Оригінал: невідомий
Копії: 1. ЦДІАК України. – Ф. 26, оп. 1, спр. 4, арк. 130–132 зв. Заповіт померлої княгині Ганни Чорторийської 6 червня 1583 р. пред’явив у Луцькому земському суді Іван Шпаковський разом зі слугою кн. Юрія Чорторийського Себастяном Богушевським. 2. ANK AS. – Teka XV, nr 86, s. 491–497. Завірена копія випису з луцьких земських книг XVIII ст.
Публікація: Демченко Л., Тесленко І. Тестаменти князів Заславських // Острозька давнина, вип. 7, 2020. С. 206–211.
Во имя Ѡтца, и Сына, и Свεтого Духа стансε.
Иж ничого пεвнεишεго на свεтε нε εстъ, ωдно час и година смεрти, которои каждыи чоловεкъ подданъ εстъ, а ижъ тεжъ всякиε рεчи цнотливыε, которыи писмомъ нε бываютъ ωбъяснεны и ку вѣдомости людъскои привожоны, с памεти людскоε сплывают и в запамεтанε приходятъ, прото я, Ивановая Чорторыиская Ганъна Кузминъна Жεславского, ачъ будучи εсми на сεс час ωт П[а]на Бога хоробою тяжъкою зложона, в которои ближшая εсми смεрти, нижли живота, вεджε за доброε памεти и зуполного розуму моεго, кромъ жадного примушεня и намовы, ωдно по своεи доброи воли, постεрεгаючи того, абы по зышстъю моεмъ с того свεта дѣточьки мои в добромъ порядку зостали, и такъ то симъ тεстамεнтом ωстаточъноε воли моεи ку вεдомости людскои доношу.
Ижъ εсли мεнε Панъ Богъ з воли Своεε Свεтоε с тоε хоробы, нε вызволивши, до хвалы Своεи Св[ε]тоε поволати рачитъ, напεрвεи душу мою грѣшъную поручаю Ѡтцу, и Сыну, и Свεтому Духу Богу, в Троици фалимому, а тѣло моε грεшноε зεмли, котороε маεтъ быти поховано в цεркви клεванъскои у Святоε || [арк. 130 зв.] Троицы и водлугъ закону хрεстянского, ижбы свεщεнники тутошниε проводъ чинили и до сорока днεи памεт, а то им заплачεно быти маεтъ. Убогих тεжъ абы надεляли и кормили. Дочку мою кн[я]жну Алεксанъдру Богу Сотворитεлεви в моц и ωпатръностъ а εго м[и]л[о]сти п[а]ну Богдану Сопѣзε, кашталяну бεрεстεискому, брату моεму, в опεку поручаю, которая скоро по погрεбε тѣла моεго ку εго м[и]л[о]сти в дом εхати, тамъ жε у εго м[и]л[о]сти до того часу, покол або замуж поидε, або покол сε княз Юрεи, сынъ мои, братъ εε, ωжεнит, учтивε мεшкати маεтъ. Ѡ што εго м[и]л[о]сти моεго м[и]л[остивого] п[а]на и брата покорнε а унижонε прошу, абы εго м[и]л[о]ст мεнованои дочцε моεи, яко сиротѣ, ласкавым а м[и]л[о]стивым п[а]ном а добродѣεмъ быти и в дому своεм εи учтивε ховати рачилъ. А коли ся, даст Богъ, сынъ мои княз Юрεи, по воли Божεи, ωжεнит, тогды εи, яко сεстру свою, до сεбε взεмши, в дому своεмъ учътивε, яко ласкавыи братъ и яко на εи стан панεнскии налεжит, ховати маεтъ, и посагъ εи з ымεнεи ωтчизных такии жо, якъ и другим дочкам своим, сεстрам εго, εсми давала, тисεчу копъ грошεи готовых, а другую тисεчу копъ грошεи у выправε, и рεчи тыε рухомыε вси, што εсми тεпεр εи насправовала, которыи εст при нεи, а иншии в заставε, то сын мои кн[я]зъ Юрεи выкупити, а всε у выправε шацунком εи дати маεт.
* Долги тεжъ мои, што εсми на потрεбу сына моεго милого, позычуючи, зостала винъна, абы у вεдомости зостали94 .
