1543, липня 6. Чернче. — Рішення комісарів стосовно скарги підданих королівських маєтків у містечку Чернчі та Маневичі Луцького повіту на утиски маршалка Волинської землі, володимирсько старости, князя Федора Андрійовича Сангушковича Кошерського.

1543, лип­ня 6. Черн­че. — Рішен­ня комі­сарів сто­сов­но скар­ги під­да­них королівсь­ких маєт­ків у містеч­ку Черн­чі та Мане­ви­чі Луць­ко­го повіту на утис­ки мар­шал­ка Волинсь­кої зем­лі, воло­ди­мирсь­ко ста­ро­сти, кня­зя Федо­ра Андрій­о­ви­ча Сан­гуш­ко­ви­ча Кошерського. 

[Арк. 1] Мы, Мико­лай Кора­бѧ, вой­ский хол­мъ­ский, ста­ро­ста любом­ский, а Бог­дан Михай­ло­вич Сεмаш­ко, ста­ро­ста ковεл­ский, мεл­ниц­кий, вижов­ский, милѧ­нов­ский, фали­лεиц­кий ѡбъ­ѩвѧ­мы тымъ листом нашим, ѩко г(о)с(по)д(а)рь корол єго м(и)л(о)сть, пан наш м(и)л(о)стивый, рачил нам, слу­гам сво­им, роска­за­ти выє­ха­ти до имεнѩ εго м(и)л(о)сти г(о)с(по)д(а)рского повѣтꙋ Луц­ко­го Чεрн­чε Город­ка и Манεвич и кривдъ под­дан­ных єго м(и)л(о)сти того-то имεнѩ Чεрн­чε­го­род­ско­го и Манεвиц­ко­го, кото­рыи ѡни мεни­ли починε­ны собε быти ѡт кн(я)зѧ Фεдо­ра Андрѣεви­ча Санк­гꙋш­ко­ви­ча, мар­шал­ка Волын­скоє зεм­ли, ста­ро­сты воло­ди­мир­ско­го, з ымεнѩ єго Кара­си­на ѡсмот­рεти и справεд­ли­воε розо­знанє ѡ кгрунт того имεнѩ, маю­чи Б(о)га, и справεд­ли­вост пεрεд ѡчи­ма сво­и­ми вчи­ни­ти, и што­бы было кгрун­тꙋ справεд­ли­во­го єго к(о)ролεвски м(и)л(о)сти, иж бых­мо то при имε­ню єго м(и)л(о)сти г(о)с(по)д(а)рьском зоста­ви­ли. А што­бы было кн(я)зѧ, ста­ро­сты воло­ди­мир­ско­го, справεд­ли­во­го, абы­х­мо єго при єго справεд­ли­во­сти захо­ва­ли и гра­ни­цꙋ пεв­ную мεжи имεнєм єго м(и)л(о)сти г(о)с(по)д(а)рским и кн(я)зѧ ста­ро­сти­ным имεнєм вчинили.
Мы, слу­ги єго к(о)ролεвски м(и)л(о)сти, на роска­за­нє εго м(и)л(о)сти на рокъ, ѡт г(о)с(по)д(а)рѧ εго м(и)л(о)сти зло­жо­ный, и ѡт кн(я)зѧ ста­ро­сты воло­ди­мир­ско­го при­нѧтый, д(е)нь св(я)того Пεт­ра, св(я)та минꙋ­ло­го, там до того имεнѩ єго м(и)л(о)сти г(о)с(по)д(а)рского Чεрн­чε Город­ка и Манεвич при­ε­ха­ли, а кн(я)зь Андрεй Михай­ло­вич Кошεр­ский, ста­ро­ста луц­кий, стεрε­гꙋ­чи рεчи г(о)с(по)д(а)рьскоє ѩко врѧ­дов­ник єго м(и)л(о)сти тамош­нε­го зам­кꙋ Луц­ко­го, и нам до того имεнѩ || [Арк. 2] г(о)с(по)д(а)рьского при­є­хал, гдε ж и кн(я)зь, ста­ро­ста воло­ди­мир­ский, пил­нꙋ­ю­чи тоє ꙋмо­вы и року своє­го, к намъ при­є­хал. Мы, маю­чи наꙋкꙋ єго к(о)ролεвски