1578 жовтня 16. Новий Двор. – Тестамент князя Юрія Юрієвіча Олельковіча Слуцкого.

Во имя боже аминь, я, юрии юрье­вич ѡлел­ко­ви­ча кн(я)же слу­ць­кое, ѡба­чив­ши и мно­го кроч на умыс­ле сво­ем доста­точне роз­ва­жив­щи же панъ богь все­мо­гу­щии под тым пови­но­вац­твом кож­до­го чоло­ве­ка сово­рилъ абы был под­дань смер­тель­но­сти и гдыж и самъ зба­ви­тель и ѡтку­пи­тель нашъ панъ езусъ кри­стусъ, при­няв­ши телес­ность и чло­ве­чен­ство живо­та зсве­тое начи­ст­шое панъ­ны деви­цы марии, рачил для зба­ве­ня и ѡтку­пе­ня душъ нашихъ смерть доб­ро­волне при­ня­ти вод­ле чло­вен­ства на дре­ве кри­жа све­то­го даю­чи, то намъ ство­ре­ню сво­е­му напри­кладъ иж кож­дый хто се кол­ве­кь родит есть под­данъ смер­ти и тотъ поспо­ли­тыи долгъ смер­тел­но­сти самъ собою пла­ти­ти пови­ненъ, а иж теж кож­дыи ч(о)л(ове)къ жад­нои речи при­ш­лое пев­не­ишое перед собою не маетъ, а не пев­не­ишое одно­часъ, а годи­на смер­ти яко то и сам зба­ви­тел нашть всех насъ во еван­ге­лии на упо­ми­на­ти рачить абы­х­мо ку смер­ти завъж­ды гото­ви были. Кгдыж не вемы пев­но­го дня и годи­ны кото­рое панъ богъ при­детъ, але яко ско­ро его све­тая м(ило)ст з того нед­зъ­но­го све­та перед маестат свои нас­вен­шии везва­ти рачилъ того ж часу кож­дыи се ста­но­вит муси пре­то я маю­чи тые сло­ва зба­ви­те­ля сво­е­го пред ѡчи­ма сво­и­ми завж­ды вод­лу­гь ѡбы­чаю хре­сти­ян­ско­го, нехо­те­чи безъ доста­мен­ту не роз­рон­дивъши, або­ли не роз­пра­вив­ши добра, име­ня, скаръ­бовъ и речеи сво­их межи потом­ки мои­ми якие ростыр­ки не вро­ста­ли, хоте­чи их в доб­ромъ покои и въ пев­но­сти захо­ва­ти и ачъ кол­векъ будучи я на теле сво­емъ хорыи ведже на розу­ме и на всих умыс­лехъ сво­их доб­ре здо­ро­вый не будучи ни ѡт кого при­пу­жо­ны, || ани жад­ны­мя намо­ва­ми зве­де­ныи, лечъ самъ по сво­ей доб­рои воли з доб­рою паме­тю, и з доста­точ­ных и ста­лых роз­мысл­но­сти, чиню­чесь мои доста­мент и ѡста­точ­ную волю мою ѡбъ­явямъ, ижъ кгды пан богъ моцъ волю свою све­тую выпол­ни­ти и до хва­лы сво­ее све­тое везва­ти, а душу з телом моимъ греш­нымъ роз­де­ли­ти будетъ рачилъ, теды тело мое ее м(и)л(ость) кнеж­на мал­жонь­ка моя ее м(и)л(ость) пани ката­ри­на кгра­бян­ка з тен­чи­на кнеж­на слуц­кая и при неи сыно­ве мои юрии, семенъ, алек­сан­дер юръ­е­ви­чи ѡлел­ко­ви­ча кня­жа­та слу­цъ­кие вод­лу­гь звы­чаю хре­сти­ян­ско­го пра­во­слав­но­го зако­ну нашо­го гре­че­ско­го уче­ти­ве похо­ва­ти мають у кие­ве у мана­сты­ри печер­скомъ, там где прод­ко­ве наши, а звла­ща слав­ное паме­ти его м(и)л(ость) кн(я)же ѡтец нашь похо­ванъ и ѡбы­хо­ды цер­ков­ные вод­лу­гь зда­ня сво­е­го ее м(и)л(ость) кнеж­на мал­жон­ка моя такъ, яко звы­чай хре­сты­ян­скии несе ѡтпра­во­ва­ти маеть. Ку тому замъ­ки, места, дво­ры з гумъ­ны, збо­жемъ, з кон­ми, з ста­да­ми сви­ре­пъ­и­ми, з быд­лом и зо вси­ми спра­ты домо­вы­ми, з воло­стя­ми, з шлях­тою, з бояры пан­церъ­ны­ми и слу­га­ми путъ­мы­ми, люд­ми куни­чъ­нь­ми и тяг­лы­ми, з кгрун­ты, дохо­ды и пожит­ки, яки­ми