[1507], жовтня 5. [Смоленськ]. Тестамент князя Константіна Федоровича Крошинського.

Въ имѧ Ѡ(т)ца и С(ы)на, и С(вя)т(о)го Д(у)ха амин. Ѩ раб Б(о)жїи кн(я)зь Костѧн­тин Федо­ро­вич Кро­шин­скыи ...[236] сїю д(у)ховницю целым сво­им ꙋмом, будучи ещо въ доб­ром здо­ро­вии и в доб­рои памѧти, хотѧ­чи захо­ва­ти д(у)шю свою къ м(и)л(о)с(е)рдомꙋ Б(о)гꙋ и ..237 Б(о)гом(а)т(е)ри и всем с(вя)тым Его, вка­зал есми по сво­еи д(у)ши дати на с(вя)тыи Б(о)жии ц(е)ркви: Пр(е)ч(и)стои Г(осу)д(а)р(ы)ни собор­нои ц(е)ркви вели­кои 238...скꙋ на годо­выи соро­коꙋстъ и на впис 6 коп гро­шеи а двор мои Сахо­ров­скыи в городѣ про­тив С(вя)т(о)го Пан­телѣи­мо­на ѡзлѣ ...239 подворьѩ, што мат­ка моѩ жила, а село на Наго­ти на Ѡстрои гор­цѣ кꙋп­лю свою под­ле вл(а)д(ы)чних людѣи Маш­ков­цѡв съ всею земле[ю| паш­ною и борт­ною, и съ сено­жат­ми, и сь всим с тым, как на мѣне дер­жа­но, ѡтпи­сы­ваю и ѡтпи­сал теж Преч(и)стои Г(осу)д(а)р(ы)не, про­то­по­пѣ и к(ры]лошаном, на вечи­стꙋю памѧт(ь) моим роди­те­лем ѡ(т)цю и мат­це, и моеи д(у)ши, а на потом жоне и детем моим, а вл(а)д(ы)це сѧ в то не встꙋпат(ь); а вл(а)д(ы)це смо­лен­ско­му два золо­тих, С(вѧ)т(о)мꙋ Сп(а)сꙋ240 ѡбщо­мꙋ мана­сты­рю на низу 2 коп гро­шеи на годо­выи соро­коꙋстъ [и] на впис, С(вя)тои Тр(ои)ци въ ѡбщии мана­стыр на низꙋ 5 коп гро­шеи на годо­выи соро­коꙋстъ и на впис, С(вя)тому Нико­ле конец мостꙋ копꙋ [г]рошеи на соро­коꙋстъ и на впис, Кр(е)стꙋ Ч(е)стномꙋ и С(вя)тои Вар­ва­ре копу гро­шеи, С(вя)томꙋ Пан­те­ле­и­монꙋ копа гро­шеи, С(вя)т(о)мꙋ Д(у)хꙋ копа гро­шеи, С(вя)т(о)мꙋ Ѡфо­на­сью копа гро­шеи, С(вя)тои Пѧт­ни­ци копа гро­шеи, на Наго­ти Р(о)ж(е)ствꙋ Пр(е)ч(и)стое и ц(а)рю Костан­тинꙋ и Елѣне копа гро­шеи, Авр[аа]мевои Пр(е)ч(и)стои копа гро­шей, Пр(е)ч(и)стои Госуд(а)р(ы)ни въ Вил­ни собор­нои ц(е)ркви 5 коп гро­шей на соро­кохꙋстъ и на впис, С(вя)тои Живо­на­чал­нои Т[роиц]и 5 коп гро­шеи на соро­кохꙋстъ и на впис, С(вя)томꙋ Софеи в Полоц­кꙋ 5 коп гро­шеи на соро­кохꙋстъ и на впис, С(вя)т(о)мꙋ Архи­стра­ти­гꙋ Миха­и­лꙋ в Витеб­скꙋ … [241] коп гро­шеи на соро­коꙋстъ и на впис, С(вя)т(о)мꙋ Бори­су-Глѣбꙋ в Новѣ­го­род­це 5 коп гро­шеи на соро­коꙋстъ и на [впис], … [242] коп гро­шеи на соро­коꙋстъ и на впис, в Кыевѣ Пр(е)ч(и)стои Г(о)с(у)д(а)р(ы)ни Печер­скои 5 коп гро­шеи на соро­коꙋстъ [и на впис], [монаст]ирю Пр(е)ч(и)стои Г(о)с(у)д(а)р(ы)ни 5 коп гро­шеи на соро­кꙋстъ и на впис, к Лꙋц­кꙋ Вели­ко­мꙋ собор­нои ц(е)ркви 5 коп гро­шеи на соро­къ­усть и на впис 243 ...скꙋ на собор­нꙋю ц(е)рковъ 5 гро­шеи на годо­выи соро­коꙋстъ и на впис, г(оспо)д(и)нꙋ и ѡ(т)цю нашо­мꙋ мит­ро­фо­ли­тꙋ кыев­ско­мꙋ и всеѩ Рꙋс[и] [к]амка бꙋр­скаѩ, абы его м(и)л(о)сть сам не по[л]ѣнилсѧ, по д(у)ши слꙋж­бꙋ Б(о)жїю собо­ром ѡтслꙋ­жил, а вл(а)д(ы)це полоц­ко­мꙋ, пин­ско­мꙋ, лꙋц­ко­мꙋ, волод­мир­ско­мꙋ по золо­то­мꙋ, абы их м(и)л(о)сть [по] [ду]ши собо­ром слꙋж­бꙋ Б(о)жїю ѡтслꙋжили.