м(и)л(о)сти, и в копεи листꙋ кн(я)зѧ, ста­ро­сты воло­ди­мир­ско­го, ѡпи­сан. Так сѧ єсмо спра­во­ва­ли, напεрвεй роска­за­ли єсмо под­дан­ным г(о)с(по)д(а)рьским чεрн­чε­го­род­цом и манεви­ча­ном, абы ѡни нас при­вε­ли и нам вск­за­ли, гдε крив­дꙋ собε ѡт кн(я)зѧ, ста­ро­сты воло­ди­мир­ско­го, мают. ѡни нас напεрвεй при­вε­ли в ост­ров, кото­рый мεнют Дꙋбро­ви­цою, и вска­за­ли пεрεд нами вεлε дεрε­ва борт­но­го, ска­жо­но­го и попалε­но­го, повε­да­ю­чи, иж тот ѡст­ров их влост­ный, а кн(я)зь, ста­ро­ста, им то кгвал­том ѡтни­мал и тоє дεрεво пока­зи­ти казал. А кн(я)зь, ста­ро­ста, повεдѧл, ижбы тот ѡст­ров єго былъ, а тыи люди, королѧ εго м(и)л(о)сти в нεго кгвал­том ѡтни­ма­ли и новым зна­мεнεм в тот сѧ ѡст­ров впи­са­ли, тоє дεрεво ижбы сами ж пока­зи­ли, ѩк тоє имεнε єго пꙋсто было спу­сто­шо­но ѡт татар, а повεдѧл, иж єго имεнѩ и людεй, в том ѡст­ро­вε стар­шии, зна­мε­на были. А люди королѧ εго м(и)л(о)сти повε­ди­ли, иж в томъ дεрεвε поса­жо­ном ихъ были ста­рыи под­пи­сы и зна­мε­на, ниж­ли люди εго за роска­за­нєм єго пока­зи­ли и попа­ли­ли, чого люди королѧ εго м(и)л(о)сти на людεй єго хотε­ли довод чини­ти и присѧгати.
Мы, хотѧ­чи доста­точ­нε всεє крив­ды под­да­ных єго м(и)л(о)сти г(о)с(по)д(а)рьских довε­да­ти и ѡсмот­рεти, роска­за­ли єсмо имъ, абы ѡни всю гра­ни­цꙋ свою, кото­рую ѡни мают с Кара­си­ном, намъ ѡказали.
Гдε ж || [Арк. 3] ѡни повε­ди­ди, иж мают с Кара­си­номъ посεрεд боло­та, кото­рым боло­том повε­ли к одно­мꙋ ѡст­ров­ку, на кото­ром была ѡлха, и в той ѡлсε гран вынѧ­ли и нам ѡка­за­ли, и ѡттол повε­ли боло­том, мину­ю­чи ѡст­ров ц(е)рковный чεрн­чε­го­род­ский аж до борꙋ, кды на бор вывε­ли, тогды вка­за­ли нам кол­ко­сот гранεй в дεрεвεх нару­би­ных. Кото­ры­εи повε­ди­ли, иж имъ поло­жо­ны чεрεз коми­са­ри ѡт кн(я)зѧ Костѧн­ти­на, нεбож­чи­ка, выслан­ный пана Михай­ла Сεмаш­ко­ви­ча, а кн(я)зѧ Васи­лѩ Сокол­ско­го, а пана Стε­па­на Воро­паεви­ча, кн(я)зь ста­ро­ста воло­ди­мир­ский вка­зал, поѡ­дал тых гранεй людεй королѧ εго м(и)л(о)сти свои гра­ни бар­зо ста­рыи. Кото­рый повε­дил, иж кды εщо тоε имεнε єго Кара­син на прεд­ков королѧ εго м(и)л(о)сти кꙋ Чεрн­чε Город­ку дεр­жа­но, тεды люди кара­син­скии сами заходѧ­чи злодεй­ским ѡбы­чаεм, тыи гра­ни­цы поло­жи­ли, а нε з ꙋрѧ­ду тыи гра­ни­цы мεжи ними поло­жо­ны были, а ку людεмъ королѧ εго м(и)л(о)сти мовил, иж бы ѡни тыи свои гра­ни так­жε злодεй­ским ѡбы­чаεм клали.