ж коль­векъ назвис­ки мено­ва­ны быти могутъ и пра­ве зо всим на все яко се сами в собе мають име­ня мое ѡтчиз­ные материстые1 к яким кол­век ѡбы­ча­емъ набы­тые в роз­ных пове­тех лежа­чие так в коруне пол­скои яко ку вели­комъ кн(я)зтве литов­скомъ ни ѡт кото­ро­го име­ня ничо­го неѡти-мую­чи и неѡста­ву­ю­чи ско­ро по смер­ти моеи малъ­жон­ка моя ее м(и)л(ость) кнеж­на ката­ри­на ста­ни­сла­во­въна кгра­бян­ка з тенъ­чи­на вое­во­дян­ка кра­ковь­ская кнежъ­на слу­ць­кая к рукамь сво­имъ || в моцъ, влад­ность и в опе­ку свою взя­ти и на них меш­ка­ти и вше­ля­ких пожит­ковъ з них ужи­ва­ти, такъ яко нале­пеи се ее м(и)л(о)сти виде­ти будетъ. так­же скар­бы и всю маетъ­ность нашу золо­то, сереб­ро, кле­и­но­ты, пер­ла, шаты, коне, рады, зброе, рын­штун­ки, стрел­бы, цыну, медь и инъ­шое, все што колъ­векъ рухо­мы­ми речъ­ми назы­вае, тые з продъ­ковъ наших побожне и почти­ве набы­тые, до рукъ и влад­зы сво­ее взя­ти и то все у моцы и зхо­ва­нях сво­ихъ мети и тым уче­ти­ве шафо­ва­ти вод­лугъ воли и нале­пъ­шо­го подо­ба­ня сво­е­го. А сыно­ве наши юрии, семенъ, алек­сан­дер юрье­ви­чи ѡлелъ­ко­ви­чи кня­жа­та спу­цъ­кие яко во въси, такъ и ни в кото­рые часть име­неи всих и кож­до­го з особ­на в корунѣ пол­скои и у вели­комъ кн(я)зтве литов­скомъ такь же в скар­бы мает­ность нашу и ни в кото­рые рухо­мые речи ничимъ се всту­по­ва­ти а ни жад­ное труд­но­сти и пере­ка­зы ее м(и)л(ости) чини­ти не мають. Але ее м(и)л(ость) кнежъ­на маль­жонъ­ка моя яко мат­ка ихъ на слуш­ные и уче­ти­вые потре­бы сынов наших з тых скар­бовъ наших имъ дава­ти мает вод­лугъ баче­ня сво­е­го. Розу­ме­ломъ тежъ то доб­ре иж кож­до­му ч(о)л(ове)ку; а пого­то­вю зац­ных а вел­ких ста­нов людемъ и въ дому нау­ка велъ­це пожи­теч­на есть ведже тымъ вень­це кото­рые за моло­дых леть сво­их при пат­ри­ва­ю­чы­се посту­пъ­комъ рыцер­скимъ посто­ро­нин­ны­хь кра­евъ зве­ды­ва­ю­чы бол­шая довтип­ность з лас­ки мило­го Б(о)га быва ѧко тым кото­рые || не тыл­ко слы­ше­немь албо з писма чита­немъ але и очи­ма сво­и­ми ѡгле­да­ли. Пре то ее м(и)л(ость) кнеж­на маль­жон­ка моя сыновь наших вси­хь трох без­меш­ка­ня до посто­ронъ­них пан­ствъ и кра­евь ку вид­зе­ню све­та и тви­че­ню в рыцер­ских речах выпра­ви­ти на пев­ный час, на три, а при­и­на­мнеи на два роки, зъед­нав­ши им яко­го доб­ро­го год­но­го зац­но­го поче­ти­во­го и быва­ло­го чоло­ве­ка, кото­рыи абы при них тамъ меш­ка­ю­чи яко здо­ро­вя такъ и ста­ну их кня­жец­ко­го и все­го поче­ти­во­го хова­ня пилне пре­стрек­гал. А кгды да милыи панъ богъ з тых построн­ни­хь кра­евъ при­едуть мает ее м(и)л(ость) кнеж­на мал­жонь­ка моя ѡпо­че­ти­вое ѡже­нене зъ зац­ных домов сыномъ нашим ста­ра­ти се маетъ. А вас сыно­ве мили ѡсоб­ли­ве ѡто нау­по-минамъ и при­ка­зуе. Абысте кром воли и ведо­мо­сти кнеж­ны мат­ки яко роди­телъ­ки сво­ее не ѡже­ня­ли­се и жон собе не ѡби­ра­ли, а зъ часомъ слуш­ным нед­ба­ю­чи на лета ста­ту­то­вые кото­рые ѡко­ло ѡпе­кы напи­са­ны сут, але аж кгды вжо до лет