1543 р., листопада 6 (Вільно). Лист кн. Яшуша Гольшанського своєму брату кн. Володимиру Гольшанському, в якому він інформує про вирішення проблемних питань, пов’язаних з управлінням воєводством.

Орі­гі­нал: Archiwum Główne Akt Dawnych w Warszawie. — Zbiór Dokumentów Pergaminowych. — Sygn. 8464.

Вел­мож­ныи кн(я)же г(о)с(по)д(и)не и бра­те мои милыи ку мнѣ лас­ка­ве при­ѩз­ли­выи, ѡ здо­ро­ви т(воей) м(илости) рад бых слы­шал кож­до­го часу, кото­ро­го т(воей) м(илости) вѣрне спри­ѩ­ли ѩк властне самъ собѣ.
Што т(воя) м(илость) рачил писат до мене ѡ Нар­бyта, иж ѡн под послан­цы тво­еи м(и)л(ости) под­вод дават не кажет и хочет их бити, ино пано­ве их м(и)л(ости) гроз­но писа­ли ѡ том до Нар­бу­та и тот лист посла­ли через хлоп­ца т(воей) м(и)л(ости) Фед­ка, т(воя) м(илость) рач(ил) о том вѣда­ти. А што писал твоѩ м(и)л(ость) ѡ стрел­цы п(а)на Ива­на Неми­ри­че­вы, иж ѡн ихъ y ловы мои
yсы­ла­ет, ино мы и ѡ том до п(а)на Неми­ри­ча писа­ли, абы того поне­хал, и твоѩ бы м(и)л(ость) тым листом п(а)на Неми­ри­ча ѡбо­слал без меш­канѩ. И стрел­цомъ бы тем н(а)шимъ роска­зал, абы на нас звер били, а ѡн нехаи их въ боч­ки солит, бо маем тую зве­ри­ну зимою нико­то­рым паном здѣ казат вез­ти, а зъвла­ща зyбринy. А што писал т(воя) м(илость) ѡ това­ры­ши свои, абы вже мог­ли ѡттол зыха­ти, ино пано­ве их м(и)л(ости) не дали ни сло­ва речи, повѣ­ди­ли, нехаи, деи, року доле­жат покол имъ заме­ре­но, т(воя) м(илость) рач(ил) ѡ том вѣда­ти. А с тым сѧ при­яз­ни тѧ залецали.
П(и)сан y Вил(ни), ноѩбр 6.
Ѩнушъ Юр(евич) Гол(шанский), воев(ода) киев(ский), ч(е)л(ом) б(ье)т.
Вел­мож­но­му кн(я)зю, г(о)с(по)д(и)нy и бра­ту мое­му, кн(я)зю Воло­ди­ми­рy Юре­ви­чу Гол­шан­ско­мy, справ­цы вое­вод­ства ки(е)вского.