1600 февраля 18. – Аповед пана віленскага Гераніма Хадкевіча пра выкананне свайго запісу-дамовы з віленскім ваяводам Крыштафам Радзівілам на «ставене» кн. Зафеі Юр’еўны Алелькавічаўны ў прызначаны дзень

Року 1600, м(еся)ца фев­ра­ля 18 дня
На гра­де г(о)с(по)д(а)рском кгрод­ском в зам­ку мен­ском пере­дом­ною Яном Куро­шом, под­ста­ро­стим Мен­ским опо­ве­дал через слу­жебъ­ни­ка сво­е­го пана Кры­што­фа Горо­дис­ко­го ясне вел­мож­ный пан, его м(и)л(ос)ть пан Геро­ним Ход­ке­вич, панъ вилен­ский, ста­ро­ста бере­стей­ский, иж дей чынечы его м(и)л(ос)ть досыть запи­су сво­е­му, кото­рый дал его м(и)л(ос)ть ясне осве­цо­но­му кне­жа­ти его м(и)л(ос)ти пану Кры­што­фу Ради­ви­лу вое­во­де вилен­ско­му на ста­вене ясно осве­цо­ное кнеж­ны ее м(и)л(ос)ти Зофеи Юрев­ны Олел­ко­ви­чов­ны Слуц­кое в Вилен­ском, в каме­ни­цы их м(и)л(ос)ти па... гра­бев на Сави­чой ули­цы лежа­чой в ро... тисе­ча шест­сот­ном, м(есе)ца фев­ра­ля пры­ня­тью шлю­бу доб­ро­вол­но­го ... з сыномъ его кне­жац­кое м(и)л(ос)ти паном. Ради­ви­ломъ, вое­во­ди­чом вилен­ским тепер под­ча­шым Вели­ко­го княз­ства Литов­ско­го, ста­ро­стою боры­сов­ским, дер­жав­цою деве­нис­ким, чому дей его м(и)л(ос)ть панъ вилен­ский чынечы досыт на ден, в запи­се поме­не­ный, самъ до места Вилен­ско­го пры­быв­шы, кнеж­ну ее м(и)л(ос)ть в дому их м(и)л(ос)ти панов кгра­бев на ули­цы Сави­чой лежа­чом, року, м(есе)ца и дня вышей поме­не­но­го, ста­вил через вес ден, почав­шы с поран­ку, ажъ годи­на в ноч, само­го его м(и)л(ос)ти и с пры­я­тол­мы его м(и)л(ос)ти ждалъ, готов будучы за доб­ро­вол­ным прыз­во­ле­нем кнеж­ны ее м(и)л(ос)ти Слуц­кое все­го, што бы одно кол­век кром нар...шеня прав учсти­во­го и пры­стой­но­сти выко­на­ти, ниж ли дей его м(и)л(ос)ть пан Янушъ Ради­вил, вое­во­дич вилен­ский через тот увес ден недел­ный, м(есе)ца фев­ре­ля шосто­го дня вод­луг опи­су не пры­был и пры­чы­ны ния­кое непры­бы­тя сво­е­го его м(и)л(ос)ти пану вилен­ско­му не ознай­мил и про­силъ, абы тое опо­ве­дане его м(и)л(ос)ти до книг кгорд­ских мен­ских было запи­са­но, што ест записано