1438 г. февраля 4, Луцк. — Жалованная грамота Свидригайла Петру Мышчичу на с. Борщовку, Борок, селище Кандитов и лес Дедьов в Кременецком повете

Млстью Божи­ею мы вели­кии князь Швид­ри­гайлъ литов­скии, рус­скии и иных, чиним зна­ме­ни­то и даем вѣда­ти сим нашим листомъ каж­до­му доб­ро­му, нинеш­ним и потомъ буду­щим, хто на нь возрить или его чту­чи оуслы­шить, кому жь коли его будеть потреб­но, ижъ видѣвъ и зна­ме­навъ служ­бу намъ вер­но­ую, а нигды не ѡпу­ще­ную, наше­го вер­но­го слу­ги, пана Пет­ра Мыш­чи­ча, наше­го кухъ­ми­ст­ра, и мы пора­дыв­ше с наши­ми кня­зи и с паны, ис нашою вер­ною радою, дали есмо ему и запи­са­ли за его вер­но­ую служ­бу села оу Кре­ме­нец­комъ повѣ­те, Боръ­щов­ку, а Борокъ а сели­ще Кан­ди­товъ, а лесъ Дедь­ѡвъ, со всемъ, што к тым селом из вѣка издав­на слу­ша­ло и тяг­ло, вѣч­но и непо­руш­но ему со всѣ­ми оухо­ды и при­хо­ды, съ при­сел­ки и съ сели­щи, и съ нива­мi, и съ паш­нѧ­ми, и с лесы, и з дуб­ро­ва­ми, и з борът­ны­ми зем­лѧ­ми, и ч гаи и с пасѣ­ка­ми, и с ловы и лови­щи, и з боб­ро­вы­ми гоны и з зере­мѧ­ны, и с река­ми, и с озе­ры, и с кры­ни­ца­ми, и с пото­ки, и ста­вы и ста­ви­ща­ми, и со мли­ны, и с мыты, и з боло­ты, и с руда­ми, и так што в тыхъ имѣ­ньехъ собѣ при­мыс­лить и на новомъ коре­ни поса­дить, и со все­ми пла­ты, што к тым имѣ­ньемъ слу­ша­еть и слу­ша­ло и такѣ с луги, и з дуб­ро­ва­ми, и сыно­жат­ми, и со всѣ­ми пожит­ки, можеть собѣ полѣп­ши­ва­ти и рос­ши­ри­ва­ти, ѡса­ди­ти, и при­мно­жи­ти, а даемъ тому пре­ре­чо­но­му пану Пет­роу, инакъ Мыш­це, кухъ­ми­ст­ру вѣч­но и непо­руш­но ему, а по нем и дѣтем его, вну­ча­том и ближ­ним его и его съчет­ком; волин ко всѣхъ тых имѣ­ньех кому ѡда­ти и про­да­ти и про­ме­ни­ти, пан Петръ и его ближ­нии, и по нем буду­щии, пак ли бы хто хотѣлъ тыи имѣньѩ подъ паном Пет­ром взѧти, или подъ его дет­ми и под его ближ­ни­ми, тогды первѣе има­еть пану Пет­ру, инак Мыш­це, дати четы­ри ста коп широ­кихъ гро­шей, а любо дѣтем его, а любо ближ­ним его, тогды има­еть под ними тые имѣньѩ взѧти, а пан Петръ с того имѣньѩ има­ет слу­жи­ти нам две­ма коньи.
А при томъ были све­до­ки, наша рада, а пан Мони­вид, ста­ро­ста подоль­скии и кре­ме­нец­кии, а пан Юрь­ша, вое­во­да киевъскии, а пан Ѩн Вои­ниц­кии, ста­ро­ста луц­кии и ѡлескии, а пан Юрьи, мар­ша­локъ нашь, а пан Хох­лев­ский, а пан Иван Гуле­вич, пан Коза­рин, мар­ша­локъ Луц­кое зем­ли, а пан Мас­ко Гуле­вич, а пан Иван Воло­то­вич, а пан Иван Чор­ный, а пан Иван­ко Мукосѣе­вич; а на потвер­же­нье того наше­го жало­ва­ньа, про лѣп­шюю памѧть и твер­дость, и печать нашу велѣ­ли есмо при­вѣ­си­ти к сему наше­му листу. A псан оу Луц­ку, под лѣты ржства Іису­са Хри­ста, 1438 лета. фев­ра­ла 4 день, индик­та 1.
При­каз кня­зя Бори­сов подъ­канц­нѣре­го, а пана Самашь­ковъ. Мно­го­грѣш­ный, Сна­къ­саръ, писал привилье.