сво­их ста­лых ста­точ­ных при­и­дутъ на ѡн часъ вод­луг баче­ня сво­е­е­го ее м(и)л(ости) кнеж­на маль­жон­ка наша име­ня наши сыномъ нашим кн(я)зю юрю, семе­ну, алек­сан­дру юръ­е­ви­чомъ ѡлель­ко­ви­ча кн(я)жатом слу­цъ­ким пода­ва­ти и посту­па­ти мает ров­ным делом. Ниж­ли выимую з ров­но­го делу тые име­на наши тако­вым ѡби­чаєм замокъ мои ѡтчиз­ныи слу­цъ­кии з местомь ста­рым слу­ць­ким з дво­ром и хволъ­варъ­ко­ми наши­ми ку тому зам­ку слуц­ко­му назы­ва­е­мыи иванъ з грун­ты двор­ны­ми, з люд­ми таг­лы­ми, кунич­ны­ми и зо всим на все яко се то имене само в собе мает, то ѡдно­му кн(я)зю юрю яко стар­шо­му сыну мое­му запи­сую. про­тивъ того сыну нашо­му кн(я)зю семе­ну место нашое слуц­кое ж кото­рое назы­ва­ет се новое место изъ заре­чемь, то ест 2 || по реку случь и ине­му имене наше назы­ва­е­мое новый двор над рекою слу­чью, то ест двор з будо­ва­нем з кгрун­том двор­ным з люд­ми изъ их кгрун­ты и зу всим на все яко се само в собе тое имене маетъ, а тре­и­те­му сыну нашо­му кн(я)зю алек­сан­дру место слуц­кое ж, назы­ва­е­мое новый ост­ров и двор нашъ новоѡст­ров­скии з будо­ва­немъ двор­ным, з люд­ми и зъ их кгрун­ты и зо всим на все яко се само в собе тое имене маетъ над тою ж рекою слу­чью. А што се доты­четъ мыта вели­ко­го голов­но­го, так­же мыта горелъ­ча­но­го и мыта мес­но­го, ижъ тое мыто вси три места, яко ста­рое слуц­кое такъ новое место и новоѡст­ров­ское место сполъне вси три места дер­жа­ли и дер­жа­ти повинъ­ни. пре­то тая сума3 мыт­ная завж­ды на три части деле­на быти маетъ, так­же есме бы кото­рое место и з фол­вар­комъ пере­вы­иша­ло над дру­гое место з фол­вар­комь в дохо­дех и пожит­кахъ, теды при роз­де­ле­ню всих име­неи и з томъ поров­нане въде­ла­но быти маетъ а кото­ро­му бы недо­ста­ва­ло теды в ыншим име­ню абы се наго­ро­ди­ло того ее милост кнеж­на малъ­жон­ка наша пости­ре­га­ти маетъ ижъ бы сума дохо­довъ и пожить­ковь ѡдно­му над дру­го­го не пере­вы­вы­ша­ла, але едъ­на­ко и ровъно была тыл­ко тотъ замокъ и места слуц­кии з мено­ва­ны­ми дво­ры и фол­вар­ка­ми вод­луг сее ѡстат­нее воли нашое не роздѣ­ля­ю­чи на роз­ные части кож­дыи з них такъ вечне дер­жа­ти маетъ. кгдыж яко в новом дво­ре, такъ и в новом ѡст­ро­ве ложис­ка ку будо­ва­ню зам­ковъ дале­ко лепъ­шие з год­лив­шие и пожи­точ­не­ишие над тою ж рекою слу­чью естъ. || ку тому теж мана­стыр, кото­рым есть при месте слуц­комъ церковь4 зало­жен све­тое тро­и­цы, въ вере зако­ну гре­че­ско­го на упо­ми­на­мы и тым ѡстат­ним нашимъ ѡтцов­ским роска­за­нем вамъ сыно­ве при­ка­зу­е­мы, абы яко за живо­товъ вась самих, такъ и за пото­мъ­ков ваших ник­г­ды делен не былъ, але у спол­нои влад­зы дому нашо­го кня­жатъ слуц­ких захо­вы­ван веч­ны­ми часы и сполне вси кня­жа­та слуц­кие архи­манд­ри­та тому мана­сты­ру яко­го ч(о)л(ове)ка доб­ро­го год­но­го в пис­ме учо­но­го и въ вере зако­ну нашо­го гре­че­ско­го доб­ре ста­ло­го пода­ва­ти и уста­нов­ля­ти маютъ. А ижъ тежъ сыну мое­му стар­шо­му кн(я)зю юрю суму п(е)н(е)зеи на