Арыгінал. Невядомы.
Копіі.. НГАБ. КМФ-18. Воп. 1. Спр. 265. Арк. 314—316 адв. (Метрыка
ВКЛ. Кніга судовых спраў №51, 1566—1571 гг., копія канца XVI ст.).
Публікацыі. В.С. Пазднякоў. Матэрыялы да гісторыі архіваў Беларусі. Ч. 1. Берасцейскае ваяводства (XVI ст.) // Беларускі археаграфічны штогоднік. Выпуск 24. Мінск. 2023 г. № 3. С. 191 — 194.
Лета Бож(ъего) нарож(енья) АФОА [1571], м(е)с(е)ца мая К [20] дня.
Оповедалъ передъ его королевскою м(и)л(о)стью панъ троцкий, подканцлерый Великого Князства Литовского, староста берестейский его м(и)л(о)сть п(а)нъ Остафэй Воловичъ, ижъ в року теперешнемъ тисеча пятьсот семъдесятпервом, м(е)с(е)ца мая четвертогонадцать с понеделъка на волторокъ в ночи з допущенья Божъего место Берестейское мало не все згорело и великую шкоду через огонь || [314 адв.] прынело, в которомъ костелъ римъский и церкви некоторые погорели, а звлаща церковъ мурованая светого Николы, кгды горела, в тот час книги шестеры замковые справъ судовых и записов людских посполитыхъ, за староства небощыка пана воеводы виленского, также и за староства его м(и)л(о)сти самого п(а)на троцкого справованые, з оного кгвалтовного огню вынесены и ратованы быти не могли з ыншими книгами, а то для того, ижъ особливе были зложоны в скрынце невеликой, а инъшые книги ижъ з великимъ кгвалътомъ и небеспечностью лед(ь)ве з огню выратованы.
Якожъ заразомъ, на тот часъ будучы при г(о)с(по)д(а)ру королю его м(и)л(о)сти, писар земский берестейский панъ Адамъ Патей оповедалъ, иж межи тыми книгами погорелыми в книгах в року шест(ь)десят семом была уписана справа, малжонце его Ганъне Федоровне Острожецкого и сестре ее Марине пильне належачая, а то естъ, ижъ отец малжонки его небощыкъ князь Федор Петровичъ Острожэцкий Головня учынилъ певное постановенье, записъ и росправу около всихъ именей своих такъ на Волыню, яко и на Подляшу, у повете Берестейскомъ лежачих, абы по смерти сына его князя Анъдрея, где бы не оженившыся альбо и оженившы без потомства зъ сего света зъшолъ, вся маетность, именья его такъ отчызные, яко и набытые ни на кого инъшого, одно на тые менованые дочки его, то ест(ь) Ганну и Марину, спали и правомъ прырожонымъ прышли, а особливе варуючи то на часъ прышлый, жебы сынъ его князь Анъдрей з оных именей ничого не утрачал ани вечъностью никому не записовалъ и не заводилъ. На што и лист свой под печатью своею и с печатьми людей добрых онымъ дочкамъ своим помененымъ далъ и тот лист свой на враде в замку Берестейскомъ в року шест(ь)десят семом м(е)с(е)ца октебра второго дня самъ очевисте до книгъ кгродских прызнал. А потомъ в року шестьдесятос(ь)момъ месеца августа || [315] двадцат(ь) трет(ь)его дня на рокох судовых земъских, з сойму городенъского преложоных, перед урядомъ земъскимъ берестейскимъ ставъши очевисте, то все з кгроду до земъства переносечи, признаньемъ своимъ ствердилъ и до книгъ земъских тую справу уписати далъ. Который же лист кн(я)зя Федоровъ Головнин с чотыръма печат(ь)ми и выписы два такъ кгродский, яко и земский берестейские с печатьми врадовыми и с подписомъ рукъ врадников кгродских и земъских панъ Адамъ Патей, передъ его королевскою м(и)л(о)ст(ь)ю достаточне оказавъшы, просил, абы тот лист кн(я)зя Федоровъ для вечности до книгъ канц(е)лярейских былъ уписанъ. Которого листу и выписов обу двух, кгродского и земского, его королевская м(и)л(о)ст(ь) огледавъши, тот лист кн(я)зя Федоровъ Головнин до книгъ канц(е)ляреи своее г(о)с(по)д(а)ръское уписат(ь) росказат(ь) рачил. И такъ се оный лист сълово до слова в собе маеть:
Кгдыжъ вси справы людские на свете ест(ь) пременъные и нетръвалые, которие с часомъ своимъ с памети людское исплываеть и въ забыт(ь)е приходят(ь), для чого з воли Божее розумом людскимъ естъ то вынайдено, ижъ кожъдая речъ, которую бы чоловекъ хотелъ у ведомости и памети меть, пис(ь)момъ на пришлые ч(а)сы варують и ку ведомости людской уставуют(ь), чого наследуючи etc., я, Федоръ Петровичъ Острожецкий Головня, ознаймую симъ добровольнымъ моим листом всимъ вобэцъ и кождому зособна, нинешнимъ и напотом будучымъ, кому бы того была потреба ведати ал(ь)бо сес(ь) мой лист слышати, иж я, не будучи ширшымъ потомъствомъ от Пана Бога объдарованымъ, тол(ь)ко маючи одного с(ы)на кн(я)зя Анъдрея и две дочки мои п(а)ни Адамовую Патеевую, писаровую земъскую берестейскую, Ганну, а другую дочку кн(я)жну Марину, ку которимъ всимъ тромъ особамъ однако ровную милост(ь) ойцовскую маючи и бачечи на то пильне, абы по моемъ животе маетност(ь) и вси именья мои отчизные и набытые, которими Панъ Богъ дати || [315 адв.] рачилъ, ледаяко от дому и потомъства моего распрошоны не были и в руки объчие не пришли, яко того много бываеть, ижъ ся домы зацные в недостатку потомъства стану музского зъводят(ь), и маетности мимо властное потомъство в ынъшие домы приходят(ь), а такъ с порадою зацных людей, приятелей моих, а звлаща его милости кн(я)жати Романа Санъкгушковича, которий ми от немалого часу пораду давал, абымъ я за часу доброго здоровъя моего домъ свой росправилъ, ино кгдыжъ ми Панъ Богъ не далъ большей потомъства, только одного сына кн(я)зя Анъдрея, на которого водле Божъего и прирожоного права яко на властного отчича и дедича вси именья и маетность моя по смерти моей приходить и спадает(ь), тогды таковый варунокъ на вси потомъные ч(а)сы оставую, то ест(ь), где бы з воли Божее тот сынъ мой помененый Анъдрей без потомъства зъ сего св(е)та зышолъ, вси именья мои отчизные и набытые такъ на Волыню, яко в Полес(ь)ю и тутъ, на Подляшъю, ни на кого инъшого, тол(ь)ко на тые дочки мои пани Ганну Адамовую Патиевую и Марину прийти и властнымъ а прирожонымъ правомъ на них спасти мает(ь) яко на властное потомъство мое, абыся тежъ они, потомъкове мои, а не хто инъший з добродейства и маетности ойцовъское веселитисе могли.
А сын мой Анъдрей, не маючи потомъства за живота своего, тыхъ именей утрачать и никому жаднымъ вечистымъ правом записовать и вечностью заводить не мает(ь) ани может(ь), ведъже малъжонце своей, естли бы себе оженил, вено напротивко внесенья ее на которомъкольвекъ имен(ь)ю похочет(ь), водле права записати ему вол(ь)но будеть.
