис рук писмом рус­ким и пап­ским Они­кей Семе­но­вич, ене­рал пове­ту Оршан­ско­го рукою... Jakub Buczinski gener...Колотов ене­рал зем­ли ... Jan Kotlinski... Paszoowski reką swą, Andrz... reką swą, Ста­ни­слав Савиц­кий, ... Daniel Ywanowicz. Кото­рое оче­ви­стое сознане ене­ра­ло­во... мен­ских ест записано.