1562, червня 18. Вільно. – Тестамент князя Януша Кузьмича Заславського

Ори­гі­нал: невідомий

Копія: РГА­ДА. – Ф. 389, кн. 249, л. 338 об.-341. Впис до кни­ги Литовсь­кої метрики.
Теста­мент пред’явив перед вели­ким кня­зем 18 або 19 черв­ня 1562 р. гос­по­дарсь­кий мар­ша­лок і писар Ян Шим­ко­вич. Випис із книг вида­ний на про­хан­ня тро­ць­ко­го каш­те­ля­на Гри­горія Ход­ке­ви­ча 19 черв­ня 1562 р.

Пуб­ліка­ція: Lietuvos Metrika. Knyga Nr. 249 (1554–1568): 35-oji Teismų bylų knyga (XVI a. pabaigos kopija) / Tekstus parengė S. Viskantaitė-Saviščevienė, I. Valikonytė. – Vilnius, 2008. – P. 270–272; Дем­чен­ко Л., Тес­лен­ко І. Теста­мен­ти князів Заславсь­ких // Острозь­ка дав­ни­на, вип. 7, 2020. С. 198–201

Во имѧ Свεтоε Жыво­на­чол­ноε 1) Тро­и­цы, Ѡтъ­ца, и Сына, и Свεто­го Духа, ку вεч­нои памεти стань­сѧ. Аминъ.
Я, Янушъ Жεслав­скии, будучы на тотъ часъ з Божъ­ε­го допу­щεньѧ тяжъ­кою хоро­бою зло­жо­ныи, лεжа­чыи на смεрт­нои постε­ли и хотячы за доб­ро­го розу­му и зуполъ­ноε памεти моεε росъпра­вить маεтъ­ность мою, нε зъ жад­но­го пры­пу­жεнѧ, ани с чиε || [л. 339] намо­вы, ωдно памεта­ю­чы на ωста­точъ­ныи конεцъ жыво­та моε­го, чыню сεсь мои тεста­мεнтъ и
ωста­точъ­ную волю мою ωзнаимую.
Ижъ εстъ­ли мѧ Богъ м[и]л[о]стивыи зъ сεго свεта збεрεть, полε­цаю душу мою Его Свεтои м[и]л[о]сти, а тεло моε нεхаи похо­ва­но будεть у Св[ε]тоε Тро­и­цы въ Виль­ни, а на погрεбъ и на про­водъ ωтъ­пи­сую сто копъ грошεи.
Што сѧ доты­чεть дεтεи моихъ вло­стъ­ныхъ, кото­рых по собε зоста­вую, сыновъ двухъ а дочъ­ку в лεтεх моло­дыхъ, кото­рымъ з близ­ских крεвъныхъ моихъ при­ятεлѧ и ωпεку­на зычъ­ли­во­го ωбра­ти и выро­зу­мεти εсь­ми нε могъ, алε и ωвъшεмъ по нεко­то­рыхъ пови­но­ва­тых або крεвъныхъ моихъ, кото­рымъ бы пра­вомъ при­ро­жо­нымъ ωпεка при­слу­ша­ла, дозна­ломъ ку собε и ку дεтεмъ моимъ вεли­кую нεзыч­ли­вость, ижъ бы ради ихъ со въсε­го зъса­ди­ли, длѧ того жεдалъ и пиль­нε про­силъ εсь­ми εго вεль­можъ­ноε м[и]л[о]с ти пана Гры­горѧ Алεкъ­санъ­дро­ви­ча Ход­кεви­ча, п[а]на троц­ко­го, гεтъ­ма­на двор­но­го Вεли­ко­го княз­ства Лито­въско­го, дεр­жавъ­цы кор­мя­ло­въско­го, абы εго м[и]л[о]сть, памεта­ю­чы прод­кεмъ на Б[о]га и на повинъ­ность свою крεвъ­ную, тыε дεти мои, и вси имεньѧ, и маεтъ­ность