А што мое­го именѩ ѡтчиз­ны и кꙋп­ли дво­ры городц­кыи двор ѡдлѣ Пр(е)ч(и)стое под­ле Пол­те­вых дво­ра а дрꙋ­гыи двор про­тив С(вя)того Бори­са-Гле­ба серед горо­да Мор­ти­нов­скыи, а двор на [На]готи а дрꙋ­гыи в Бол­ва­ни­чох с паш­ны­ми зем­лѧ­ми и борт­ны­ми, и съ сено­жат­ми, из Бѣлиц­кою волост­кою, и з люд­ми непо­хо­жи­ми, и з даню мѣдо­вою и гро­шо­вою, и з боб­ро­вы­ми [гон]ы, и з боб­ры, и з ловы, и с кꙋни­ца­ми, и съ вси­ми дохо­ды и пла­ты, што к тым [и]менѩм здав­на при­слꙋ­ха­ет, и теж што есми [выпра]вил на г(о)с(по)д(а)рех их м(и)л(о)сть на вели­ком коро­ли Кази­ми­ре и на вели­ком коро­ли Александр[е], то все жоне моеи и до еи живо­та и детем моим. А если им Б(о)гь про­длъ­жит здо­ро­виѩ а хто бꙋдет затеи моих, ино им жоны моеи до еи [жи]вота с тых именѣи ни в чом не рꙋшит(ь), а с тых именѣи жона моѩ и дети мают д(у)шю мою поминат(ь). А если з Божее лас­кы г(о)с(по)д(а)рь [к]орол его м(и)л(о)сть ѡчи­стит свое пан­ства Вели­кое кн(я)жоство Литов­ское и наши ѡтчи­ны ѡт непри­е­телѧ сво­е­го вели­ко­го кн(я)з[я] [мос]ковского, ино и тыи наши ѡтчиз­ны на имѧ Клы­п­инъ волъст­ка з люд­ми и Вол­ста, и на Мош­ко­вои люди на имѧ Грѣбеннико…[244] и то жоне моеи и детем моим, а по еи живо­те дѣтем моим на трое, бо на вси тыи именѩ и на кꙋп­ли, и на выслꙋ­гы маю потверж[е]не ѡт г(о)с(по)д(а)рѧ его м(и)л(о)сти при­ви­ле латын­ское и рус­кое. Мает жона моѩ вси тыи именѩ до сво­е­го живо­та держат(ь), а по еи жив[оте] детем моим. А што есми ѡтпи­сал Пр(е)ч(и)стои Г(о)с(у)д(а)р(ы)ни вели­кои ц(е)ркви сѣло на Наго­ти на соро­коꙋстъ Ѡстрои Горе кꙋп­лю свою, в то сѧ жоне моеи не въст[у]пат(ъ) ани детем моим, а дрꙋ­гое сѣло на имѧ Несте­ро­во за Рꙋд­ни­цою ѡтпи­сал есми Р(о)ж(е)ству Пр(е)ч(и)стое и ц(а)рю Костан­ти­ну и м(а)тери его Елѣне на Наго­ти теж на вечи­стꙋю памѧт(ь), и в то сѧ теж не въстꙋпат(ь) жоне моеи ани детем моим. А ѡбъ всеи т…[245] сво­еи милое Анны про­шꙋ и сво­их милых дѣтеи, абы то все съпра­ви­ли под­лꙋгъ мое­го записꙋ, а вѣр…[246] жоне милои, што ж то съпра­виш, а если того не съпра­виш, ино томꙋ Б(о)гъ м(и)л(осе)рдыи бꙋдет судьѩ. П(и)сан … [247] … нскꙋ в лѣт Б(о)жїего тисѧ­ча, ѡктѧбрѧ 5 д(е)нь, индик(т) 11 … [248] сеи д(у)ховници ѩ кн(я)зь Костан­тин Федо­ро­вич и печат(ь) свою приложил.