А тыи коми­са­ри, ѡт кн(я)зѧ Костѧн­ти­на высла­ныи, имъ тых гра­ниц нε кла­ли, повε­да­ю­чи, иж бы Стε­пан Воро­паεвич чεрεз посꙋ­лы то зво­дил, а гра­ниц нε поло­жил. Тыи люди королѧ εго м(и)л(о)сти мови­ли, иж тыи гра­ни­цы тыи коми­са­ри, высла­ныи ѡт кн(я)зѧ Костѧн­ти­на, имъ поло­жи­ли и листъ сꙋдо­вый на тоим были дали, ниж­ли кды тата­ро­вε при­бы­ли на Волын|| [Арк. 4]скꙋ зεм­лю бεз вεсти и в тот час и тоє имεнε Чεрн­чε Горо­док на корεн ска­зи­ли и людεй всих выбра­ли, в тεн час и лист сꙋдо­вый в них зги­нул. Алε прεд сѧ ста­ви­ли шап­кꙋ на кол­кодεсѧт свεт­ков ѡба­пол­них сꙋсε­дов сво­их, и кото­рыи тому розєздꙋ и тым гра­ни­цам ѩкъ их тыи суди кла­ли были свε­до­ми, и иншии и сами на том розєздѣ при тых судѩхъ были и с тыми свεт­ки на том при­сѧ­г­ну­ти хотε­ли. И к томꙋ бра­лисѧ на само­го того заход­цꙋ, ѡт кого кн(я)зь ста­ро­ста тоє имεнε Каεра­син маεт на зεмѧ­ни­на зεм­ли Волын­скоє Лεц­ка Баεвског(о), кото­рый жив, а ѡни с ним тыи гар­ни­цы гра­ни­чи­ли, а кн(я)зь ста­ро­ста того заход­цы своε­го на том рокꙋ нε поста­вил, што был повинεнъ вчи­ни­ти и до нεго тыи люди королѧ εго м(и)л(о)сти сла­ли, иж по тыи гра­ни­цы ѡн тыи зεм­ли с ними дεр­жал, а чεрεз них нε всту­по­вал. Кнѧз ста­ро­ста на свεдεц­ство того заход­цы сла­ти нε хотεл.
А так мы, видѧ­чи справεд­ли­вост пѡд­да­ных королѧ εго м(и)л(о)сти и вывε­дав­ши ѡт ѡба­пол­них сꙋсε­дов тамош­них, маю­чи Б(о)га и справεд­ли­вост прεд ѡчи­ма сво­и­ми, а звла­ща бача­чи на то, иж кн(я)зь ста­ро­ста воло­ди­мир­ский самъ свεдεц­ство на тых под­да­ных сво­их выдал, што ѡни нε з ꙋрѧдꙋ, алε злодεй­ским ѡбы­чаεм тыи гра­ни­цы кла­ли, под|| [Арк. 5]даных королѧ εго м(и)л(о)сти при тых гар­ни­цах их єсмо зоста­ви­ли, и мεжи ста­ры­ми их гран­ми новыи гра­ни­цы им єсмо каза­ли позна­чи­ти. А по боло­том коп­цы по грꙋ­дом каза­ли єсмо поко­па­ти. Ниж­ли што сѧ доты­чεт того ѡст­ров­ка Дꙋбро­ви­цы, вывε­да­ли єсмо ѡт королѧ ж εго м(и)л(о)сти под­да­ных их. Тыи под­да­ныи єго кара­син­цы мѧли в нεм пол сво­их в заставε ѡт сто лεт и далεй, и нε хотѧ­чи єсмо нару­ши­ти сум­нεнѩ своε­го, при­да­ли єсмо єму в том ѡст­ров­кꙋ кꙋ боло­тꙋ зεмли.