А естли бы ему Панъ Богъ потомъство з жоною дати рачил, тогды дочки мои помененые до тых именей жадного вправа мимо его потомство мети ани вступоватися не мають. Нижли естли бы тотъ сын мой не оженився, || [316] не оженившися, ал(ь)бо и оженивъши, чого Боже уховай, без потомъства з сего св(е)та зышолъ, тогды вже то, якося вышей поменило, ни на кого инъшого, тол(ь)ко на тые дочки мои яко на властное потомъство и дедички спадаеть. А по животе их, дочокъ моих, тое право детемъ их служити маеть.
Нижли то особливе варую, ижъ за живота того с(ы)на моего кн(я)зя Анъдрея тые дочки мои до тых именей жадного права и въступу мети и переказы ниякое чинити и того права своего, от мене имъ дарованого, уживати не мают(ь), кгдыжъ тое право их ажъ по смерти сына моего и то, где бы без потомъства з сего св(е)та зышолъ, тымъ дочкамъ моимъ помененым и потомъству их ожити, отворытисе и служити маеть, з вол(ь)нымъ уехан(ь)ем у тые именья мои яко властнымъ паномъ а дедичомъ и потомъкомъ моим.
А ведъже и повторе того докладамъ: деръжечи тые именья, сынъ мой Анъдрей вечност(ь)ю их утрачат(ь) и никому записовать и заводит(ь) не маеть, опрочъ где бы тымъ же сестрамъ своимъ которойкольвекъ што за живота своего з доброе воли своее уступил ал(ь)бо дат(ь) хотелъ, то ему вол(ь)но будеть.
А штося дотычет(ь) малъжонки моее кн(я)г(и)ни Ганъны Одинцевичовны, которая певное право мает(ь) от мене на всемъ именью моемъ Рожанецкомъ на Подляшъю, ино при томъ праве ее вцале и ни в чомъ ненарушоне малъжонку мою оставую, ни чинечи ейжадное переказы, симъ листомъ моимъ. Естли бы тежъ малжонка моя з сего з света заходечы, оного права своего, от мене ей записаного, никому з детей и близких н(а)ших не отписала, тогды по смерти ее и тое именье Рожанъцы тымъ же порадъкомъ и способом, яко вышей поменено, на с(ы)на моего кн(я)зя Анъдрея яко на властного дедича прийти мает(ь), а по его животе, в недостатку потомъства его, на дочки мои пани Ганну Патиевую и Марину, а по них на дети и потомство ихъ дедичнымъ правомъ прийти и спасти мает(ь). Которого имен(ь)я вечностью сын мой такъже утрачат(ь) и ниякимъ способомъ заводит(ь) и никому записоват(ь) не мает(ь).
И на то далэмъ тымъ дочъкамъ своимъ паней Адамовой Патиевой, писаровой земъской берестейской, Ганъне и кн(я)жне || [316 адв.] Марине сесь мой лист з моею печат(ь)ю. При чомъ были и того добре ведоми будучи за устною и очевистою проз(ь)бою моею печати свои приложит(ь) рачили их милост(ь) панъ Богданъ Богушевич Туминъский, а панъ Иванъ Черънъский и панъ Иванъ Мынъцаревич, городничий замку Берестейского. А над то ствержаючи, я сес(ь) лист мой маю то вызнати на враде г(о)с(по)д(а)ръскомъ в замку Берестейскомъ и дать его до книгъ замковых уписат(ь), с которых вземъши выпис, по том перенесеньемъ оного з кгроду до земъства уфале сойму берестейского досыт(ь) ся станет(ь).
Писанъ у Берестьи, лета Божъего нарожен(ь)я тисеча пят(ь)сот шест(ь)десят семого, месеца октебра перъвого дня.
С которих же книгъ его королевское милости канц(е)лярейских за росказаньемъ его милости г(о)с(по)д(а)ръскимъ данъ естъ выпис п(а)ну Адаму Патею, писару земъскому берестейскому, и малжонце его паней Ганне Федоровне Острожецкого.
Писан у Варшаве etc.
Інформації про печатки немає
Релятівні категорії документів
- Острожецькі (3)