1560 г. верасня 29. Беражкі. Тастамент князёуны Map’i Іванауны Палубенскай (Актыкацыя 30 верасня 1560 г.)

[Року 1560]* [136] м(е)с(е)ца сенm(ебра) 30 днѩ. |

При­сы­ла­ла до мене, Лаври­на Зди­тов­ско­го, намесm|ника сло­ни­мъ­ско­го, ее м(и)л(о)сть кнѧж­на Марѩ Ива­нов­на Полу­бень­скаѩ ѡпо­ве­да­ю­чи, иж допу­щеньѩ | Боже­го есть вел­ми хора и про­си­ла мѧ ѡ вижа, при | кото­ромъ бы мог­ла спра­виm таста­менm. Ѩмъ | ку при­слу­ха­ню воли ее м(и)л(о)сти на то при­дал вижомъ | слу­гу мое­го Юхна Ѩно­ви­ча, кото­рыи быв­ши при | кнежне ее м(и)л(о)сти, пере­до мною до книгъ сознал, што | была волѧ ее м(и)л(о)сти, то на теста­мен­те напи|сано, кото­рым ѩ таста­мент сло­во ѡm сло­ва до книг | замъ­ко­вых Ꙋпи­са­ти велел. И такъ сѧ в собе маеm:

«Во име Боже, стансе.

Ѩ, Марѩ Ива­нов­на Полу­бен­скаѩ, | ѡба­чив­ши то, иж кож­дыи ч(о)л(о)в(е)къ жад­ное речи приш|лое пев­не­ишое перед собою не маеm, а пев­не­ишое | ѡдно час и годи­на смер­ти, и ачкол­векъ ѩ, з Боже­го допу|щеньѩ на тоm час будꙊ­чи на теле сво­емъ фораѩ, | але на розу­ме и на всих Ꙋмыс­лех сво­их доб­ре здо­ро­ваѩ | и никимъ не при­пу­жо­наѩ, ани жад­ны­ми намо­ва­ми | зве­де­наѩ, леч сама по сво­еи доб­рои воли, з доб­рою па|меmю а з доста­точ­нымъ а ста­лымъ роз­мыш­лен­нем | чиню сесь мои таста­менm, то есть, ѡста­точ­ную свою || [136 адв.] волю в тоm ѡбычаи.

Напер­веи дꙊшу свою, кгды сѧ 1 з моимъ греш­ным | теломъ роз­де­лить, поле­цамъ и давамъ Гос­подꙊ Богу, Сотво|рителю и Ѡmку­пи­те­лю сво­е­му, ѡm кото­ро­гомъ ее взе­ла. | А греш­но­му телу мое­му похо­ва­нье избра­ла есми в церк­ви | Ꙋспе­ньѩ Пре­чи­стое Б(огоро)д(и)цы, кото­рая цер­ков есть в зам­ку | г(о)с(по)д(а)рьскомъ в Нове­го­род­цы. Маеть зѧть мои пан Иван Ива­но­вич | Лѧд­скии, лес­ни­чии под­лѧскии, з мал­жон­кою сво­ею, а сест­рою | моею, в тои церк­ви, кото­рая в замъ­ку г(о)с(по)д(а)рьскомъ Новгород|скомъ ꙋву­спе­ньѩ Пре­чи­стое Б(огоро)д(и)цы, вели­кои церк­ви, а не в | при­де­ле, про­тив совер­ских две­реи, под­ле стол­па, тело мое | похо­ва­ти. А на похо­ва­нье тела и на роз­де­лене по дꙊши | моеи на церкви
Божеи дала есми пану Ива­ну Лѧд­ско­му лан|цух мом золо­тым, в кото­ромъ важиm сто трид­цаm золо­тых | чир­во­ных, кото­римъ лан­цу­хомъ еще за живота2 сво­е­го небож|чица кн(е)г(и)нѧ мат­ка моѩ мене доро­ва­ла. Ино маеm тоm лан­цух пан Лѧд­скии на золо­тые або на п(е)н(е)зи заме­ниmи и | на тую цер­ковъ, на Успе­нье Пре­чи­стое Б(огоро)д(и)цы, | гдѣ тело мое похо­ва­еть, по дꙊши моеи маеm дати | шесть­десѧm золо­тых чир­во­ных. А семи­десѩтью | золо­тых чир­во­ных маеть пан Лѧд­скии, греш­ное тело | мое похо­вав­ши, и ѡбы­хо­ды, то есть, паме­ти | чини­ти и по дꙊши моеи на иншие церк­ви Божие | дава­ти, што сѧ ему гдѣ виде­ти будеm.