зам­ку боб­ру­ис­комъ даро­ва­лом и дожи­во­те дер­жа­вы на том­же замъ­ку боб­ру­ис­ком ѡт г(оспо)д(а)рѧ коро­ля его м(и)л(ости) выпра­вил ниж­ли тым дру­гим сыном моим моимъ за то наго­ро­ды нев­чи­нил, тоды тепер тым доста­мен­том оста­точ­ное воли моее дарую и запи­сую сыномъ моим кн(я)зю семе­ну, кн(я)зю алек­сан­дру суму п(е)н(е)зеи всю на име­ню глу­с­ку и доро­гах в пове­те нов­го­род­скомъ пежачхь5, кото­рае ѡт мене есть позы­чо­на теж вел­мож­но­му пану яну ход­ко­ви­чу пану вилен­ско­му ста­ро­сте жомоицкому6, так­же и всю суму на име­ню мок­ран­ском в том же пове­те нов­го­род­ском лежа­чомъ, котоpoe ѡт мене позы­чил ето м(и)л(ость) пан янъ гле­бо­вич пан мен­скии. тая ѡбоя сума. тыл­ко тым двум сыном нашим про­тив тое сумы тре­и­те­го сына нашо­го на зам­ку боб­ру­ис­ком даро­ва­ное розъ­де­ле­на быти мает. А инъ­шие вси име­ня мои отчиз­ные мате­ри­стые и яким кол­векъ обы­ча­ем набы­тые кнеж­на мал­жонъ­ка наша сыном нашим на ров­ные части вод­лугъ сее ѡста­точ­ное воли моее роз­де­ли­ти мает. А яко ее м(и)л(ость) розъ­де­лив­ши подаст и посту­питъ на том вечне кож­дыи з них пере­ста­ва­ти мает. А зь дерь­жа­ня тых всих име­неи, так­же зо скар­бу мает­но­сти нашое и зо всихъ речей ее милость кнежъ­на маль­жонъ­ка наша кня­жа­томъ сыном нашим на кото­рое личъ­бы ни з чого чини­ти не буде повин­на. || а ку тому выимую с того име­нья наши, то ест замокъ имене мое ванев­ское в зем­ли подляшскои7 в пове­те бел­ском лежа­чое, з местомъ, з дво­ры, з фолъ­варъ­ки и зо всим на все, дру­гое имене наше назы­ва­е­мое туре­ць в пове­те новъгородскомъ8 лежа­чое, дворъ з будо­ва­немъ, з кгрун­ты и зъ фоль­вар­ки ку тому дво­ру нале­жа­чи­ми, тре­и­тее имене наше ста­рое село9, так­же чет­вер­тое имене наше тонъ­вы з фолъ­варъ­комь скир­мон­то­вомъ лежа­чие в пове­те мин­скомъ. тые вси поме­не­ные име­на наши зо всимъ на все яко се сами в собе зъ дав­на мели и тепер мають тых име­неи ее м(и)л(ость) кнеж­на маль­жонъ­ка наша сыномъ нашимъ вров­ныи дел посту­по­ва­ти не маетъ для тое при­чи­ны иж кгдым я бралъ собе в стад­ло све­тое малъ­жен­ское мал­жон­ку свою y вотъ­ца ее м(и)л(ости} пана ста­ни­сла­ва кгра­би на тенъ­чине вое­во­ды краковъского10. Тедым взял пo eи м(и)л(ости) поса­гу гро­шеи гото­вых так­же в золо­те, в сереб­ре, в кле­и­но­тах, пер­лах, шатах и иных роз­ных речах все­го сумою два­дцать пять тисе­чеи золо­тых личъ­бы пол­ское. теды захо­ву­ю­чи се я на тот часъ вод­лугъ пра­ва поспо­ли­то­го и ста­ту­ту зем­ско­го тую суму вне­се­ную в домъ мои и вено ее м(и)л(ости) княжне маль­жонъ­це сво­еи, то есть все­го сумою пят­де­сять тисе­чеи золо­тых пол­ских, што учи­нит личъ­бы вели­ко­го кн(я)зтва литов­ско­го два­дцать тисе­чеи копъ гро­шеи запи­сал есми на тре­и­теи части всих име­неи сво­их кото­рые мне ѡт бра­та мое­го небож­чи­ка его м(и)л(ость) кн(я)зю семе­на юрье­ви­ча ѡлел­ко­ви­ча кн(я)жати слуц­ко­го ров­нымь деломъ при­хо­ди­ти мели и при­шли. кото­рыи тот записъ вжо тою ѡстат­нею волѣю теста­мен­ту