1543 р., листопада 4. Вільно. Лист кн. Яшуша Гольшанського, київського воєводи, своєму брату кн. Володимиру Гольшанському, справці київського воєводства, з вказівками, про які прикордонні справи інформувати Панів-Раду, а також поясненнями своєї затримки з поверненням до Києва.

Вел­мож­ныи кн(я)же г(о)с(по)д(и)не и бра­те мои милыи мнѣ лас­ка­ве спри­ѩз­ли­выи, о здо­ро­ви тво­еи м(и)л(о)сти рад бых слы­шал кож­до­го часу, кото­ро­го твоєи м(и)л(о)сти вѣрне взы­чамъ ѩк самъ собе.
При томъ, г(о)с(по)д(и)не кн(я)же, тыми разы роска­за­ли мнѣ пано­ве рада их м(и)л(ости) до т(воей) м(илости) писа­ти, абы т(воя) м(илость) до их м(и)л(ости)
ѡтпи­сал ѡ том после татар­ском, если yже ѡн есть y Кие­ве албо yжеѣл будет
Киев про­шол, и ѡ н(а)шом теж после абы т(воя) м(илость) ѡтпи­сал, єсли
вспо­лок с цара перекопског(о) послом и съкар­бом пошол албо нѣ? ѡ том ѡ
всемъ абы т(воя) м(илость) доста­точ­ную спра­ву их м(и)л(о)сти ѡтпи­сал, довѣ­дав­шисѧ в Кане­ве, єсли пан Бобо­ед вод­лѧ роска­за­нѩ панов рад их м(и)л(ости) ѡты­ис­кал бꙋдет коза­ков тых, кото­рыи шко­ды царꙋ пере­коп­ском Yчи­ни­ли и гон­цов и послов єго поби­ли, кото­рых єму каза­но има­ти и ѩких будет перед тым послом царо­вым кара­но албо так досит Yчи­не­но, ѡ том ѡ всемъ абы т(воя) м(илость) паном радам их м(и)л(ости) зна­ти дал. Иж, што сѧ доты­чет кн(я)зѧ Андреѩ Прон­ско­го ста­ро­сты черкаског(о), єсли бы ѡ нем ѩкаѧ сла­ва была, ѡ кото­рои вже пер­веи помо­ва похо­ди­ла, ѡ чом и твоѩ м(и)л(ость) вѣдати
рачиш, абы т(воя) м(илость), ѡ том пове­да­ю­чи, писал не до всих панов рад, кром
тол­ко до двух, до кн(я)зѧ бис­ку­па виленског(о) и до п(а)на вое­во­ды виленского.
И што бы пев­но­го в тои речи было слыш­но, абы т(воя) м(илость) днем и ночю тым паном вѣда­ти давал, конеч­но, а в том бы т(воя) м(илость) жад­но­го спло­шен­ства не мел.
К тому, г(о)с(по)д(и)не кн(я)же, што‑м т(вою) м(илость) бра­та моег(о) милог(о) зоста­вил на yрѧ­де мест­цы моем меш­ка­ти до при­е­ханѧ сво­е­го, а так пове­дамъ т(воей) м(илости) иж ѩ жад­ным ѡбы­ча­ем къ томy року къ све­то­мy Нико­ле, до которог(о) в(аша) м(илость) гро­ши на ротy бра­ли, быти не могу. А то в тую ïðè÷èíy иж, єсми, жад­но­го дѣлу съ кн(я)г(и)нею Вуц­кою и з ыншими
при­ѩ­тел­ми сво­и­ми еще не вчи­нил, ѡлед­ве сu с тым ѡтправ­лю къ Божо­мy наро­же­ню. Длѧ чого‑ж ѩ т(вою) м(илость), г(о)с(по)д(и)на и бра­та моег(о) милог(о), про­шy и чолом бью абы т(воя) м(илость) не рачил ѡттол зыж­чать и
там мене y Кие­ве жда­ти поки ѩ там сам бyдy. А што сѧ достичь роты т(воей) м(илости) кгды рок при­и­деть ден св(я)т(о)го Нико­лы, и твоѩ м(и)л(ость) рач(ил) всю роту и слу­жеб­ни­ков сво­их роспу­сти­ти а сам тол­ко вле­г­це, скол­ко слуг сво­их длѧ потре­бу свои зоста­вив­ши, там y Кие­ве зостат и мене жда­ти, ведже слуг т(воей) м(илости) там мало потре­би­мо, же‑ш т(воя) м(илость) и мои­ми слу­жеб­ни­ки наробѧт бо их там нема­ло гдѣ чого потре­ба. А што сѧ доты­четь на
стра­ву т(воей) м(илости), пано­ве их м(и)л(ости) писа­ли ѡ том до королѧ его
м(и)л(ости), ниж­ли єще жад­но­го ѡтпи­су нет. А веджо еще их м(и)л(ости) мают т(воей) м(илости) послат на стра­ву пѧт­десѧт коп грош(ей) дрy­гую, а пер­веи т(воей) м(илости) через хлоп­ца в(а)ш(о)го посла­но, через Федо­ра, пѧт­десѧт коп грош(ей), т(воя) м(илость) рач(ил) ѡ том вѣда­ти и там змеш­ка­ти поки ѩ при­едy. А то бы т(воя) м(илость) рачил yчи­нит длu про­збы и чолом­би­тѧ мое­го, а ѩ то т(воей) м(илости) бyду при­ѩз­нь­ми мои­ми и всимъ добрым
Ѡтда­ват ѩко г(о)с(по)д(и)нy и бра­ту мое­му мило­мy, кото­ро­го ж сѧ ѩ за тыми лас­ка­вои при­ѩз­ни т(воей) м(илости) брат­скои залецам.
П(и)сан y Вил­ни, ноzбр 4 д(е)н(ь) индикт 2.
Ѩнушъ Юре­вич Гол­шан­скии, воевод(а) киев­скии, т(воей) м(илости) ч(о)л(ом) бьеть.
Вел­мож­но­мy кн(я)зю г(о)с(по)д(и)нy и бра­ту мое­мy мило­мy кн(я)зю Воло­ди­ми­рy Юре­ви­чу Гол­шан­ско­мy, справ­цы вое­вод­ства киевского.
В речах земских.