А што сѧ | теж доты­четь части, на мене при­ш­лое, Ꙋ выиме­нью | н(а)шомъ спол­номъ мате­ри­стомъ Дере­ч­инъ­скомъ, || [137] кото­раѩ часть ѡm браmи моее мнѣ выде­ле­на быти | мела. Ниж­ли еще по сесь час ѡнoe име­нье н(а)ше Дере­чин­ское | не все было спол­на выме­ре­но и доморк­го­ва­но, а затым | вечи­сто­го делу в томъ име­нью н(а)шомъ мате­ри­стом, | ѩко стар­шие сест­ры мои, такъ теж и ѩ ѡm браmи еще | не мели, ѡдно, и ж ско­ро по смер­ти небож­чи­цы кн(е)г(и)ни маm|ки н(а)шое, браmѩ мои, не хоте­чи мене про­ме­жи себе | хова­ти, на тоm же час до ров­но­го делу вечи­сто­го | на часть мою посту­пи­ли мнѣ на выхо­ва­нье дво­рец | Дере­чин­ским Береж­ки, кото­ро­го двор­ца в части сво­еи и до | сего часу во в поко­и­номъ дер­жа­нью маю и тепер дер­жу. Кото­ро­го двор­ца зем­ли тепер мерне выме­ри­ли | волокъ пѧт­десѧm двѣ, а пред­сѧ, кгды их м(и)л(о)сть | кн(ѩ)зи бра­тю и сест­ры мои в томъ име­ню Деречин|скомъ вечи­стыи дел про­ме­жи себе мети захо|тѧm, што на мою часть ѡm их м(и)л(о)сти выде­ле­но | будеm, тую часm на мене при­шлꙊю тог(о) именѩ нашог(о) материстог(о), кото­руюм аж и до сег(о) часу во поко­и­номъ дер­жа­ню мела и мамъ, | запи­сую и навеч­ность дарую сест­ре моем стар­шои п(а)неи Лѩд­скои п(а)неи Бог­дане, а бра­ту мое­му молоm­шо­му кнѩ­зю Ива­ну Полу|бенскому, кото­рую часmку тог(о) именѧ материстог(о), на мене при|шлую, маюm ѡнu собе, по поло­ви­цы поде­лев­ши, вечне дер­жаmи | и вжи­ваmи, и кому хотѩ ѡmда­ти, про­даmи, даро­ваmи, и по живоmе | сво­ем кому хотѩ запи­саmи. А иншие братѩ ани сест­ра || [137 адв.] моѩ п(а)ни Бене­дик­то­ваѩ нико­то­ри­ми при­чи­на­ми не маеmсѩ | в то Ꙋсту­по­ваmи веч­ни­ми часы, бо то им запи­са­ла за ѡсоб­ли­вую | ласъку и доб­ро­де­ист­во особ­ли­вое, цнот­ли­вое ихъ ку мне, ѩко ку | сест­ре сво­еи захо­ване. Ку тому, што так­же по смер­ти небожщи|цы кн(е)г(и)ни маmки н(а)шое и вод­луг ѡпи­су на таста­мен­те небож­чи­ка | кн(ѩ)зѧ ѡmца н(а)шог(о), их м(и)л(ость) кн(ѩ)зи вси, братѩ мои, выде­ли­ли мнѣ вено | на дол­гох запи­са­ных гр(о)шеи гото­вых, то ест: на п(а)ну вилен­ском тепе|решнем, на п(а)ну Еро­ни­му Алек­сан­дро­ви­чу сто сем­десѩm коп гр(о)шеи ли(то)вских, | на кн(ѩ)зю Кошир­ском, на тепе­реш­нем ста­ро­сте луц­комъ, сто сорок | коп гр(о)шеи литов­ских, на стар­шом бра­те моем, на кн(ѩ)зю Алек­сан­дру, | сто коп гро­шеи ли(то)вских, а заста­вою на Стац­ка Лыщин­ско­го | людех, три­цеm коп гр(о)шеи литов­ских, а на п(а)ну Ива­ну Гор­но­ста­е­ви­чу, | што братѩ моѩ Ꙋ вене мне посту­пи­ли, старог(о) дол­гу