1562, квітня 20. Вільно. — Лист продажний маршалка господарського князя Александра Андрійовича Сангушковича Кошерського, писарю пана Миколая Радзивіла пану Матису Савицькому маєтку Річиці Володимирського повіту за 4000 кіп грошів.

1562, квіт­ня 20. Віль­но. — Лист про­даж­ний мар­шал­ка гос­по­дарсь­ко­го кня­зя Алек­сандра Андрій­о­ви­ча Сан­гуш­ко­ви­ча Кошерсь­ко­го, писа­рю пана Мико­лая Рад­зиві­ла пану Мати­су Сави­ць­ко­му маєт­ку Річи­ці Воло­ди­мирсь­ко­го повіту за 4000 кіп грошів. 

Алεк­сан­дръ Андрεεвичъ Санк­гуш­ко­ви­ча Кошεр­ский, мар­ша­локъ г(о)с(по)д(а)ра королѧ εго м(и)л(о)сти Жик­ги­мон­та Авгу­ста, Божю м(и)л(о)стью королѧ пол­ско­го и вεли­ко­го кн(я)зѧ литов­ско­го, рꙋско­го, прус­ско­го, жомоитског(о), мазо­вεц­ко­го, лиф­лѧнт­ско­го и иныхъ, чиню ѩвно и вызна­ваю самъ на сεбε тымъ моимъ листомъ, кому будεть того потрε­ба вεда­ти або чту­чи εго слы­ша­ти нинεш­нимъ и на потомъ будꙋчим.
Иж ѩ, вынѧв­ши з трεтεε части всихъ имεнεй моихъ ѡтчиз­ных, ѡдно имεньε моε Рεчи­цꙋ, лεжа­чоε на Полεсьи мεжи воло­стьми Ратεч­ски­ми и Ковεл­ски­ми Хотѧ­шε­ва, про­дал εсми тоε имεньε своε Рεчиц­коε пану Маты­су Савиц­ко­му, писарꙋ ѩснεвεл­мож­но­го пана, пана Мико­лаѩ Ради­ви­ла, кн(я)жати на ѡлы­цε и Нεсви­жу, воε­во­ды вилεн­ско­го, мар­шал­ка зεмъ­ско­го и канц­лε­ра навы­шъ­шо­го Вεли­ко­го кнѧз­ства Литов­ско­го, ста­ро­сты бεрεстεй­ско­го и ковεн­ско­го, дεр­жав­цы бори­сов­ско­го и шов­лεн­ско­го, за чоты­ри тиса­чи копъ гро­шεй лич­бы и монεты литов­скоε, лича­чи по дεсѧти п(е)н)я)зεй в грошъ, пану Маты­су помεнε­но­му само­му, εго жонε, дεтѧмъ, пото­мъ­камъ и щад­камъ εго, а в зоштью пото­мъ­ства бεз пло­ду и всимъ близ­кимъ εго муж­ско­го и жεн­ско­го рожаю, ѡтдалѧ­ю­чи то ѡт сεбε, ѡт дεтεй и всихъ блис­кихъ, крεв­ныхъ моихъ, ѡбεль вεч­но и нико­му ничимъ нεпо­ру­шъ­но. А про­далъ εсми тоε имεньε своε Рεчиц­коε зов сими люд­ми тѧг­лы­ми, з дан­ни­ка­ми и борт­ны­ми, и з данью мεдо­вою и гро­шо­вою, с цын­ша­ми, с куни­ца­ми, з боры, лεсы, гаѩ­ми, з ловы звεрин­ны­ми и пта­ши­ми, и з боб­ро­вы­ми гоны, з рεка­ми и рεч­ка­ми, зъ ѡзεромъ Рεчи­цою, и з всту­помъ до поло­ви­цы ѡзε­ра Сεр­са, до кото­ро­го с прод­ковъ моихъ воль­ный вступъ в поло­ви­цꙋ маю, и з вεч­ши­ми мои­ми власт­ны­ми и з вступ­ны­ми ѡзε­ры, с поло­вомъ риб­нымъ, и зо вси­ми пожит­ки з лεсовъ и пущъ по гра­ни­цахъ ста­ро­вεч­ныхъ такъ дол­го и широ­ко, ѩко сѧ тоε имεньε Рεчи­ца само в собε и в ѡбы­ходεхъ сво­их маεть. И ѩко то прод­ко­вε мои з роздε­лу пεв­но­го ѡт иных кн(я)зεй Санк­гуш­ко­ви­човъ, бра­тьи своεε, по ꙋро­чи­щахъ и пεв­ныхъ гра­ни­цах сво­ихъ дεр­жа­ли и со всεю влад­но­стью, ѩко ѩ самъ пра­вомъ сво­имъ при­ро­жо­нымъ в моцы своεй мεлъ, ничо­го вжε на сεбε, на жону, на дεти, на близ­киε и крεв­ныε мои, нε вый­му­ю­чи ани зоста­ву­ю­чи