мою по жыво­тε моεмъ ув опεку свою взялъ, што εго м[и]л[о]сть за пиль­нымъ про­шεнь­εмъ моимучы­нить и ωбε­цать εстъ рачилъ. А такъ я, Янушъ Куз­ми­нич Жεславъскии, видячы мно­гую лас­ку, и вεли­кую зыч­ли­вость, и доб­родεист­во εго м[и]л[о]сти пана тро­цъ­ко­го, пана и ωтъ­ца моε­го м[и]л[о]стивого, ку собε, чыню и въста­но­въляю ωпεку­номъ, и εго мило­сти полε­цаю, и даю в опεку дεти мои и вси имεньѧ ωтъ­чыз­ныε, и матεры­стыε мои, и якимъ-коль­вεкъ ωбы­чаεмъ с прод­ковъ моихъ и ωтъ мεнε само­го набы­тыε, ку тому вси скар­бы || [л. 339 об.] и рεчы мои рухо­мыε, якимъ-коль­вεкъ ωбы­чаεмъ назва­ныε або мεно­ва­ны быти могуть, чогомъ ωсоб­ли­выи рεи­стръ подъ пεча­тью моεю εго м[и]л[о]сти п[а]ну троц­ко­му далъ, то всε в руки, влад­ность и моцъ εго м[и]л[о]сти п[а]ну троц­ко­му полε­цаю. И гдε мѧ Богъ м[и]л[о]стивыи с того свεта будεть рачыть взя­ти, εго м[и]л[о]сть панъ троц­кии, яко пεвъныи а пра­выи ωпεкунъ, маю­чы влад­ность и моцъ, ωтъ мεнε εго м[и]л[о]сти злε­цо­ную и даную на вси имεньѧ мои, посла­нь­цовъ и вряд­ни­ковъ маεть посла­ти тых, кото­рых сѧ εго м[и]л[о]сти будεть видεть, и в моцъ, и завε­да­ньε своε яко напεрεд дεти мои маεть εго м[и]л[о]сть взя­ти и водъ­лε доб­ротъ­ли­во­сти и лас­ки своεε ими сѧ ωпε­ка­ти, упра­ву­ю­чы и цви­ча­чы ихъ ку всε­му доб­ро­му, даю­чы ихъ на нау­ку, гдε сѧ εго м[и]л[о]сти подо­бать и видεть будεть, такъ тεжъ и тыми вси­ми имε­нья­ми мои­ми спра­во­ва­ти, пожытъ­ки и дохо­ды с нихъ брать до лεтъ дεтεи моихъ зупол­ныхъ, а с того служъ­бу зεмъ­скую з ымεнεи моихъ повин­ную маεть εго м[и]л[о]сть заступовати.
А к тому долъ­ги мои, комумъ што винεнъ, на што хто квитъ мои пока­жεть, попла­тить. А ωсоб­ливε тотъ долъгъ мои, штомъ εго м[и]л[о]сти само­му пану троц­ко­му зосталъ винεнъ, ижεмъ у εго м[и]л[о]сти ку потрεбε моεи позы­чылъ тры­ста копъ гро­шεи, на штомъ εго м[и]л[о]сти и листы мои вызъ­на­ныε далъ, то маεть εго м[и]л[о]сть с тых жε дохо­довъ або пла­товъ и пожыт­ковъ з оных жε имεнεи моихъ ωтоб­ра­ти. При томъ тεжъ слугъ моихъ, кото­рыε ми слу­жы­ли, тых εго м[и]л[о]сть панъ тро­цъ­кии водъ­лε рεи­ст­ру моε­го, кото­ры­εмъ εго м[и]л[о]сти далъ, маεть ωтъ­пра­ви­ти и запла­тить заслу­жо­но­го ихъ и дати имъ то, яко || [л. 340] кото­ро­му на рεи­стрε ωзънаимεно.
