1543, березня 04. Краків. — Лист обміну князя Василя Михайловича Сангушковича Ковельського з королевою Боною замку Ковель з усіма прилеглими населеними пунктами та землями на волость Горвол і двори Смолняни і Обольці.

1543, берез­ня 04. Кра­ків. — Лист обмі­ну кня­зя Васи­ля Михай­ло­ви­ча Сан­гуш­ко­ви­ча Ковельсь­ко­го з коро­ле­вою Боною зам­ку Ковель з усі­ма при­лег­ли­ми насе­ле­ни­ми пунк­та­ми та зем­ля­ми на волость Горвол і дво­ри Смол­ня­ни і Обольці.

Ѩ, Васи­лεй Михай­ло­вичъ Санк­гꙋш­ко­ви­ча Ковεл­ский з жоною моєю Зофѣю и сыномъ моимъ, кн(я)зεмъ Гри­горь­єм, и з доч­ка­ми мои­ми Ган­ною, Мак­далε­ною, Мари­ною, вызна­ва­мы сами на сεбε, сим нашимъ листом, хто на нεго посмот­рит, або чтꙋ­чи єго ꙋслы­шит, нинεш­нимъ и напо­томъ бꙋдꙋ­чим, комꙋ будεт потрεбъ того вεдати.
Иж ѩ, маю­чи вεли­кии, а нεз­нос­ныи крив­ды свои ѡт моло­до­сти своєє, а ж и до того часу ѡт бра­та и крεв­ных сво­их и ѡт инших мно­гих сꙋсε­дов сво­их, ѩк в посε­да­нии [зεмль, так в частых запла­тах] 1 ꙋ прεзыс­кох их, кото­ры­ми им чинилъ завж­дым ку впа­ду и шко­дам при­хо­дил [и нигдым впо­кою] в ыймεнѩхъ сво­их пεрεд ними мεти нε могъ, и в дол­ги нεма­лыи сεбεм заво­дил, ѡ чом жε єсми нεѡд­но­крот г(о)с(по)д(а)рю коро­лю єго м(и)л(о)сти и εε м(и)л(о)сти королεвой чолом бил, абых мог з братєю крεв­ною и з ынши­ми сꙋсε­ды сво­и­ми справεд­ли­вост ѡдεр­жа­ти, ач-колвε была лас­ка их м(и)л(о)сти г(о)с(по)д(а)рьскаѩ надо мною, слу­гою их м(и)л(о)сти, [иж их м(и)л(о)сть] за чоло­мъ­би­тεм моим, [часто]крот листы свои и коми­сарεй сво­их, людεй доб­рых, зац­ных зъ дво­ра их м(и)л(о)сти г(о)с(по)д(а)рского мнѣ дава­ти рачи­ли, абых ѩ пεрεд тыми коми­сар­ми их м(и)л(о)сти з братεю моεю справεд­ли­вост обεих ѡдεр­жал, [алε ѩ за вели­ким ꙋзказ­нεнεмъ] их, тогды пεрεд тыми коми­сар­ми справεд­ли­во­сти собε з ними ѡдεр­жа­ти нε мог, ѡдном завж­ды трꙋд­ност ѡт них прий­мо­вал и в накла­ды вεли­кии приходил.
И нε могꙋ­чи юж далεй тыε трꙋд­но­сти и кривдъ тых тεр­пεти, и за тым вεли­ким ꙋзванεнєм ихъ нε бꙋдучи єсми бεз­пε­чон гор­ла своε­го и вси маεт­но­сти своєє, бил-мо чолом нεѡд­но­крот королεвой εε м(и)л(о)сти г(о)с(по)д(а)рини нашой м(и)л(о)стивой, абы єє м(и)л(о)сть рачи­ла надо мною, слу­гою εи м(и)л(о)сти, [лас­кꙋ и] зми­ло­ванє своε г(о)с(по)д(а)рьскоє вчи­ни­ти и за мною до королѧ εго м(и)л(о)сти, г(о)с(по)д(а)рѧ нашо­го м(и)л(о)стивого, [вло­жи­ти, а] лас­кавε и м(и)л(о)стивε при­чи­ни­ти, абы εго м(и)л(о)ст рачил мои имεнѩ к рꙋкам сво­им г(о)с(по)д(а)рским взѧти, а мнε гдε индε на спо­кой­нεй­шом мѣст­цꙋ ѡтмεнꙋ дати, а єст­ли бы воли королѧ εго м(и)л(о)сти на то не было, иж бы εε м(и)л(о)ст рачи­ла сама тыи имεнѧ мои к рꙋкам сво­им г(оспо)д(а)рскимъ взѧти, а мнε ѡтмεнꙋ дати, гдε ж их м(и)л(о)сть, волѧ г(о)с(по)д(а)рскаѧ, пεрвεй на то нε была, абы мεл имεнѩ ѡтчиз­ны мои к рꙋкам сво­им взѧти, а мнѣ за них ѡтмε­ны давати.
