[№ 148] 1. Лѣт Бож нарож а҃ѳ҃ѯ҃а҃ [1561] мсца мая в [2] днѧ1.
Казано записати•. Присылал до мεнε, Бориса Ивановича Совы, подстаростεг луцкого•, кн҃зъ Яков εго млст Василεвич Крокотка Яловицкии, повεдаючи ѡ ѳоробε дочки своεε пн҃εε Мари Василεвоε Привεрεдовскоε. И просил ѡ вижа, при котором бы ѡна за доброε памεти своεε тастамεнт справовати мεла•.
Ино я з ураду замку гсдрьског Луцког з староства пн҃а моεго εго млсти кн҃зѧ Богуша Ѳεдоровича Корεцкого посылал εсми вижом Михаила Мартиновича Полоцкого. Которыи виж там бывши и ѡттолѧ приεхавши, ставши пεрεдо мною восполок из служεбникомъ кн҃зѧ Якова Яловицког вызнавал и ѡповεдал тым ѡбычаεм, иж пн҃и Маря Якововна Василεвая Привεрεдовская, будꙊчи во имεню Привεрεдовε, лεжачи ꙋ ѳоробε своεи εщε за зуполноε а доброε памεти своεε при мнε, вижу врѧдовом и при зацных людεи [!] добрых шлѧхты•, добро и всю маεтност свою кому хотεчи водлε мысли своεε ѡтказовала и тастамεнт ѡстаточноε воли своεε справовати казала. И кгды ж тастамεнт написано и пεрεд нεю прочитано, тогды ѡна просила тыхъ зацных людεи пн҃ов а приятεлεи своих, которыε на тот час при тастамεнтε справованя были, абы пεчати свои приложили их млсть за прозбою εε пεчати свои до тог тастамεнтy приложити рачили•. Гдε тут жε стоεчи пεрεдо мною служεбник кн҃зя Якова Яловицкого покладал тастамεнтъ под пεчатми людεи добрых и был вычитан с початку аж до конца, которыи тастамεнт так сѧ в собε маεтъ∆.
«Во имѧ створитεлѧ моεго я, раба Божя Маря, жона Василя Привεрεдовского, вырозумεла εсми, иж на сεм свѣтε нѣт пεвнεишог кождому члв҃ку ништо иншоε, ѡдно смεртъ•. Про то я будyчи на свεтε ѳоробою, а в цεлом розумε, казам справити сию мою духовницꙋ, иж бых сама пεрεд ѡсобою своεю // εε справила. Напεрεд, εсли мѧ Гсд҃ь Бог с того свεта взѧти рачит, дш҃у свою полεцаю εго свεтои млсти, а тεло моε ѡтεц мои кн҃зъ Яков Крокотка Яловицкии а муж мои пан Василεи Привεрεдовскии поховати мают в2 Чεсног Крεста y Словичох и муж мои Василεи с тых моих рухомых рεчεи, которыи в нεг в дому сѧ достали, дати по дꙋши моεи по цεрквамъ Яловицким, яко там, гдε будεт тεло моε лεжати в Чεсного Крεста, так и на тую цεрков свεтог Дмитрεя, иж бы год ѡд годꙋ по мнѣ памεт водлуг закону нашог хрεстѧнског бывала. А што сѧ ткнεт всих маεтностεи, так тεж и готовых грошεи, которыε по долгом εсть: срεбра, пεрεл, шат вшεлѧких, конεи, быдла, цεну, котлов и всих домовых рεчεи, которыи я вси тыи ѡт мала и до вεлика з дому ѡтца своεго εго млсти• кн҃зѧ Якова Крокотчина привεзла и нагнала в дом мужа моεг пн҃а Привεрεдовского, то вси тыи рεчи мают сѧ ѡстати при мужи моεмъ, а ѡтεц мои и дочка моя, которую маю с пεрвшим мужом моим Василεмъ Красовскимъ• и нихто з близких моихъ тых всих моих рεчεи на мужи моεм пану Василю Привεрεдовском поискивати