Гдε тεжъ Богъ м[и]л[о]стивыи допо­мо­жεть а дочъ­ка моѧ под­ро­стεть, ижъ будεть εε часъ замуж выда­ти, εго м[и]л[о]сть панъ тро­цъ­кии, яко вло­стъ­ныи ωпεкунъ и ωтεц, маεть εε замужъ, за кого εи Богъ м[и]л[о]стивыидопоможεть, выда­ти и поса­гу по нεи маεть дати двε тисячы копъ гро­шεи­го­то­выхъ, а у выправε, в шатахъ, в пεръ­лахъ и инъ­шихъ рухо­мыхъ рεчахъ дру­гую двε тисячы копъ гро­шεи, кото­раѧ сума з ымεнεи моихъ маεть выда­на быти. А хотя бы тεжъ таѧ выпра­ва на сыновъ моихъ при­шла, вышεд­шы имъ з опεки ωтъ εго м[и]л[о]сти пана троц­ко­го, тогъ­ды пото­му тεжъ и толь­ко, яко сѧ вышεи помε­ни­ло, по тои дочъ­цε моεи, а по своεи сεстрε, будуть повинъ­ни дати.
А што сѧ доты­чεть скар­бу и всихъ рεчεи моихъ рухо­мыхъ – маεт εго м[и] л[о]сть панъ троц­кии водъ­лε рεи­ст­ру моε­го, кото­рыи εсь­ми εго м[и]л[о] сти далъ, пεрε­глεдεти, такъ тεжъ ув ыимεнь­ѧхъ моихъ яко збожъε, быдъ­ло и вси инъ­шыε рεчы, чого сѧ в томъ рεи­стрε нε доло­жы­ло, каза­ти спи­са­ти, и то всε посполъ зъ ымε­нья­ми в моцъ и завε­да­ньε своε взя­ти, и тымъ всим, яко сѧ вышεи помε­ни­ло, до лεтъ дεтεи моихъ ωпε­ка­тисѧ. А кгъ­ды Богъ м[и]л[о]с тивыи допо­мо­жεть а дεти мои лεтъ сво­ихъ дои­дуть, εго м[и]л[о]сть маεть вси тыε имεньѧ мои сыномъ моимъ посту­пи­ти, такъ тεжъ скарбъ и рεчы мои рухо­мыε, што на ωнъ часъ будуть, дεтεмъ жε моимъ пода­ти. А што εго м[и]л[о]сть панъ тро­цъ­кии, дεр­жа­чы въ влад­зы и ωпε­цε своεи тыε имεнѧ мои, пла­ты, дохо­ды и пожыт­ки, кото­рыε жъ коль­вεкъ брать и ихъ ужы­вать будεть, с того лич­бы дεтεмъ моимъ чыни­ти, ани ωни того на εго м[и]л[о]сти дохо­ди­ти а трудъ­но­сти и пово­ло­ка­ньѧ жад­но­го ω то εго м[и]л[о]сти дεла­ти нε мають, алε || [л. 340 об.] с чымъ εго м[и]л[о]сть тыε имεньѧ мои ажε в зуполь­ныхъ лεтεх сыномъ моимъ посту­пить, на томъ мають пεрεста­ти, бо я тому дуфамъ, ижъ εго м[и]л[о]сть панъ троц­кии, яко справεд­ли­выи а побожъ­ныи панъ, шкод­ли­во­го дεтεмъ моимъ зычыть нε будεть.
Што сѧ тεжъ доты­чεть, ижъ мно­гиε нεко­то­рыε рεчы скарбъ нεбож­чы­ка кн[ѧ]зѧ ωтъ­ца моε­го кн[ε]гини матъ­ка моѧ вывεз­ла и в захо­ва­ньε дала εго мило­сти кн[ѧ]зю Ива­ну Чор­то­рыс­ко­му, и такъ ωтъ­мεр­ла, то всε в захо­ва­нью у εго м[и]л[о]сти зоста­вив­шы, такъ тεжъ и εго м[и]л[о]сть кн[ѧ]зь Иванъ Чор­то­рыс­кии ωсоб­ливε нεко­то­рыε имεньѧ мои близ­ко­сты, кото­рыε бы водъ­лε пра­ва пры­ро­жо­но­го на мεнε пры­ити мεли, забралъ, посεлъ и дεр­жыть бεзъ кожъ­до­го пра­ва, абы напо­томъ дεти мои нε шко­до­ва­ли, полε­цамъ того дохо­ди­ти пра­вомъ и вшε­ля­кимъ ωбы­чаεмъ εго м[и]л[о]сти пану тро­цъ­ко­му, яко ωпεку­но­ви. Што εго м[и]л[о]сть в тои рεчы кн[ѧ]зεмъ Чор­то­рыс­кимъ учы­нить, на томъ мають дεти мои пεрεстать.