А потом за нас тым чолом­би­тεм моим и слεз­ны­ми про­зба­ми мои­ми єє м(и)л(о)ст королε­ваѩ и вεли­каѧ кн(е)г(и)нѧ Бона рачи­ла надо мною, слꙋ­гою а под­да­ным сво­им, м(и)л(о)с(е)рдиε и лас­кꙋ свою г(о)с(по)д(а)рскꙋю ѡка­за­ти и зεм­лю г(о)с(по)д(а)рѧ нашо­го, королѧ εго м(и)л(о)сти, рачи­ла εε м(и)л(о)сть мнѣ дати в отмεнꙋ волост Горвол, а дво­ры свои Смол­нѧнε, а ѡбол­цы зо всимъ, ѩк таѩ волост и тыи дво­ры в собε сѧ мают и ѩк єст в листε εε м(и)л(о)сти ширεй ѡпи­са­но. А на про­тив­кꙋ тоε воло­сти и ѡных дво­ров εε м(и)л(о)сти спꙋ­стил­мо εε м(и)л(о)сти ѡтмѣ­ною имεнѩ свои ѡтчиз­ны вси и куп­лε­ныи, и всѧки­ми ѡбы­чаи набы­тыи, ничо­го на сεбε и на потом­ков, и на ближ­них сво­их в тых имεнѩх нε ѡста­ву­ю­чи: тоє замок Ков­лε з мѣстом и з дво­ры к нεмꙋ при­слу­ха­ю­чи­ми и при­лε­жа­чи­ми на ймѧ Мощε­ном, Дꙋб­ном, Клεвεц­ком, Тули­чо­вом и з сεлы к тому ж зам­кꙋ, и дво­ром при­слу­ха­ю­чи­ми на ймѧ Вεрб­ка, мана­стыр Св(е)тоє Трой­цы, сεла мана­стыр­скии Гой­шин, Бахо­во, Лагод­лεво Волѧ, ѡзεр­ни­ца, ѡбла­пы, Горо­ди­що къ цεрк­ви Горо­ди­щской, Новосѧ­ды, Соко­ло­ва Волѧ, ѡсо­вεц­каѧ Волѧ, замок Милѧ­но­ви­чи з мѣстом и з дво­ры к нεмꙋ при­лε­жа­чи­ми на ймѧ Поры­дꙋ­бы, Нюй­но, Сомын, Тꙋро­ви­чи, Годεви­чи, Клεч­ко­ви­чи, Гол­ша­ни­ца, Зѣло­во, боѩрε дворεц­кии, замок Виж­ва з мѣстом и з дво­ры к нεмꙋ при­лε­жа­чи­ми на ймѧ Хотѧ­шо­во, сεло Виж­ва Ста­раѧ, Брод, Грид­ков­цы, Крас­наѩ Волѧ, Сεкꙋн, Шуш­ки, Мости­ща, замок Фали­ми­чи з мѣстом и з сεлы к нεмꙋ при­слу­ха­ю­чи­ми на ймѧ Застав­цы, Сѧд­мεр­ты, Крас­наѩ Волѧ.
Кото­рыи ж зам­ки и имεнѩ свои спу­стил­мо королεвой єє м(и)л(о)сти и вεли­кой кн(е)г(и)ни Бони нεпεрвεй с костε­лом и цεрк­ви Божи­ми, и с пода­ва­ни цεр­ков­ны­ми, з мѣсты, и дво­ры, и с паш­нѧ­ми двор­ны­ми, з боѩ­ры, и з люд­ми боѩр­ски­ми, и слу­га­ми пут­ны­ми, з люд­ми тѩг­лы­ми, и з дан­ны­ми, с тор­ги, и з ѩрмар­ки, з мыты, с корч­ма­ми, и со всѧки­ми подач­ки а пла­ты в тых мεстεх и дворεх моих, с цын­ши пεнѧж­ны­ми и кунич­ны­ми, и з дан­ми мεдо­вы­ми, и гро­шо­вы­ми, и ѡвсѧ­ны­ми, и зо всѧкою власт­но­стью тых зам­ков и мѣстъ, и дво­ров, и имεнεй моих, тоєсть зо вси­ми зεм­лѧ­ми паш­ны­ми, и борт­ны­ми, з лεсы, боры и дꙋбро­ва­ми, и з ловы всѧко­го звε­рю мало­го и вεли­ко­го, и пта­ши­ми и з боб­ро­вы­ми гоны, з рεка­ми и з рεч­ка­ми, с озε­ры, и ста­вы и ста­ви­щи, з млы­ны и з ихъ вымεл­ки, и зо всим тым пра­вом и власт­но­стью, ѩк сѧ тыи зам­ки, мѣста, и дво­ры, и имεнѩ мои съ ста­ро­дав­на сами в собε и в гра­ни­цах, и в обы­ходεх сво­их мают, ничо­го на сεбε, и на потом­ков, и на ближ­них сво­их нε зоставꙋ­ю­чи. И спꙋ­стил­мо тыи имεнѩ свои спол­мо с кн(е)г(и)нεю и з дεт­ми сво­и­ми г(о)с(по)д(а)рини нашой м(и)л(о)стивой, королεвой єє м(и)л(о)сти самой и их м(и)л(о)сти потом­ком г(о)с(по)д(а)рεмъ нашим м(и)л(о)стивым, вѣч­но и навεки нεпорꙋш­но, вол­на єє м(и)л(о)ст королε­ваѩ сама и их м(и)л(о)сти потом­ки