мое­го умо­раю и въ нивечъ ѡбо­ро­чаю, а тую суму пене­зеи два­дца­ти тисе­чеи копъ гро­шей личъ­бы литов­ское ку тому еще зна­ю­чи я по еи м(и)л(ость) кнежне мал­жон­це сво­еи се м(и)л(ость) п(а)ни ката­рине кграбя(н)це з тенъ­чи­на кнежне слу­ць­кои яко по увесь часъ живо­та сво­е­го || доб­рое поче­ти­вое и ста­течъ­ное захо­ване в мал­жен­стве такъ тымъ бол­шеи в тои хоро­бе моеи пил­ное ста­ранѣ и послу­ги ако пра­вое а вер­ное малъ­жонъ­ки сво­ее узнавъши даю я дарую се м(и)л(ости) пев­ную суму п(e)н(e)зеи десеть тисе­чеи золо­тых пол­скых а личъ­бы вели­ко­го князтва лито­въско­го два­дцать и чоты­ри тисе­чи копъ гро­шей кото­рую тую суму мено­ва­ную всю симъ деста­мен­томь моимъ узно­шу и запи­сую нa име­нях моихъ вышеи мено­ва­ных, то есть в зем­ли под­ляш­скои у въ поветѣ бел­скомъ лежа­чомъ на замъ­ку ванев­скомъ и фол­вар­кахь к нему нале­жа­чихь, а у вели­комъ кн(я)зтве литов­скомъ на име­ню моемъ турец­комъ в пове­те нов­го­род­скомъ лежа­чом, а в пове­те мен­скомъ на име­нах моих ста­ромъ селѣ, тонъ­вах и скир­мон­то­ве. тые именя11 мои вси замъ­ки, дво­ры з будо­ва­немъ, двор­нымъ, з конъ­ми, з ста­да­ми сви­ре­пъ­и­ми, з быд­лы, стат­кам, з гум­на­ми и зо вше­ля­кимъ збо­жемъ, з сады, ста­вы, ста­ви­ща­ми, з бора­ми, леса­ми и про­р­объ­ка­ми и зо вше­ля­ки­ми грун­ты двор­ны­ми, з месте­ми, з шлях­тою, бояри пан­церъ­ны­ми, слу­га­ми пут­ны­ми, з люд­ми кунич­ны­ми, тяг­лы­ми, зъ их кгрун­ты, з пла­ты гро­шо­вы­ми, дани медо­вы­ми и з дяк­ла­ми житъ­ны­ми ѡвся­ны­ми и зо вше­ля­ки­ми пла­ты, дохо­ды и пожитъ­ка­ми и при­пад­ка­ми и пра­ве зо всимъ на все яко се сами в собе тые име­ня мели и тепер маютъ не уиму­ю­чи и неѡста­ву­ю­чи нико­му ничо­го зо всимъ тымъ ее м(и)л(ость) кнеж­на маль­жонь­ка моя п(а)ни ката­ри­на кгра­бянъ­ка з тен­чи­на кнеж­на слу­цъ­кая дер­жа­ти и въжи­ва­ти на себе маетъ ажъ до живо­та сво­е­го, а сыно­ве наши тых име­неи всих и нико­то­рые части з рукъ и дер­жа­ня ее м(и)л(ости) выимо­ва­ти и ничимъ се всту­по­ва­ти не маютъ. так­же тую суму п(е)н(е)зеи часть кото­рую, албо и всю шесть­де­сят тисе­чех пол­ских вол­на ce м(и)л(ость) кнеж­на || маль­жонъ­ка моя яко за живо­та сво­е­го, такъ и по живо­те сво­емъ кому коль­векъ похо­четъ дать даро­вать и тые име­на вышеи мено­ви­те ѡпи­са­ные вси албо кото­рое кол­векъ з них в туи суме заста­вить а сыно­ве мои и по живо­те ее м(и)л(о)сть кнеж­ны малъ­жонъ­ки мое тых име­неи всих и нико­то­рое части, кому бы се м(и)л(ость) запи­сомъ сво­им заве­ла неѡт­дав­ши тое сумы п(е)н(е)зеи два­дьцать и чоты­рох тисе­че­ти копъ гро­шеи, ѡды­имо­ва­ти и ничимъ се в то всту­по­ва­ти и ния­кое труд­но­сти и пера­ка­зы чини­ти не маютъ. такъ теж што се доты­чет име­неи ее м(и)л(ость) кнеж­ны мал­жон­ки моее яко ѡтчи­стых мате­ри­сты­хь ѡт повинъ­ных и крев­ных нa ее м(и)л(ость) пра­вомъ при­ро­жо­ным спа­лых в коруне пол­скои и у вели­комъ кн(я)зстве литов­скомъ в роз­ных пове­тех лежа­чихъ, тыми вси­ми име­ня­ми ее м(и)л(ость) кнеж­на маль­жонь­ка