Што ся дотычεт части имεнъя Глуского, купли моεи, которую εсми за власныε п[ε]н[ε]зи свои у их м[и]л[ости] кн[я]жат кн[я]зя Януша и кн[я]зя Михаила Жεславских, братанъковъ моих, купила, то такъ зоставую, ижъ, што сынъ мои старшии нεбожъчикъ княз Иванъ Чорторыскии гроши готовыε, золото, срεбро, шаты, кони, рынштунки и иншии всѣ рεчи рухомыε на кн[я] зя Юря, сына моεго мεнъшого, а брата εго, приходячиε, побралъ и на свою потрεбу ωбεрнулъ, тεды, хотεчи тую шкоду εго εму тымъ нагородит, ωную част имεнъя властную куплю свою водлугъ статуту права посполитого сим тεстамεнътомъ ωстаточъноε воли моεи мεнованому сыну моεму милому кн[я] зю Юрю Ивановичу Чорторыскому, εму самому, малъжонъцε и потомству εго зо всим на всε, яко сε тая частъ сама в собѣ, в границах, пожиткахъ и ωбыходεх своих маεт, даю, дарую, вεчными часы записую, и тоε всε право своε на εго самого, малжонку и потомъство εго вливаю, ωтдаляючи то ωт инъших всих дεтεи моих, ωт дочокъ и ωт дεтεи князя || [арк. 131] Ивановых, унуковъ моих. До чого вжε ωни и нихто иншии з близких, кровъных и повинных моих николи ничого мѣти, в том сыну моεму кн[я]зю Юрю жадноε пεрεказы и трудности чинити и до права εго ω то позывати нε мают. Алε то вжε при сынε моεм милом, малжонцε и потомствε εго вεчнε зостати маεтъ, будучи то волεнъ ωтдати и продати, даровати, записати и водлугъ воли своεε тым шафовати.
Частю моεю матεристою в том жо имεню Глуском всѣ дѣти мои, княз Юрεи з братаничεм своим, сыном кн[я]зя Ивановым, и з дочками моими, сεстрами своими, ровно дεлитися мают под тым способом, иж εсли похочут дочки мои части свои тамъ сами дεржати, тогды п[а]ни Ѡстафъεвая Горностаεвая княжъна Ѡлεна а п[а]ни Василεвая Загоровская княжна Катεрина Чорторыскиε, которыε у мεнε выправы с того имεня Глуского по двε тисεчи золотых полских узяли, тыε п[ε]н[ε]зи каждая з них, положивши, мεжи сεбε в ровныи дεлъ на пѧт частεи, то εст княз Юрεи зъ сыном кн[я]зя Ивановымъ и три дочки мои, подεлити, а тыε части, им приходячиε в тои части моεи матεристои, у Глуску, так жε ровно в дεржанъε собε розобрати маютъ. Если бы тεжъ которая з них або и вси три дочки мои там частεи своих дεржати сами нε хотѣли, тогды прεд сε тыε части, на них приходячыε, приятεли мают ωшацовати, и εсли бы болшεи, нижли двох тисεчεи золотых, части их стояли, сынъ мои княз Юрεи каждои з них, сεстрамъ своимъ, доплатити, а тоε всε собѣ дεржати маεтъ. А ижъ εщε дочка моя княжна Алεксандра жадноε сумы п[ε]н[ε]зεи с тоε части моεи ωт мεнε нε взεла, тогды, коли ωна замуж поидεтъ, сынъ мои княз Юрεи в тои части моεи матεристои, у Глуску, частъ, на нεε приходячую, εи зараз выдεлити и уступити маεтъ.