А тꙋю зεм­лю ѡт имεнѩ кн(я)зѧ ста­ро­сти­на въ сто­ро­ну под­да­ных королѧ εго м(и)л(о)сти єсмо ѡтє­ха­ли, ѡгра­ни­чи­ли и коп­цы зако­па­ли почон ѡт гра­ни­цы Голꙋзεй­скоє ѡт боло­та Вод­ска до Дꙋбро­ви­цы, и чεрεз тот ѡст­ров Дꙋбро­ви­цꙋ до боло­та ѡсот­нѧ тым боло­том по поло­ви­цы про­тив дол­го­го ѡст­ров­ка до доро­ги Кара­син­скоє, ѡт доро­ги до нив­ки вро­чи­ща Бεр­лε­ноε про­тив Чεрн­чε­го­род­ско­го ц(е)рковного ѡст­ро­ва Сεто­вищъ, ѡттол до вро­чи­ща рεч­ки Колεн­ца, ѡт Колεн­ца до Клεм­но­го, ѡт Клεм­но­го до Крас­но­го Борꙋ по доро­гꙋ Боро­вεн­скую, ѡт Крас­но­го Борꙋ до Стол­ских плεсъ, ѡт Стол­ских плεс до Бεл­ско­го лεса, ѡт Бεл|| [Арк. 6]ского лεса до Цεта­ни бродꙋ по доро­гꙋ вεли­кꙋю Пин­скую до гра­ни­цы Чεр­ви­щъ­скоε и Боро­вεн­скоє, по кото­рымъ вро­чи­щам гранεй в дεрεвεх ново поло­жо­ных, кромъ ста­рых нεска­жо­ных три­ста а коп­цов сεм­на­дцат єсмо поло­жи­ли, што ж кн(я)зь ста­ро­ста воло­ди­мир­ский и под­да­ныи королѧ εго м(и)л(о)сти ѡт нас вдѧч­нε при­нѧ­ли, и юж по тыи гра­ни­ци и по тыи коп­цы ѩк кн(я)зь ста­ро­ста воло­ди­мир­ский, так под­да­ныи королѧ εго м(и)л(о)сти спо­кой­нε вεч­нε дεр­жа­ти под­нѧ­ли и чεрεз ѡныи гра­ни и коп­цы в тыи зεм­ли ꙋсту­по­ва­ли, нε мают под закла­дом на королѧ εго м(и)л(о)сти двε­ми тисѧч­ма копа­ми гро­шεй. А што сѧ тычεт шкод, кото­рыи мεни­ли люди королѧ εго м(и)л(о)сти собε починε­ны быти, а кн(я)зѧ ста­ро­сти­ны под­да­ныи собε ѩко ж спор нεма­лый коло того мεжи собою мεли. А потом сѧ ѡни поεд­на­ли и з обудвꙋ сто­рон тыи шко­ды мεжи собою ѡпустили.
И на то єсмо чεрн­чε­го­род­цом и манεви­ча­ном || [Арк. 7] дали сεс наш лист з наши­ми пεчатми.
П(и)сан в Чεрн­чε Город­кꙋ, лεт(а) Бож(его) нарож(еня) 1543, м(е)с(я)ца июл(я) 6 дεн, индикт 1. || 

Ори­гі­нал: AGAD, Zbiόr Dokumentόw Pergaminowych, Dz. X, Sygn. 4803, K. 1–8. Папір. Водя­ний знак — «кабан» — містить­ся на арку­шах 5–6, 7–8. Два арку­ші папе­ру зіг­нуті нав­піл. Звер­ху та зни­зу заши­ті білою нит­кою. У ниж­ній частині скріп­лені шнур­ком чер­во­но­го кольо­ру, який на Арк. 8 закріп­ле­ний печат­кою з чер­во­но­го сур­гу­чу із гер­бом Російсь­кої імпе­рії 3‑го Депар­та­мен­ту Уря­до­во­го Сена­ту. Загаль­ні роз­міри вели­ко­го арку­шу: 45х33 см. Роз­міри арку­шів тек­сто­вої части­ни: 22,5х16,5 см. Кіль­кість стрі­чок: Арк. 1 — 24, Арк. 2 — 24, Арк. 3 — 23, Арк. 4 — 23, Арк. 5 — 21, Арк. 6 — 20, Арк. 7 — 4. Стан збе­ре­жен­ня — від­мін­ний. Чор­ни­ло тем­но-корич­не­ве. Ско­ро­пис. Почерк писа­ря вираз­ний. Натиск силь­ний. Збе­рег­ло­ся дві печат­ки під папе­ро­вою кусто­дією. Ім’я писа­ря відсутнє.
Попе­ред­ні пуб­ліка­ції: Archiwum ksiąząt Sanguszków w Sławucię, wydane przez Bronisława Gorczaka, konserwatora tegoz Archiwum. — t. IV. (1535–1547). — Lwów, 1890. — № ССLXXXIII. — S. 353–355. № 24.