г(о)с(по)д(а)ри н(а)ши м(и)л(о)стивыи, тыи зам­ки, мѣста, дво­ры и имεнѩ мои вышεй мεнε­ныи, ѡтда­ти, про­да­ти, запи­са­ти, замε­ни­ти, роз­ши­ри­ти и при­ба­ви­ти, зам­ки и мѣста бꙋдо­ва­ти, и люди сади­ти, гдε наслуш­ных мεст­цах их м(и)л(о)сти сѧ подо­ба, и ку своε­мꙋ лѣп­шо­мꙋ и вжи­точ­но­мꙋ ѡбεр­ну­ти, вод­лε воли своεй г(о)с(по)д(а)рской, ѩкъ сами налε­пεй розꙋ­мε­ю­чи. А ѩ сам, и жона моѩ, и дεти, и потом­ки мои тоє ꙋмо­вы и мεны своεε рꙋша­ти, ани под єє м(и)л(о)стью и под потом­ки их м(и)л(о)сти г(о)с(по)д(а)рε н(а)шими м(и)л(о)стивыми, тых имεнεй поис­ки­ва­ти нε маεм. Алε вжо на тои мεнѣ, которꙋю ѡт єє м(и)л(о)сти г(о)с(по)д(а)рини н(а)шоε м(и)л(о)стивоε ѡдεр­жал, пεрεста­вам и досыт маю, и то ѡт єє м(и)л(о)сти, г(о)с(по)д(а)рини н(а)шоε м(и)л(о)стивоε, вдѧч­нε приймꙋю.
Ѩко ж єсми εго м(и)л(о)сти, г(о)с(по)д(а)рю нашо­мꙋ м(и)л(о)стивомꙋ Жик­ги­мон­тꙋ, коро­лю пол­ско­мꙋ и вεли­ко­мꙋ кн(я)зю литов­ско­мꙋ ѡбѩвил и то єсми пεрεд єго кролεв­скꙋ м(и)л(о)стю вызнал, иж за тую мεнꙋ мнѣ досыт ста­ло и так ров­но ѡт єє м(и)л(о)сти мам, ѩк и тыи имεнѩ мои были, и тым листом моим вызна­вам, иж таѩ мεна мнѣ доб­рε вышла и ѡвшεм за мои имεнѩ мнѣ ров­но и спол­на ѡт єє м(и)л(о)сти ста­ло, и листы при­ви­лѩ, кото­ры­им колвε на тыи имεнѩ мои ѡтчиз­ни и куп­лε­ныи, и набы­тыи в сεбε мѧл, и листы гра­нич­ныи и вси твεр­до­сти туж пεрεд королεм εго м(и)л(о)стю, паном н(а)шим м(и)л(о)стивым, в рꙋки королεвой εε м(и)л(о)сти пода­вал. А єст­ли бы кото­рыи листы в нεвѣ­до­мо­сти моεй εщε при мнε зоста­ли, а потом бы сѧ ѡка­за­ли тв(е)рды, тыи листы жад­ной моцы мѣти нε мают, ани тых зам­ков, дво­ров, имεнεй власт­но­сти н(а)ши и листы, ѩ сам ани потом­ки мои под их м(и)л(о)стю г(о)с(по)д(а)ри н(а)шими м(и)л(о)стивыми поис­ки­ва­ти нε маεм, и на жад­ной шкодε и пεрεказε тыи листы, єст­ли бы сѧ ѡка­за­ли их м(и)л(о)сти г(о)с(по)д(а)рεм нашим, юж быти нε мают.
А длѧ твεр­до­сти тых рѣчεй вышεй писа­ных, давам єє м(и)л(о)сти королεвой и вεли­кой кн(е)г(и)ни Бони сεс мой лист з моεю пεча­тю. А при тои змо­вѣ и мεнѣ н(а)шой, которꙋю королε­ваѩ єє м(и)л(о)ст рачи­ла зо мною вчи­ни­ти, были и тому доб­рε звѣ­до­ми: вεл­мож­ный пан Мико­лай Вол­ский, пан сꙋдо­мирь­ский, ѡхми­стръ королεвоє єє м(и)л(о)сти, ста­ро­ста саноц­кий, лѧн­ско­рун­ский, лом­зεн­ский и виз­нεн­ский, кн(я)зь ѩн з Дома­но­ва, про­борщъ вилεн­ский, сεкрεтар королѧ єго м(и)л(о)сти, пан Михай­ло Васи­лєвич, писарь королѧ єго м(и)л(о)сти, пан Мико­лай Вой­тε­хо­вич Нар­бут, ста­ро­ста мозыр­ский, пан Мар­тин Тꙋръ, сεкрεтар королѧ εго м(и)л(о)сти, вой­ский бεрεстεй­ский, пан Юхно Ива­но­вич Ван­ко­ви­ча, пан Михай­ло ѩку­бо­вич, дворѧнε королѧ єго м(и)л(о)сти. ѩк жε их м(и)л(о)сть вси спо­лом за чоло­мъ­би­тємъ моим и пεча­ти свои при­ло­жи­ли к сεмꙋ моє­му листу.
Писан ꙋ Кра­ко­вε под лѣты Божє­го наро­жεнѩ тисѧ­ча 500 чотыр­дεсѧт трεтε­го, м(е)с(я)ца мар­та 4 днѧ, индикт 1.

