[1505].III.15. – Справа между князем Иваном Ярославичем и паном Станиславом Петровичем о именье Лоско

530. [1505] 03 15 Спра­ва межи кня­зем Ива­ном Яро­сла­ви­чом а межи паном Ста­ни­сла­вом Пет­ро­ви­чомь о име­нье Лоско 

В Бере­стьи, м(е)с(е)ца мар­ца 15 день, индикъ[т] 8. 

Г(о)с(по)д(а)рь корол его м(и)л(о)сть казал про память запи­са­ти, штожь жало­вал его м(и)л(о)сти кн(я)зь Ивань Яро­сла­вичъ на пана Ста­ни­сла­ва Пет­ро­ви­ча, ижъ онъ дер­жить име­нье жоны его близ­кость на имя Лос­ко, и о том перед его м(и)л(о)стю оче­ви­сто сто­ял и мовиль. И пан Ста­ни­славь его отбивал[685] таким обы­ча­емъ: чому еси о тое перед тымъ нико­ли не впоминал. 

И княз Иван рекъ, иже для того есми о том не впо­ми­нал, ижъ тая кн(я)г(и)ня, сест­ра жоны моеи, што дер­жа­ла Лос­ко, еще была жива, меш­ка­ла на том име­ньи аж и до смерь­ти сво­еи, а какь она умер­ла и в тот чась служ­бы г(о)с(по)д(а)рьскии тяж­кии были на нас и теж форо­ба неко­то­рая была на мене тогдя ся при­го­ди­ла и для того есми у мол­ча­ньи был. 

И пань Ста­ни­славь далеи пове­дил, што тое име­нье Лос­ко отец нашъ, корол его м(и)л(о)сть, даль цтю его, вое­во­де троц­ко­му небож­чи­ку пану Пет­ру Яно­ви­чу, и при­ви­лемъ сво­им то его м(и)л(о)сть ему потвер­дилъ. И его м(и)л(о)сть казал был ему тотъ при­ви­леи перед собою поло­жи­ти. И он пове­дил, ижъ тог(о) при­ви­ля съ собою на том часъ не маеть, и его м(и)л(о)сть то имъ отло­жил до сво­е­го в дру­гии разъ щас­но­го при­е­ха­ня до Вели­ко­го Княз­ства Литов­ско­го, какъ его м(и)л(о)сть у Вели­ком Княз­стве будетъ, такъ маю они зася перед его м(и)л(о)стью ста­ти оче­ви­сто и о том мови­ти. И пан Ста­ни­слав тот при­ви­леи на Лос­ко мает перед его м(и)л(о)стью положити. 

А то све­дец­ство кн(я)зеи и пановъ, кото­ро­го роду кн(я)г(и)ни кн(я)зя Ива­но­ва Еро­сла­ви­ча есть. 

Напер­веи све­дец­ство кн(я)зя Ива­на Васи­ле­ви­ча, краичог(о), штож Кори­бу­то­ва доч­ка Олкир­до­ви­ча Маря была у вели­ко­го кн(я)зя Вито­вта на сенех и кн(я)зь вели­кии Вито­втъ дал ее замужъ || [479(240v.)] за кн(я)зя Федо­ра Воро­тын­ско­го, за дадю мое­го, а кн(я)зя Федо­ро­ва доч­ка Воро­ты­нъ­ско­го за кн(я)зем: Ива­номъ Ярославовичомъ. 

А кн(я)зя Анъ­д­рея Костян­ти­но­ви­ча При­хаб­ско­го све­дот­ство: што твоя м(и)л(о)сть мене пыта­ешъ, све­дом ли я роду кн(я)зя Ива­на Яро­сла­вич кн(я)г(и)ни. Ино я тому гораз­до све­дом. Отец мои был у кн(е)г(и)ни Вито­вто­вое чаш­ни­комъ, и я слы­хал от отца мое­го, што тая Маря Коры­бу­тов­на, мат­ка кн(е)г(и)ни Ива­но­вое Яро­сла­ви­ча, и выдал ее кн(я)зь вели­кии Вито­втъ за кн(я)зя Федо­ра Воро­тын­ско­го. А матъ­ка моя пове­да­ла, штож ездил отец ее кн(я)зь Семенъ Вязем­скии и [с] сво­ею кн(я)г(и)нею про­во­дить ее до Воро­тын­ска, а кн(я)зь Дмит­реи Шути­ха а Гри­го­реи Протасевъ. 

А пана Анъ­д­ре­ево Алек­сан­дро­ви­ча Дрож­ды­на све­де­цъ­ство: пове­да­етъ, слы­шалъ от баб­ки сво­еи, от кне­ги­ни Бори­со­вое, а перед тымъ, пове­да­еть, была за кня­земъ Ива­номъ Кори­бу­то­ви­чом, и она тое пове­ды­ва­ла, што кн(я)зя Ива­но­ва сест­ра Коры­бу­то­ви­ча была за кня­земъ Федо­ромъ Воро­ты­нъ­скимъ, а кн(я)зя Федо­ро­ва дочъ­ка, Кори­бу­то­ва вну­ка, за кня­земъ Ива­номъ Ярославичомъ.[586]