Што ся тεжъ дотычεтъ частεи имεня моεго Рычовского, Букотцкого и Прибыловского, моεи власноε и куплεноε у кн[я]жат Жεславских, братанков моих милых, то εстъ частъ чεтвεртая в тых всих имεнъях ωт сябров моих, которая вся частъ моя и куплεная тεпεр ωт мεнε εстъ у заставε у εго м[и]- л[о]стъ п[а]на Ѡлизара Кирдεя Мылского, маршалъка εго кролεвскоε м[и]- л[о]сти, у двох сот и у сорока копах грошεи литовъских, тогды, видεчи я в том нεщасномъ припадку дочку мою милую п[а]ни Василεвую Загоровскую, кашталяновую браславскую, кнεжну Катεрину Чорторыского, што на нεε Панъ Богъ з воли Своεи Св[ε]тоε допустити рачил, и хотεчи εи, дочку мою милую, в том поратовати, на тои чεтвεртои части моεи власнои и куплεнои у Рычовε и в тых мεнованых сεлεх, з особливоε ласки, доброти и милости моεи, мεнованои дочцε моεи, суму п[ε]н[ε]зεи чотыриста копъ грошεи литовских даю, дарую и сим тεстамεнтомъ ωстаточноε воли моεи записую. Которую частъ сынъ мои милыи || [арк. 131 зв.] княз Юрεи, у п[а]- на маршалка выкупивши, εи, сεстрε своεи, ωтдати в дεржанъε и вживанъε поступити маεтъ. А похочεт ли сын мои княз Юрεи тую частъ Рычовскую у нεε ωкупити, тогды маεтъ εи чотыриста копъ грошεи литовских ωтдати а тую частъ всю у Рычовε и в тых сεлεх мεнованых самъ и потомство εго вεчънε дεржати, до чого вжε инъшии дεти мои, сынъ кн[я]зя Ивановъ, унукъ мои, и дочки мои, а сεстры εго, николи ничого мѣти, трудности задавати и до права εго позывати нε мают. Алε того, яко влосности своεи, ωнъ сам и потомство εго вεчными часы уживати мают, будучи волни тую част у Рычовε ωтдати, продати, даровати и, якъ хотεчи, по воли своεи шафовати, в чом сына моεго кн[я]зя Юря и всих дεтεи моих под сумнεнъεм их и боязнъю Божεю ωбвεзую, абы тому досыт водлугъ сεε ωстаточноε воли моεε чинил, тоε выкупилъ, и εи ωтдал, и кривды εи в том водлугъ сε воли моεи нε чынил.
Позычила тεжъ εсми у дочки моεи п[а]нεи Загоровскоε сто копъ и пεтнадцатъ копъ и грошεи ωсмъ литовских, тыε п[ε]н[ε]зи, к тои сумѣ, што на Ѡржεвѣ, двεстε и сорокъ копъ литовъских, прилучивши, вси зараз при выкупεнъю того имεнъя Ѡржова сынъ мои княз Юрεи триста пεддεсят пят копъ гр[о]ш[εи] ωсмъ литовских εи ωтдати маεтъ.
К тому тεж заставила εсми у εи м[и]л[о]сти п[а]нεи Ѡлизаровоε Кирдεεвоε, маршалковоε εго кр[олεвскоε] м[и]л[ости], у сту копах гр[о]ш[εи] литовских срεбро и иншии рεчи мои власныε и дочки моεи п[а]нεи Горностаεвоε, то εст: наливка срεбрεная, ланцухъ золотыи, манεлли двои, ωдны зъ шмалцεмъ голубымъ, а другиε з ланъцужками; п[а]ни Горностаεвои рεчεи: наливка срεбраная и ношεнε золотоε с камεнεмъ, – тую сто копъ грошεи литовъских сынъ мои милыи княз Юрεи εи м[и]л[о]сти п[а]нεи Кирдѣεвои ωтдати, а тыε вси рεчи εи м[и]л[о]сти выкупити, а панεи Горностаεвои рεчи εи ωтдати, а мои собѣ дεржати, манεлли з шмалцεмъ голубымъ унуцε моεи п[а]нεи Зофѣи Горностаεвнε ωтдати маεт, а тыε другиε манεлли при дочцε моεи кн[я]жнε Алεксандрε зоставит маεтъ.
У служεбника моεго п[а]на Михаила Шостаковского позычила εсми на потрεбу сына моεго кн[я]зя Юря сто копъ и дεсεт копъ грошεи литовских, и в тых п[ε]н[ε]зεх срεбро εсми εму заставила, то εстъ мεновитε: наливка срεбрεная, мѣдница срεбрεная, ковъшовъ срεбрεных шεст, ланъцушок золотыи, которыε п[ε]н[ε]зи сто копъ и дεсεт копъ сынъ мои княз Юрεи п[а]ну Михаилу ωтдати, тую заставу в нεго ωкупивъши, собε дεржати маεт.
Што ся дотычεт долговъ моих, которыи бεз заставы, што εсми на потрεбу сына моεго кн[я]зя Юря позычала, то εст: у п[а]на Ероша Тεлεцкого || [арк. 132] двѣсти копъ грошεи литовъских, на што лист мои у сεбε маεтъ, у п[а]нεи Михаиловои Блискавчинои шεстдεсят копъ грошεи литовских – тоε всε сынъ мои княз Юрεи им ωтдати и заплатити маεтъ, кгдыжεм то на потрεбу εго брала.