такъ, иж ѡсоб­ли­воε нε мεно­ва­но­му а мεно­ва­ноε ѡсоб­ли­во­му всѧкимъ потомъ вынай­дε­нымъ пожит­комъ, ничо­го шко­ди­ти, пра­ва и влад­ность вεч­но­сти ѡт мεнε пущо­ной зъмεн­ши­ва­ти нε маεть. Кгды ж кож­до­му вод­лε звы­чаю пра­ва поспо­ли­то­го и ста­ту­ту зεмъ­ско­го εстъ воль­но трεтѣю часть имεнεй сво­ихъ шафо­ва­ти и на вεч­ность кому хотѧ­чи заво­ди­ти длѧ слуш­ноε з часомъ при­па­лоε потрε­бы своεй.
Кото­роε имεньε моε Рεчи­цꙋ вжε ѡт сεго часу и даты нижεй ѡпи­са­ноε пану Маты­су Савиц­ко­му вжε εсми пустилъ и симъ моимъ листомъ пущаю в моцъ и дεр­жа­ньε дεдич­ноε εму подаю, запи­сую и заво­жу пра­вомъ моимъ власт­нымъ ѡтчиз­нымъ и дεдиз­нымъ, за кото­римъ ѡт заса­жεньѩ прод­ковъ моихъ дому Санк­гуш­ко­во з дав­ных часовъ, ѩко тоε имεньє Рεчи­цꙋ, такъ и всю ѡтчиз­нꙋ мою во ꙋспо­кои до сихъ мεстъ дεр­жу. Вεдь жε потвεр­жεньε слав­ноε памεти королεвой εε м(и)л(о)сти и вεли­коε кн(я)гини Боны на гра­ни­цы, кото­риε εε к(о)ролεвскоε м(и)л(о)сть ѡт Хотε­шо­ва, имεньѧ своε­го Ковεль­ско­го, вεсти рачи­ла с тымъ имεнь­εмъ моимъ Рεчи­цою, тоε ѩ потвεр­жεньε пану Маты­су з ынши­ми листа­ми, ку тому налε­жа­чи­ми, ѡтдал єсми. А в мεнε на тоε имεньε ниѩкий листъ вжε нε зосталъ.
А хотѧ ж бы сѧ по томъ и пока­залъ ку шкодε ѩко пана Маты­со­вой, тако­выε листы ꙋ всѧко­го пра­ва жад­ноε моцы мεти и ни в чомъ ку моεй и пото­мъ­ков моихъ сто­ронε пома­га­ти нε маεть, алε εщε пра­ву и вεч­но­сти εго под­по­рою при­стой­ной будεть. Кото­ри гра­ни­цы вод­лε того потвεр­жεньѩ помεнε­но­го ѡт Хотε­шε­ва, а ѡсоб­ливε ѡт Ратεн­скихъ воло­стεй ку Корꙋнε налε­жа­чихъ, маю ѩ пану Маты­со­ва с под­да­ны­ми мои­ми рεчиц­ки­ми завε­сти и пода­ти такъ, ѩко то здав­на ку тому имε­нью при­слу­ха­ло, а ѡн маεть собε тыхъ гра­ницъ дохо­ди­ти вод­лε моε­го завε­да­ньѩ моимъ власт­нымъ накла­домъ. Маεть пан Матысъ Савиц­кий, жона, дεти, пото­мъ­ки и щад­ки εго ѡбоε­го, муж­ско­го и жεн­ско­го ста­ну, а в заштью потом­ства ихъ, поки народ власт­ный и на εго зой­дεть, ино блис­киε, крεв­ныε ихъ тоε имεньε вεч­нымъ дεдиц­ствомъ дεр­жа­ти со вси­ми пожит­ка­ми, кото­рыε сѧ вышεй помε­ни­ли, и кото­рыε бы εщε з дов­сти­пу люд­ско­го мог­ли сѧ выналεз­ти и при­чи­ни­ти при­бав­лѧ­ю­чи и роз­ши­ра­ю­чи в томъ имε­ньи Рεчиц­комъ покулѧ гра­ни­цы ста­риε идꙋть, млы­ны, рꙋды, фолю­шεε ста­вы сажав­шε, тамъ собε робѧ­чи и пожи­ток с того собε привлащаючи.