нε мают. Што сѧ дотычεт, иж муж мои пан Василεи Привεрεдовскии зостал мнѣ винεн двѣстε коп грш҃εи, на што и запис εго εст, а другую двѣстε коп грш҃εи вно мнε ѡправил на трεтεи части имεни своεм Привεрεдовскомъ, на што ж и запис по тому ж εсть. Если εго свѧтая млст с тог свεта рачит взѧти душу мою, тогды ѡтεц мои εго млст кн҃зъ Яков Крокотка а дѧдко мои пан Дмитръ Козинскии мают вεдлуг записов мужа моεг пн҃а Василεвыхъ Привεрεдовского всю сполна чотыриста копъ грш҃εи литовских на нεм справити або пак вεдлуг записов мают сѧ в люди в части εго привεрεдовскиε ꙋвεзати и то в сεбε дεржати, // поки дочка моя, которую мамъ с пεрвшим мужом моим Василεм Красовскимъ, лεт своих доростεт, в тот час, выховавши εε, замуж ѡтεц мои и дѧдко мои с тыми чотырмасты копами грш҃εи выдати мают. И ѡсобливε εсми слεзнε просила ѡтца своεго кн҃зѧ Якова Яловицкого и дѧдка своεг пн҃а Дмитра Козинского, иж бы до лεт тую дочку мою Ѡвдюхну, которую‑м с пεрвым мужом своим прибыла, цнотливε а добрε в своих ѡпεках и ꙋв оборонε мεли. Пакли ж, чого Бж҃ε ꙋховаи, на тую дочку мою Ѡвдюхну смεрти, тогды тая чотириста коп грш҃εи малжонок мои пан Василεи Привεрεдовскии• тεпεр прεз листы свои записал, яко‑м пεрвεи всεи духовницы моεи выѡбразила, так и тεпεр прεз руки ѡтца и дѧдка моεго всмъ сεстрамъ моим рожεным маεт быти ѡтдана, а сεстры мои тую суму пнз҃εи мают промεжку сεбε роздεлити. А нε мεла εсми при собε гεрбу моεго и просила εсми εго млсти ѡтца своεго кнз҃ѧ Якова Крокотки• и εго млсть на прозбу мою вчинит то рачил и пεчат свою приложил к сεи моεи духовницы. А при том были и тог добрε свѣдоми люди добрыε εго млст кн҃зъ Богдан Василεвич Масалскии а пан Сεмεн и пан Дахно Михаиловичи Зброховича Пεрεкалскиε. Яко ж ꙋстнε их млсти всихъ вεрхоѡписаных панов просила εсми ѡ приложεнε пεчатεи к сεи моεи дꙋховницы. Их млсть на прозбу мою то вчинити рачили и пεчати свои к нεи приложили•. Писан ꙋ Привεрεдовε лεта Божого нарожεнѧ тисεча пѧтсот шεсѧт пεрвого мсца мая пεрвого дн҃я» ∆.
И просил кн҃зъ Яков Крокотка чεрεз служεбника своεго мεнε за то, абы то было записано. А так я вижово сознанε и тастамεнт слово ѡт слова до книгъ замковых записати казалъ› ∞ ∆.
1. Справу записано іншим почерком.
2. Очевидно, далі пропущене слово «в цѣркви».
Джерело: Центральний державний історичнмй архів України у м. Києві, ф. 25, оп. 1, спр. 3, №148, лл. 100–101
Публікація: Луцька замкова книга 1560–1561 рр. / Підготували В. М. Мойсієнко, В. В. Поліщук. — Луцьк, 2013. — 733 с. (Інститут української мови НАН України; Інститут української археографії та джерелознавства імені М. С. Грушевського НАН України; Житомирський державний університет ім. Івана Франка; Центральний державний історичний архів України, м. Київ). ISBN 978–966-02–6854‑8. С. 288–300