пѧт­десѧт | коп гр(о)шеи ли(то)вских. А ѡкром тог(о), ѡсоб­ли­ве пан Иван Гор­но­ста­е­вич | мене моих власm­ных п(е)н(е)зеи позы­чил педесѩт коп гр(о)шеи ли(то)вских, | и с одног(о) ми лисm дал на сто коп гр(о)шеи тог(о) всег(о), што­бы мели п(ене)зи | браmѩ гото­вы­мы гр(о)шми мне даm, и ѡны на запи­сех тых, | выше­иѡ­пи­са­ных панов, мне дали сумою чиниm коп | пѧт­сот без десе­ти гр(о)шеи. А Ꙋ выпра­ве, то есm в зло­те, в пер­лах, | в кле­и­но­тах, в среб­ре, в шатах и инших рухо­мых речах, шацун|ком дали мне чоты­ры­ста пѩт­десѩm коп гр(о)шеи, ино вод­луг | выправ стар­ших сестръ моих и теж теста­мен­ту небож­чи­ка | кн(ѩ)зѧ ѡmца н(а)шог(о), ѩко иншим стар­шим сест­рам моим было дано | всее выпра­вы кож­дои по тисечи3 коп гро­шеи литов­ских, | а мне еще ѡm бра­тьи моее до тисе­чи коп гр(о)шеи не доста­ва­ло | 60 коп гр(о)шеи ли(то)вских, и тую 60 коп гр(о)шеи вси братѩ мои || [138] на том же венов­ном листе ѡmпи­салм ми се ѡmдаm. А так ѩ, маю­чи | ѡm их м(и)л(ости) кн(ѩ)зеи бра­тьи сво­ее вено, вол­наѩ кому хотѧ­чи вено свое | запи­са­ти и даро­ва­ти. Где ж , напер­веи, стар­шим бра­тьии сво­еи, кн(ѩ)зю Миха­и­лу | а кнѩ­зю Андрею ѡтпи­сую на п(а)ну вилен­ском тепе­реш­нем, на п(а)ну | Еро­ни­му Алек­сан­дро­ви­чу, сто сем­десѩm коп гр(о)шеи литов­ских. А што | теж кнѩз Алек­сан­дръ, брат мои, на листе сво­ем зостал мне винен | сто коп гр(о)шеи ли(то)вских, тую сто коп гр(о)шеи ѡmпи­сую доце его | стар­шои кнѩжне Марии. Шшо теж кнѩз Кошир­ски винен | сто сорок коп гр(о)шеи, то ѡmпи­сую детем бра­та моег(о) кн(ѩ)зѧ Федо|ра, кн(ѩ)зю Пет­ру, а кнѩ­зу Мат­фею, а кнѧжне Ганне. А кн(ѩ)зю | Ива­ну, бра­ту мое­му, ѡmпи­сую на п(а)ну Ива­ну Гор­на­ста­е­ви­чу | сто коп гро­шеи, а три­цаm коп гр(о)шеи на Лыщинског(о) людех зоста|вою ѡmпи­сую зѩтю мое­му п(а)ну Лѧд­ско­му. И тые вси листы | на дол­ги запыс­ные, зоста­ви­лам Ꙋ молотшог(о) бра­та мое­го | кн(ѩ)зѩ Ива­на Полубенског(о). А што сѩ доты­че речем рухо­мых, | то есm, напер­веи, кото­рыи широ­кии лан­цух золо­тыи Ꙋ вѣне ѡm | бра­ти моее Ꙋ шацун­ку мне даныи, тоm лан­цух ѡmпи­сую сестрен|цу мое­му п(а)ну Федо­ру Ива­но­ви­чу Лѩд­ско­му. А што теж | пер­ла в шацун­ку Ꙋ сту копах гр(о)шеи Ꙋ вѣне братѩ мне | дали, и теж пѩт пое­сов сереб­ре­ных, два ѡбру­чи среб­ре­ных | позло­ти­стых, а два на акса­ми­те среб­ре­ных позло|тистых, а пѩтыи поес среб­ре­ныи, белыи без позло­ты, | тые вси пер­ла и пѩт пое­сов отпи­сую сест­ре­ни­цам моим панне | Катрине а панне Поло­нее Ива­нов­нам Лѧдског(о). А кото­рыи | кле­и­ноm и с шафе­ром