И тою ωпεкою моεю маεть εго м[и]л[о]сть панъ троц­кии вла­да­ти и спра­во­ва­ти тымъ всимъ, яко сѧ вышεи помε­ни­ло, до лεтъ зуполъ­ныхъ дεтεи моихъ, а близ­киε и крεвъныε мои до того ничо­го нε мають мεти, бо я ωто въсихъ ихъ ωпεкунь­ство εго м[и]л[о]сти пану троц­ко­му даю и злε­цаю. Гдε бы тεжъ, чого Б[о]жε ухо­ваи, на εго м[и]л[о]сти само­го пана троцкого
допу­щεньѧ Божъ­ε­го смεр­ти, а дεти мои εщε бы к лεтом сво­имъ дос­ко­на­лымъ нε прышли, тогъ­ды εго м[и]л[о]сть маεть и моцонъ будεть тую ωпεку, кому εго м[и]л[о]сть само­го будεт волѧ, злε­цы­ти и запи­са­ти. А тотъ, кому то εго м[и]л[о]сть панъ тро­цъ­кии поручыть и тую ωпεку запи­шεть, тако­вую жъ моцъ и влад­ность ωпεкунъ­ства, яко и εго м[и]л[о]сть самъ маεть, мεти || [л. 341] и тымъ всимъ до лεт дεтεи моих спра­во­ва­ти, яко на ωпεку­на будεть прыстояти.
Кото­рыи жε сεсь тεста­мεнт мои у зупол­нои моцы маεть быти дεр­жанъ, а ни въ чомъ намнεи ни ωтъ кого нару­шонъ быти нε маεть. И длѧ лεпъ­шоε пεвъно­сти и твεр­до­сти тую ωста­точ­ную волю и сεсь тεста­мεнтъ мои ωпо­вε­дилъ и ωбъ­явилъ εсь­ми наяс­нεи­шо­му г[о]с[по]д[а]ру н[а]шому коро­лю εго м[и]л[о]сти Жык­ги­монъ­ту Авъгу­сту, Божъю м[и]л[о]стью коро­лю поль­ско­му и вεли­ко­му кн[ѧ]зю лито­въско­му, рус­ко­му, прус­ко­му, жомо­итъ­ско­му, мазо­вε­цъ­ко­му, ифлянтъ­ско­му и иншых, и за томъ г[о]с[по]д[а]ру εго м[и]л[о]сти билъ чоломъ, абы тотъ тεста­мεнт мои до книгъ г[о]с[по]д[а]ръскихъ былъ записанъ.
А к тому я, Януш Жεславъскии, на твεр­дость сεсь мои тεста­мεнтъ, спра­вивъшы, и пεчать мою до εго εсь­ми при­ло­жылъ и до рукъ εго м[и] л[о]сти пану тро­цъ­ко­му далъ.
А при томъ были и того доб­рε суть свε­до­ми ихъ м[и]л[о]сть вεль­можъ­ныε пано­вε панъ Ѡста­фεи Воло­вичъ, мар­ша­локъ двор­ныи, под­скар­бии зεмъ­скии, писар г[о]с[по]д[а]ръскии, ста­ро­ста моги­лεвъскии, усвятъ­скии и ωзεры­щъ­скии, а панъ Янъ Шымъ­ко­вичъ, мар­ша­локъ и писар г[о]с[по]д[а]ръскии, ста­ро­ста тыко­тинь­скии. И про­си­ломъ ихъ м[и]л[о]сти ω пры­ло­жεньε пεчатεи къ сεму моε­му тεста­мεнъ­ту, што ихъ м[и]л[о]сть на про­збу мою учы­ни­ли и пεча­ти свои до сεго тεста­мεнъ­ту моε­го при­ло­жи­ти рачыли.
Писанъ у Виль­ни лεт[а] Бож[εго] Нарож[εнѧ] ҂а҃ф҃ѯ҃в҃ м[ε]с[ε]ца июнѧ и҃і҃ днѧ.

При­міт­ки:
1) Так у тексті.