1549 г. сентября 22. — Жалованная тарханная данная грамота и,. Ивана Васильевича иг. Новоспасского м‑ря Нифонту на данную м‑рю по кн. Михаиле Богданове сыне Трубецкого бывшую вотчину кн. Ивана Ивановича Кубенского с. Семеновское Бартенево и сц,. Градцкое с деревнями в Можайском у.

Се аз, ц(а)рь и вели­кии княз(ь) Иван Васил(ь)евич всеа Русии, пожа­ло­вал есми
Сп(а)ссково | Ново­го мона­сты­ря архи­манд­ри­та Нифон­та з брат(ь)ею или по немъ иные архи­манд­ри­ты в томъ мона­сты­рѣ будут.
Что дана в дом Преобра|жен(ь)я Сп(а)сова по кн(я)зе Миха­и­ле княж Богданове
с(ы)не Тру­бетц­ском в веч­нои по|минок княж Ива­нов­ская Ива­но­ви­ча Кубен­ско­во вот­чи­на в Можай­ском уѣздѣ | село Семе­нов­ское Бар­те­не­ва, того ж села д(е)р(е)вни: д(е)р(е)вня Олеш­ко­во, д(е)р(е)вня Занин­ская, | д(е)р(е)вня Бори­со­ва, д(е)р(е)вня Дер­дин­ская, д(е)р(е)вня Осма­нов, д(е)р(е)вня Маче­хи­но, | д(е)р(е)вня Кор­ча­ги­но да сел Грядц­кое, да тово ж сел­ца д(е)р(е)вня Пуч­ни­на с[о всем]1 с тѣм, что к тѣмъ селомъ и к д(е)р(е)енямъ исста­ри потяг­ло, и с хлѣ­бом. И хто у нил о тѣх селех и в д(е)р(е)внях учнет жити мона­стыр­ских лю[деи] | и кр(е)стьян, и тѣмъ их людем и кр(е)стьяном не надо­бет моя ц(а)р(е)ва вели­ко­го кн(я)зя дан(ь), ни ямъ­ские ден­ги, ни посош­ная служ­ба, ни намѣст­нич, ни тиунов кормъ, ни пра­вед­ни­ков, ни довод­чи­ков побор. И к сотц­кимъ, ни к десятц­кимъ с чер­ны­ми люд­ми не тянут ни в кото­рые про­то­ры и в розметы. 

А намѣст­ни­цы вло­сте­ли и ихъ тиуни тѣх ихъ людей и кр(е)стьян тѣхъ сво­их кому
городц­ки­ми не судят ни в чем, оприч(ь) одно­гво д(у)шегубства. А выда­ют и судят людей и кр(е)стьян архи­манд­рит Нифонтъ з брат(ь)ею сами во всемъ или кому при­ка­жут. А слу­чит­ца суд смѣст­нои тѣм ихъ людем и кр(е)стьяном з люд­ми или с волост­ны­ми, и н(а)шы намѣст­ни­цы можа­ис­кие, и воло|стели,
их тиуни тѣх ихъ людей и кр(е)стьян судят, а архи­манд­ритъ з бра­тьею или их
при­каз­щик с ними ж судит, а при­су­дом дела­ют­ца на полы. А кому будеть чево иска­ти на архи­манд­ри­те з брат(ь)ею или на их приказ|щике, ино их сужу яз, ц(а)рь и вели­кии княз(ь), или наши дворетскои. 

Писа­на на Москвѣ, лѣта 7058, сен­тяб­ря в 22 д(е)нь. На обо­ро­те: Ц(а)рь и вели­кии княз(ь) Иван Васил(ь)евич всеа Русии. [Лета 70]59 майя в 17 де(нь).
Ц(а)рь и вели­кии кн(я)зь Иван Васил(ь)евич всеа Русии сеи гра­мо­ты слу­шал и выслу|шав сю гра­мо­ту, Сп(а)сског(о) Новог(о) мона­сты­ря архи­манд­ри­та Нифон­та з брат(ь)ею, или хто по нем | в том [мона]стырѣ иныи архи­манд­рит будет, пожа­ло­вал, велѣл им сю гра­мо­ту под­пи­са­ти на свое царе­во великог(о) кн(я)зя имя, сеи у них гра­мо­ты рушя­ти не велѣл нико­му ничѣм. А кому будет чег(о) иска­ти на архи­манд­ри­те на самом, ино ег(о) судит о(те)цъ Мака­реи, мит­ро­по­лит всеа Русии, | или хто по нем мит­ро­по­лит будет. А
стар­цов Новог(о) мана­сты­ря и попов и дья­ко­новь сво­их судит меж | их архи­манд­рит сам во всем. А оприч(ь) сеѣ под­пи­си ц(а)рь и вели­кии княз(ь) сеи у них гра­мо­ты руши­ти не ве|лЪл [у них ни]чѣмъ. А под­пи­сал ц(а)рев и великог(о) кн(я)зя диокъ [Юрии] Сидоровъ. 

Архив СПб ФИРИ. Кол­лек­ция Пого­ди­на. Оп. 1. № 5 . Под­лин­ник 27,6×35
Уп.: Каш­та­нов. Х П — 3. № 285 ; Анто­нов. 1997 – 2 . №826, стр.203
При­меч.: 1 Часть стро­ки выкро­ши­лась, здесь и далее в кв. ск. вос­ста­нов­лен по смыслу.