[1493].12.30. Potwerżenie boiarynu smolenskomu Wasku Mirosławiczu na selo Płoszczowo у Martinowo w Smoleńskim powietie za slużbu ieho żołnierskuju.
Самъ Александръ, Божю м(и)л(о)стью.
Наместнику смоленскому пану Юрю Глебовичу и инымъ наместьникомъ н(а)шимъ, хто потомъ будетъ от нас Смолнескъ держати.
Бил намъ чоломъ боярин смоленский Васко Мирославич и поведалъ передъ нами, штожъ купил у боярини смоленское, у Мартиновое Держковича, село на имя Площово а Мартиново, и дал и записал тое село мужъ ее первыйЯнъ Казночей, и мы были отдали тое село кн(я)зю Василю а кн(я)зю Ивану Федоровичомъ Масалскимъ. Ино и здеся Васко Мирославич листы тые купъчие передъ нами поклал, тотъ листъ, как купил у тое Мартиновое и тежъ другий листъ, какъ Янъ Казночем дал и записал тое село жоне своей.
И мы на тыхъ листех вразумели и тое село на имя Площово зася есмо отдали Васку Мирославину, куплю сто, и потвержаемъ ему тое село симъ н(а)шимъ листомъ. Нехай он тое село держитъ подлугъ того, какъ купил, а намъ с того служить.
П(и)сан в Городне, дек(абря) 30 ден, инъдик(т) 12.
При том был п(а)н Стан(ислав) Иваш(кович), м(а)р(шалок). || [86]
Публікація: Lietuvos Metrika. Номер книги 3: (1440–1498): Литовский институт истории; [подготовлено Линой Анужите, Альгирдасом Балюлисом]. — Вильнюс. — №30.
Інформації про печатки немає
Релятівні категорії документів
- Масальські (9)