ѡm браmи мне в шацун­кꙊ даны в семи | копах гр(о)шеи, тоm кле­и­ноm ѡmпи­сую сест­рич­ке моеи панне Пола­ги | Ива­новне. А кото­рые шаты маю ѡm браmи сво­еи, то есm, || [138 адв.] саѩ­нов, шата алтам­ба­со­ваѩ, а дрꙊ­гаѩ шата ѡда­маш­ки | чер­ло­нае Ꙋ девemu месm­цах зло­то­гла­вом бри­жо­ва­наѩ, тре­теѩ шата | ѡкса­ми­ту черлоног(о), чет­вер­таѩ шата ѡла­маш­ки гвоз­ди­ко­вое, | а пѩтаѩ шата ѡкса­ми­тꙊ бурнаног(о), Ꙋро­би­ла кол­дру на постел, то | все, ѩк шаты, так и кол­дру, ѡmпи­сую и дарую тым же сестрыч|кам моимъ, а доч­кам п(а)на Лѩдског(о), панне Кате­рине а панне Пола­неи. | А кото­рое среб­ро маю ѡm бра­тьи сво­ее в шацун­ку шести­десѩт | коп гр(о)шеи, то есm, пол­то­ра тузи­на ложок, куб­ков шесm, а два ков­ши | и ку тому шату ѡда­маш­ко­вꙊю, дикꙊю, куни­ца­ми под­би­тую, | и ста­ток цыно­ва­ныи и меди­ныи, то все ок то ѡmпи­сую и дарую бра­ту | мое­му молод­шо­му кн(ѩ)зю Ива­ну. И ку тому ков­ры, запо­ны, ска­тер­ти, | руч­ни­ки шитые и про­стые, то все ѡmпи­сую и дарую тому молод|шому бра­ту сво­е­му кн(ѩ)зю Ива­ну Полу­бен­ско­му. А кото­раѩ | челед невол­наѩ по небож­чи­цы кне­ги­ни мат­ки н(а)шое м(е)не сѧ | зоста­ла, таѩ, кото­рую м(е)не еще за живо­та сво­е­го небож|чика кнѧзѩ ѡmца н(а)шог(о) даро­валъ, пото­му ж, ѩко | и иншим сест­рам стар­шим моим челѧд невол­ную пода­ва­ли, | то есm, дали ми Соломонидичина4 Сте­фан­ца, тог(о) ѡmпи­сую | и им дарую сына п(а)на Лѧдског(о), а сест­рен­ца моег(о) п(а)на Федо­ра. | А Соло­мо­ни­ди­цꙊ с тре­ма ее сест­ра­ми Поло­не­ицою, Ѡри­ни­цою | а Ѡвдо­ти­цою, а рикунѩн­ка­ми две­ма Кате­ри­ни­цою | а Ѡвдо­ти­цою, тымы шестии дев­ка­ми, дарую и ѡmпи­сую | сесдре моеи панеи Лѩд­ском, п(а)неи Бог­дане. К тому Катери|ницу и сыном ее Федор­цом, а сест­рою ее Ѡвдо­ти­цою, | а Буга­ков­ны две Мони­цою а Жда­ни­цою, а Сте­фа­ни­цою | Тере­хов­ну, тую всю шесте­ро челе­ди ѡmпи­сую и дарую || [139] бра­ту мое­му молод­шо­му к(нѩ)зю Ива­ну Полу­бен­ско­му. А то тых | на волю выпу­щаю и выз­волѩю. Нехаи за душу мою Б(о)ѩ просѧm, | то есm, Ган­ну, Ѡвдо­тѩн­ку, Пара­си­цу Бул­га­ков­ну, Федор­ца Терехо|вича, Куз­му, Степановог(о) сына. Таѩ чет­ве­ро челѩ­ди по живо­те | моеи вол­ны будуm кому хота слу­жиm. А кото­рые маю воз­ни­ки | чоты­ри серые ста­рие, а дру­гие чоты­ры воз­ни­ки стро­ко­тые, | ино тымы чор­тыр­ма серы­мы дарую и их mпи­сую сест­рин­ке | моеи, а доч­це пана Лѧдског(о) панне Кате­рине. А тые строка|тые чоты­ры воз­ни­ки ѡmпи­сую и дарую дру­гои доч­це | п(а)на Лѧдског(о) а сест­ричне моеи панне Полагеи.

