1576 г. августа 24. – Данная кн. Бориса Ивановича Мезецкого арх. Борисогл. м‑ря Самоилу на д. Гусли с пустт. в Дубровском ст. Муромского у.

Се аз, князь Борис Ива­но­вич Мезец­кой, дал есми в дом Бори­су и Гле­бу архи­мо­ри­ту Сомо­и­лу з бра­тьею вот­чи­ну отца сво­е­го Ионы Федо­ро­ви­ча и свою дерев­ню Гус­ли и з пустошь­ми, што х той дерев­ни при­пи­са­на, и со всем уго­дьям, где ходи­ла коса и топор пре­жа сего, по отце по сво­ем по Ионе по Федо­ро­ви­че, и по мате­ри по сво­ей по кне­ини по Орине, и по бра­те по сво­ем по кня­зи Семене – поми­на­ти их душа и напи­са­ти в веч­ную жизнь, и при моем живо­те моли­ти Бога [65] за меня, кня­зя Бори­са, и за мою жену кня­и­ню Ната­лью, и как Бог меня пошлет по мою душю и по мою жену, и им меня напи­са­ти и мою жену в веч­ную жизнь – и с моею при­да­чею, што яз при­дам после сво­е­го живо­та. А нет дела до тое отчи­ны ни моей жене, ни моим детем, ни мое­му роду, ни мое­му пле­мя­ни. И хто в ту отчи­ну учнет въсту­пат­ца, и мне, къня­зю Бори­су, та отчи­на очи­ща­ти и архи­мо­ри­та з бра­тьею убыт­ка не довести.

А на то послу­си Иван Ондре­ев сын Вис­ле­не­ва да Коча­ла Мики­тин сын Жюков.

А даную писал тетюш­ской подья­чей Микит­ка Гри­го­рьев сын, лета 7084-го, авгу­ста в 24 день.

На обо­ро­те:

Князь Борис руку приложил.

Послух Иван руку приложил.

Послух Кача­ло руку приложил.