наша яко влас­но­стю сво­ею вод­лугъ нале­пъ­шо­го подо­ба­ня сво­е­го шафо­ва­ти маетъ. так­же и ѡсоб­ли­ве имене озер­ни­ца и близ­ная в пове­те слонимскомъ12 лежа­чое, а в пове­те ковен­скомъ имене про­ме­зи, кото­рые по ее м(и)л(ость) п(а)ни ива­но­вое гор­но­ста­е­вое п(а)ни улъ­яне богу­шовне тет­це ее м(и)л(ость) кнеж­ны мал­жон­ки моее пра­вомъ при­ро­жо­ным спа­ли и в суме п(е)н(е)зеи запи­са­ны. Якож и я вси запи­сы и твер­до­сти кото­рые на тые име­на яко ѡт ее м(и)л(ость) пре­ре­чо­ное п(а)ни улья­ны богу­шов­ны гор­но­ста­е­вое, такъ тежъ и ѡт его м(и)л(ость) п(a)нa гав­ри­ла гор­но­стая, на тотъ часъ буду­чо­го вое­во­ды и ста­ро­сты мен­ско­го, мелъ есми кне(ж)не мал­жонъ­це сво­еи подалъ ивъжо вол­на ее м(и)л(ость) кнеж­на мал­жонь­ка наша тые име­ня ѡзер­ни­цу, близ­ную и про­ме­зи зо всим навечне яко се сами в собе маютъ кому коль­векъ дат, даро­ват, про­ме­нят, запро­дат и на веч­ност про­дат и ку налеп­шо­му пожит­ку сво­е­му ѡбер­нуть. || зна­ю­чи­ти теж и баче­чи я при­хил­ность и зыч­ли­вую хент ку собе ключ­ни­ка и подъ­клю­чо­го тро­цъ­ко­го судью кгрод­ско­го нов­го­род­ско­го пана андрея триз­ну, а хоте­чи его се м(и)л(ости) кнежне мал­жонъ­ке и потом­ству сво­е­му хент мев­шим учи­нить, дарую за тымъ теста­мен­том моим запи­сую ему сто копъ гро­шеи, кото­рую суму кнеж­на мал­жон­ка наша зо скар­бу нашо­го ему маетъ дати. Меломъ теж то завж­ды перед очи­ма сво­и­ми што в пис­ме све­тымъ напи­са­но ж иж служ­ба заслу­жо­ная, а не запла­цо­ная зав­ше уста­вичне ку пану богу ѡ пом­сту вола ест. пре­то усих слугъ моих на юрък­гел­те певне поста­но­ве­ным ховал кото­рым ѡт полро­ка до полъ­ро­ка зав­ше запла­та дохо­ди­ла. вша­кож предъ се з лас­ки нашое на слу­жеб­ни­ки двор­ные комор­ни­ки, пахо­лен­та, куха­ре, ремес­ни­ки, челяд­ста енъ­ную и ктож кол­векъ служ­ба­ми дво­ру нашо­го се бавиу дае­мы и запи­су­емъ з скар­бу нашо­го тисе­чу копъ гро­шеи лич­бы литов­ское, ку кото­рое шафо­ва­ню и роз­де­ле­ню сами ж ти слу­жеб­ные наши мают ѡбрат межи собою ѡсобъ чоты­ри людеи доб­рых цнот­ли­вых кото­рые бы не пат­ри­ли яко пожит­ковъ, так и захо­ва­ня сво­е­го, але вод­лугъ бога и спра­вед­ли­во­сти свѣтое ува­жа­ю­чи вер­ность тел­ных послугъ розъ­де­ли­ли кото­рую суму п(е)н(е)зеи кнеж­на мал­жон­ка наша з скар­бу нашо­го маетъ имъ дати. Затымъ вамъ слуд­зы ваши двор­ные, врад­ни­ки, земяне, бояре, шлях­та и въси подъ­да­ные наши за п(а)на вамъ пода­е­мы кнеж­ну малъ­жонъ­ку нашу пани ката­ри­ну кгра­бянъ­ку з тенъ­чи­на вое­во­дянъ­ку кра­ко­въскую яко кнежъ­ну малъ­жонъ­ку нашу намъ верне милую. При тымъ нау­по­ми­на­мы и тымъ теста­мен­том моим запи­сую ему сто копъ гро­шеи, кото­рую суму кнеж­на мал­жон­ка наша зо скар­бу нашо­го ему маетъ дати. Меломъ теж то завж­ды перед ѡчи­ма сво­и­ми што в пис­ме све­тымъ напи­са­но ж иж служ­ба заслу­жо­ная, а не запла­цо­ная зав­ше уста­вичне ку пану богу ѡ пом­сту вола ест. пре­то усих слугъ моих на юрък­гел­те певне поста­но­ве­ным ховал кото­рым ѡт