За што | ѩ их м(и)л(ость) кн(ѩ)зем бра­ти моее и сест­ри моее п(а)ни Бене­дик­то­вое | покорне про­шу и напо­ми­нам вод­луг тое оста­точ­ное | воли и сег(о) теста­мен­ту моег(о), жебы вси речи, ѩко | на том таста­мен­те ѡпи­са­ла, выпол­не­ны и моцне | дер­жа­чы были, ни в чом тог(о) теста­мен­ту мое­го | не ѡmсту­пу­ю­чи, и ег(о) ничим не нару­ши­ва­ю­чи. Ѩко есми | длѧ леп­шое твер­до­сти к тому теста­мен­ту мое­му | и печаmь свою приложила.

А при спра­ве тог(о) теста|менту моег(о) были и тог(о) доб­ре све­до­мы: ег(о) м(и)л(ость) пан | Ѩн Вик­то­рин, ста­ро­ста ски­дел­скии и мостов­ски, | а слу­жеб­ник их м(и)л(ости) ѩсне­вел­мож­ных п(а)нов ег(о) м(и)л(ости) п(а)на | вое­во­ды троцког(о) а п(а)на Ѡста­фъѩ Воло­ви­ча, | мар­шал­ка и писа­ра г(оспо)д(а)рьског(о), пана Матеи Сте­фа­но­вич | Юржи­ча, а пан Андре­иГ­ри­го­ре­вич Пуга­че­вич, кото­рие | ѡm их м(и)л(ости) туm, в ыме­ню н(а)шом Дере­чин­ском, часъ нема­лыи спра|вуюm пла­ты, дохо­ды и всѧкие пожит­ки тог(о) именѩ н(а)шог(о) | Деречинског(о) спи­су­ют, а пан Ѩн Гор­нов­скии, под­ста­ро­стии || [139 адв.] вол­ко­вы­с­кии а виж, ку том пра­ве з урѧ­ду зам­ку гр(о)дског(о) Слонимског(о) | мне при­да­ныи, пан Юхно Ѩно­вич. Ѩко есми тых выше­име­не­ных | п(а)нов про­си­ла о при­ло­жене печа­теи. И их м(и)л(ость) то на про­збу мою | вчи­ни­ли и печаmи свои при­ло­жи­ли к тому мое­му тестаменту. |

Писан Береж­ках, лет(а) Бож(его) нарож(еньѩ) 1560 року, м(е)с(ѩ)ца сент(ебра) 29 | днѧ, в неделю».

А так ѩ тое ѡпо­ве­да­нье кнеж­ни ее м(и)л(ости), так теж | и сознане вижо­во и вве­дене до книг таста­мен­ту запи­саmи велел. | Н(а) ш(т)о и выпис с книг кнѧжне Марѩ под п(е)чадю5 моею взѩла.