Ори­гі­нал: AGAD, Zbiόr Dokumentόw Pergaminowych, Dz. X, Sygn. 4804, К. 1. Пер­га­мент. Роз­мір 67 см×51 см. Кіль­кість стрі­чок — 33. Стан збе­ре­жен­ня — задо­віль­ний. У дея­ких міс­цях надір­ва­ний пер­га­мент, част­ко­во пош­код­же­но текст доку­мен­та. Чор­ни­ло світ­ло-корич­не­ве. Ско­ро­пис. Почерк писа­ря вираз­ний. Натиск силь­ний. Збе­рег­ло­ся вісім пле­те­них шнур­ків зеле­но­го кольо­ру, на яких зали­ши­лось вісім печа­ток. Пер­ша, п’ята, шоста, сьо­ма та вось­ма — світ­ло-корич­не­во­го кольо­ру; дру­га, тре­тя і чет­вер­та — чер­во­но­го кольо­ру. Ім’я писа­ря відсутнє.
Попе­ред­ні пуб­ліка­ції: Archiwum ksiąząt Sanguszków w Sławucię, wydane przez Bronisława Gorczaka, konserwatora tegoz Archiwum. — t. IV. (1535–1547). — Lwów, 1890. — № CCLXXVI. — S. 339–343. Доку­мент впи­са­ний у під­тверд­ний лист Сигіз­мун­да І Ста­ро­го на С. 340–343 зазна­че­но­го видання.
1 Тут і далі у цьо­му доку­мен­ті у квад­рат­них дуж­ках пош­код­же­ний текст від­нов­ле­но за видан­ням: Archiwum ksiąząt Sanguszków w Sławucię, wydane przez Bronisława Gorczaka, konserwatora tegoz Archiwum. — t. IV. (1535–1547). — Lwów, 1890. — № CCLXXVI. — S. 340–343.

Інформації про печатки немає

Релятівні категорії документів

Немає зв’язанних родів

Всі кате­горії документів