И волεн ѡн будεть самъ, жона εго, такъ жε дεти, потом­ки и вси блис­киε εго тоε имεнε Рεчи­цꙋ, ѡт мεнε вεч­но­стью завεдε­ноε, кому хотѧ­чи ѡтда­ти, про­да­ти, даро­ва­ти, замε­ни­ти, заста­ви­ти, на костεл або шпи­таль запи­са­ти, и ѩко сами налε­пεй розу­мε­ю­чи ку своε­му пожит­ку при­вла­щи­ти и ѡбо­ро­ча­ти. А ѩ вжε ѡт сεго часу самъ, жона моѩ, дεти и потом­ки и вси блис­киε мои нε маεмъ сѧ в тоε имεнє Рεчиц­коε и в намεн­шую рεчъ, што єст и будεт в нεмъ при­чинε­но гос­по­дар­ствомъ, всту­по­ва­ти и пεрεка­зы дεр­жа­нью спо­кой­но­му пана Маты­со­во­му и εго пото­мъ­ков чини­ти под закла­домъ на г(о)с(по)дара королѧ εго м(и)л(о)сти чотыр­ма тисѧ­чи копъ гро­шεй, а пану Маты­су и εго потом­камъ дру­ги­ми чотыр­ма тисѧ­ч­ми копа­ми гро­шεй. А εст­ли бы хто пана Маты­са або пото­мъ­ковъ εго в томъ нахо­дилъ ꙋ тоε имεнє ѩкимъ выналѧз­комъ розу­му або блис­ко­стю доис­ки­ва­ю­чи сѧ под нимъ ѡт нεго ѡтнѧти хотεл и труд­ность в гра­ни­цахъ зада­вал, тогды ѩ и пото­мъ­ко­вε пану Маты­су и пото­мъ­камъ εго за ѡбо­сланεмъ ѡт нεго листомъ г(о)с(по)д(а)ръскимъ або вра­до­вым бεз всѧко­го позы­ванѩ маεмъ ѡт тако­во­го позыс­ко­ванѩ блис­ко­сти ꙋ всѧко­го пра­ва тоε имεнε и гра­ни­цꙋ ѡчищати.
Ѩко ж захо­вы­ва­ю­чи сѧ ѩ, вод­лε звы­чаю пра­ва поспо­ли­то­го, ѡпо­вε­дал εсми тую про­да­жу мою εго к(о)ролεвской м(и)л(о)сти, г(о)с(по)д(а)ру моε­му м(и)л(о)стивому ч(о)л(о)мъ бъючи, абы то εго королεв­скаѩ м(и)л(о)сть ку вεдо­мо­сти своεй г(о)с(по)д(а)рской при­пу­стив­ши до книгъ канц­лѧрεй­скихъ роска­зать запи­са­ти рачилъ.
А длѧ лεп­шоε пεв­но­сти под­пи­сав­шимъ тотъ εго листъ власт­ною рукою моεю и пεчать εсми свою до нεго завεсилъ.
А при томъ были и того суть доб­рε свε­до­ки вεль­мож­ныε пано­вε их м(и)л(о)сти: панъ Васи­лεй Тиш­кεвичъ, воε­во­да под­лѧ­шъ­ский, мар­ша­лок г(о)с(по)д(а)рский, ста­ро­ста мεнь­ский, панъ ѡста­фεй Воло­вичъ, мар­ша­локъ двор­ный, под­скар­бий зεмъ­ский, писар г(о)с(по)д(а)рский, ста­ро­ста моги­лεв­ский, дεр­жав­ца ꙋсвѧт­ский и ѡзε­ри­шъ­ский, панъ ѩн Мико­лаεвичъ Гай­ко, писар г(о)с(по)д(а)рский, коню­ший городεн­ский, дεр­жав­ца ѡшкан­ский, ꙋтεн­ский и крас­носεль­ский, а панъ ѩн Волч­ко­вичъ, коню­ший и под­ко­ню­ший вилεн­ский, дεр­жав­ца васи­лиш­ский, кото­рыε за моεю про­збою и пεча­ти свои при­вε­си­ти и при­ло­жи­ти рачи­ли к сεму моε­му листу.
П(и)санъ ꙋ Виль­ни, лѣто Божε­го наро­жεньѩ тисѧ­ча пѧт­сотъ шεсть­дεсѧтъ вто­ро­го, м(е)с(я)ца апри­лѧ два­дца­то­го днѧ.
1Александр, рука в(л)асне подпи(са)л.

Ори­гі­нал: AGAD, Zbiόr Dokumentόw Pergaminowych, Dz. X, Sygn. 4806, K. 1. Пер­га­мент. Роз­міри: 54,8х49,5 см. Кіль­кість стрі­чок — 37. Стан збе­ре­жен­ня — від­мін­ний. Чор­ни­ло світ­ло-корич­не­ве. Ско­ро­пис. Почерк писа­ря вираз­ний. Натиск силь­ний. Доку­мент під­пи­са­но Олек­сан­дром Андрій­о­ви­чем Сан­гуш­ком-Кошерсь­ким. Збе­рег­ло­ся п’ять пле­те­них шнур­ків (кожен з яких скла­даєть­ся із бор­до­во­го та зеле­но­го), на яких зали­ши­лось п’ять печа­ток тем­но-зеле­но­го кольо­ру. Ім’я писа­ря відсутнє.
1 Осо­би­стий під­пис Олек­сандра Андрій­о­ви­ча Сангушка-Кошерського

Інформації про печатки немає

Релятівні категорії документів

Немає зв’язанних родів

Всі кате­горії документів