полро­ка до полъ­ро­ка зав­ше запла­та дохо­ди­ла. вша­кож предъ се з лас­ки нашое на слу­жеб­ни­ки двор­ные комор­ни­ки, пахо­лен­та, куха­ре, ремес­ни­ки, челяд­ста енъ­ную и ктож кол­векъ служ­ба­ми дво­ру нашо­го се бавиу дае­мы и запи­су­емъ з скар­бу нашо­го тисе­чу копъ гро­шеи лич­бы литов­ское, ку кото­рое шафо­ва­ню и роз­де­ле­ню сами ж ти слу­жеб­ные наши мают ѡбрат межи собою ѡсобъ чоты­ри людеи доб­рых цнот­ли­вых кото­рые бы не пат­ри­ли яко пожит­ковъ, так и захо­ва­ня сво­е­го, але вод­лугъ бога и спра­вед­ли­во­сти свѣтое ува­жа­ю­чи вер­ность тел­ных послугъ розъ­де­ли­ли кото­рую суму п(е)н(е)зеи кнеж­на мал­жон­ка наша з скар­бу нашо­го маетъ имъ дати. Затымъ вамъ слуд­зы наши двор­ные, врад­ни­ки, земяне, бояре, шлях­та и въси подъ­да­ные наши за п(а)на вамъ пода­е­мы кнеж­ну малъ­жонъ­ку нашу пани ката­ри­ну кгра­бянъ­ку з тенъ­чи­на вое­во­дянъ­ку кра­ко­въскую яко кнежъ­ну малъ­жонъ­ку нашу намъ верне милую. При тымъ нау­по­ми­на­мы и тымъ ѡстатъ­нимъ роска­за­немъ нашим при­ка­зу­е­мы абысте се м(и)л(ости) во всемъ послуш­ни будучи верне пилне цнот­ли­ве слу­жи­ли и роска­за­ня ее м(и)л(ости) || послуш­ни были, пре­стрек­га­юн­ць в тым сумъ­не­ня и повинъ­но­сти сво­ее про­тивъ пану нале­жа­чое, яко ж кото­рыи если бы се пока­зал, а звла­ща урад­ни­ковъ непо­слу­шъ­нымъ албо ли неронъд­нымъ теды тако­во­го кож­до­го ее м(и)л(ость) кнеж­на мал­жонъ­ка наша ѡтме­нят, а вод­лугъ баче­ня сво­е­го людемъ цнот­ли­вым и доб­рым въря­ды в ыме­нах наших роз­да­ва­ти маетъ. Баче и розу­мемъ то доб­ре же поспо­ли­те кож­дыи непри­я­тель чого не можетъ кому за живо­та якое зло­сти, або крив­ды якое при живо­те его вчи­нил, тогды по смер­ти дово­де­чи воли к умыс­лу сво­е­го пред се взя­то­го маль­жонъ­це ѡста­лои и детеи к усит се труд­но­сти и фра­сун­ки чинитъ. для того по живо­те сво­ем умыс­ли­ломъ мал­жонъ­ку мою ее м(и)л(ость) пани ката­ри­ну кгра­бян­ку з тенъ­чи­на кнеж­ну слуц­кую у вопе­ку и ѡбо­ро­ну пору­чи­ти ихъ мило­сти ясне­вел­мож­но­му пану костен­ти­ну костен­ти­но­ви­чу кн(я)жати ѡстрозь­ско­му вое­во­де киевъско­му, маръ­шалъ­ку земъ­ли волы­нъ­ское, ста­ро­сте воло­ди­мир­ско­му пану бра­ту мое­му мило­сти­во­му и вель­мож­но­му п(а)ну его м(и)л(ости) кн(я)зю андрею виш­не­вец­ко­му, вое­во­де зем­ли волын­ское, а вел­мож­но­му п(а)ну яну кишъ­це, кра­и­чо­му, вели­ко­го кн(я)зства лито(в)ско(го), дер­жав­цы быст­риц­ко­му и за то ихъ м(и)л(о)сти того ѡста­точ­но­го про­збою моею пилне про­ше, абы их м(и)л(ость) паме­та­ю­чи на повин­ность свою при­я­телъ­скую и на за||ховане и поволъ­но­сти мои при­я­тель­ские ее м(и)л(ость) кнеж­ну мал­жонъ­ку мою у вопе­це и ѡбо­роне сво­еи м(ило)сти и во всемъ если бы якую втечъ­ку ку ихъ м(и)л(ость) въ якои потре­бе сво­еи мели лас­ка­ве допо­ма­га­ти и кривдъ албо труд­но­сти ни ѡт кого тер­петь допус­кат не рачи­ли, а за то их м(и)л(ость) пан богъ нех запла­тою будетъ в чим ѡни лас­ка­ве се захо­ва­ти про­тив ее м(и)л(ость) кнежне малъ­жонъ­це моеи и еи