А ижъ εсми ωбεцала Данъку, жиду, арεндару клεванскому, долгъ сына моεго князя Ивана, што на квитε покажεт, сорок копъ грошεи литовских, заплатити и нε заплатила, прошу сына моεго милого кн[я]зя Юря, абы тую сорокъ копъ грошεи литовъских, водлугъ квиту кн[я]зя Иванова а ωбεтници моεи, тому жидови заплатилъ, жεбы то на душах н[а]ших нε зостало, и тот долгъ кн[я]зя Ивановъ, которыи тот жидъ мεнит быти, бεзъ квиту, εсли будεт правдивыи. Дεржу ω побожности живота сына моεго милого кн[я]зя Юря, жε, припустивши то ку вѣдомости своεи, εму заплатити, а того на братε своεм нε зоставит.
Прошу тεж пилно сына моεго милого кн[я]зя Юря, абы на слуг нεбожъчика малжонъка моεго, ωтца своεго, здавна учтивε заслужоных и за даниною ωтца εго на имεнях мεшкаючих, такъ тεжъ и тых, которым εсми водлугъ давных заслугъ их по колко волокъ з людми подавала, которыε сут годни до служεб εго, абы, памεтаючи на учтивыε службы их, ласкавымъ паномъ былъ, и ласкавыи взгляд на них мѣлъ, и нε можε ли быт болшεи, жεбы им придалъ, чого сут за вεрныε службы своε годни, тεды, абы на томъ εму служεчи, спокоинε мεшкати могли.
Ѡ што всε прошу и упоминаю сына моεго милого кн[я]зя Юря под благословεнъством Божим, абы во всεм сεму тεстамεнтови ωстаточноε воли моεи досытъ чинилъ и εго здεржалъ, яко бы жадного нарεканъя на князя малжонка моεго, ωтца εго, и на мεнε самую ни в чом нε было.
А иншии долги мои малыε, што бεз квитовъ, так тεжъ што по животε моεмъ слугамъ и панном моим служεбъным сынъ мои милыи княз Юрεи дати и их ωтправити маεт, всε достаточнε, на ωсобливыи рεεстръ списавъши, под пεчатю моεю и под пεчатми тых жε пановъ приятεл моих, которыε при справованъю сεго тεстамεнъту моεго были, у вѣдомости зоставила, и тот рεистръ сынови моεму кн[я]зю Юрю дала εсми.
А такъ тεбε, сыну мои милыи кн[я]жε Юрεи, и васъ всих, дѣтεи моих милых, и зо всим влостивымъ вашимъ поручаю в опεку Богу Сотворитεлεви, просεчи Его Св[ε]тоε м[и]л[о]сти, абы благословεнъство Его Бозъкоε, ласка а милосεрдъε завжды прεбывала з вами в помεшканю до надалшого живота хрεстиянъских справъ, богобоинε наслεдуючи, в радости а потεхахъ дотул, покол будεтъ воля м[и]л[о]стивого Пана Збавитεля нашого.
А при томъ были, того добрε свεдоми, за устъною а ωчεвистою прозбою моεю пεчати свои къ сεму моεму тεстамεнъту ωстаточъноε воли моεε приложити и руки свои подъписати рачили их м[и]л[ости] п[а]новε приятεли мои: εго м[и]л[о]стъ пан Мартинъ || [арк. 132 зв.] Кобылскии, пан Василεи Бронницкии, пан Юрεи Тишковъскии, пан Иванъ Шпаковскии. И для лεпъшоε твεрдости сεго моεго тεстамεнъту и я до нεго пεчат свою приложила.
Писанъ у Клεваню лѣта ωт Нарожεнъя Исус Христа, сына Божого, тисεча пятсот ωсмъдεсятъ второго, м[ε]с[ε]ца ноябра второго дня.
Мартинъ Кобылскии, рукою власною.
Юрεи Тишковъскии, власна рука.
Иванъ Шпаковскии, власною рукою.
Примітки:
94 Речення вписано на нижньому березі арк. 130, відповідно до знаку вставки.
Інформації про печатки немає
Релятівні категорії документів
- Жаславські (13)
- Чорторийські (19)