яко убо­гои вдо­ве так­же и ѡси­рот­не­лым дят­кам помоц­ни будут. бачи­лом теж то и розу­ме­лом по вси дни живо­та мое­го иж за спол­ною зго­дою и малые речи у вели­кие при­хо­дятъ, а з незго­ды и вели­кие впа­ды­ва­ютъ и в зни­щене при­хо­дятъ и ачъ кол­векъ виде­лом, то завж­ды иж ее м(и)л(ость) кнеж­на мал­жон­ка моя милая маетъ вели­кую лас­ку и милость про­тив всих сыновъ наших яко прав­ди­вая и лито­сти­вая мат­ка, сыно­ве теж не менъ­шую повол­ность учъ­ти­вость послу­ги про­тивъ ее м(и)л(ости), яко милое мат­ки сво­ее завж­ды ѡка­зу­ют з чого се сер­це мое завж­ды радо­ва­ло. ниж­ли я розу­ме­ю­чи тому доб­ре и тою се пре­сте­ре­га­ю­чи абы на потом кото­рыи непри­я­тель хоте­чи над ними воли сво­ее дово­ди­ти не вки­нул межи них якое нена­ви­сти з чого похо­дит незго­да, а з незго­ды згу­ба и втра­та, пре то ражу, про­шу, а нау­по­ми­наю и при­ка­зую абы межи собою в доб­рои сполъ­нои зго­де меш­ка­ли, мат­ка абы мило­ва­ла дети, а дети сыно­ве наши кнежне мат­це сво­еи слу­жи­ли и вся­ку повол­ность и послу­шен­ство чини­ли и в каж­дых спра­вахъ и потре­бахъ сво­ихъ абы межи собою сполне пора­ды ужи­ва­ли и тым зац­но­му кня­жец­ко­му дому нашо­му честь и сла­ву чини­ли и тое собран мое ѡт мене имъ пору­чо­ное вод­луг того ѡпи­су мое­го захо­ва­ли и таким шафо­ва­ли || и тое роска­зане мое моцне дер­жа­ли, а непри­я­те­лом поте­хи не дава­ли. А ку тому ѡсоб­ли­ве ражу, про­шу, нау­по­ми­наю и при­ка­зую вам сыно­ве мои мили юрью, семене и алек­сан­дре абысте по увесь часъ живо­та сво­е­го в ста­лои вере хре­сти­ян­скои зако­ну нашо­го гре­че­ско­го ста­ле меш­ка­ли и нико­му се уво­дит не дали, а тое пра­во­слав­ное веры зако­ну нашо­го гре­че­ско­го нико­ли неѡд­сту­по­ва­ли и во всем се захо­ва­ли вод­лугъ сего деста­мен­ту остат­нее воли моее. въ томъ васъ сум­не­немъ и бла­го­сла­вен­ством моим ѡтцов­ским ѡбо­ве­зу, аж если бы кото­рыи з вас тотъ доста­мент ѡста­точ­ное воли моее в чомъ кол­векъ нару­шил, теды за тако­вое непо­слу­шен­ство его ѡт части всих име­неи моих лежа­чих и скар­бов мает­но­сти нашое рухо­мое и ѡт боже­го бла­го­сла­вен­ства тым деста­мен­том моим ѡтда­ляю и про­кляц­тво мое ѡтцо­въское на него вкла­даю. ку кото­ро­му деста­мен­ту ѡста­точ­ное воли моее печат свою при­ло­жи­ти каза­въши и рукою моею власт­ною под­пи­сал, а при­томъ спра­во­ва­ню того деста­мен­ту мое­го были и того доб­ре све­до­ми люди зац­ные пан андреи триз­на ключ­ник и под­ключ­ник троц­кии судя кгрод­скии нов­го­род­скии, пан янъ стра­вин­скии земе­нин г(оспо)д(а)рскии пове­ту тро­цъ­ко­го, а панъ васи­леи федо­ро­вичъ тиша земе­н­инъ госпо)д(а)рскии пове­ту нов­го­род­ско­го, кото­рые за уст­ною аз ѡче­ви­стою про­збою моею печа­ти свои при­ло­жив­шы и влас­ны­ми рука­ми сво­и­ми под­пи­са­ти рачи­ли. Писан в новом дво­ре лет по наро­жи сына боже­го 1578 м(есе)ца ѡктоб­ря шест­на­сте­го дня.
Юря кня­жа слуц­кии рукою своею
Андреи триз­на рукою своею
Ян стра­вин­скии рукою своею
Васи­леи федо­ро­вич тиша рукою своею