1536, січня 6. Без місця. – Лист князів Івана і Федора Меншого Вишневецьких про поділ із братом Олександром володінь покійного брата Федора Старшого і зобов’язання не висувати претензій на отриману ним долю спадщини – частину Вишневця та села Залісці і Конахівці

1536, січ­ня 6. Без міс­ця. – Лист князів Іва­на і Федо­ра Мен­шо­го Виш­не­ве­ць­ких про поділ із бра­том Олек­сан­дром володінь покій­но­го бра­та Федо­ра Стар­шо­го і зобов’язання не вису­ва­ти пре­тен­зій на отри­ма­ну ним долю спад­щи­ни – части­ну Виш­нев­ця та села Заліс­ці і Конахівці

Ѩ, Иванъ Миха­и­ло­вич Виш­нεвεц­кии, дεр­жавъ­ца чεчεр­скии и про­по­ис­кии, а Ѳεдор Миха­и­ло­вич Виш­нεвεц­кии, вызна­ваεмъ сами на сεбε сим
нашым листомъ кож­до­му доб­ро­му, кому будεтъ потрεбъ того вεда­ти або, чтучы εго, слы­ша­ти нинεш­ним и напо­томъ будУчымъ, штож εсмо мεли дεл сами про­мεж сεбε доб­рою волεю тым спад­комъ, кото­рыи по нεбож­чы­ку братε н[а]шомъ кн[ѩ]зю Ѳεд­ку εго м[и]л[о]сти Миха­и­ло­ви­чы (!) Виш­нεвεц­комъ, дεр­жавъ­цы чεчεр­ском и про­по­ис­ком, на нас спал по смεр­ти εго м[и]л[о]сти, ѩкъ в зам­ку, такъ в мεстε, и въ сεлεхъ, и въ ставεх, такъ­жо и въ ста­ви­щох, и млы­нох, и в ынъ­шых всѩких пожытъ­кох, такъ, ѩкъ сѩ таѩ трεтѩѩ часть з давъных часов и за нεбож­чы­ка бра­та н[а]шεго кн[ѩ]зѩ Ѳεд­ка εго м[и]л[о]сти сама ꙋ собε мεла, такъ и тεпεр сε маεтъ.
Напεрвεи бра­ту н[а]шεму кн[ѩ]зю Алεк­сан­дрꙋ Миха­и­ло­ви­чу Виш­нεвεц­ко­му, дεр­жавъ­цы рεчыц­ко­му, ѡтъ нас на дεлу сѩ ѡста­ло в зам­ку тоε трεтεи части кн[ѩ]зю Алεк­санъ­дрꙋ ѡста­ласѩ вεжа новаѩ ѡтъ пакии (!), а три город­ни под­лε тоε вεжы, а сεл εго м[и]л[о]сти ѡста­ла сѩ Зал­сε­цы а Кона­хов­цы, || [арк. 308 зв.] и з ста­вомъ, и со млыном.
А што сѩ доты­чεт ꙋ мεстε, и на выгонε, и за горо­дом, и слуг, и мεщан, и в горо­до­вом ста­ву, и млы­нε, и мыта часть, то так, ѩкь сε таѩ трεтεѩ частъ сама в собε з давн­ных (!) ч[а]сов за нεбо­жь­чи­ка бра­та н[а]шεго кнѩзѩ Ѳεд­ка εго м[и]л[о]сти мεла и тεпεр сѩ маεтъ, и ку тому дворεц, што за горо­домъ, а бро­вар кн[ѩ]зю Ива­ну εго м[и]л[о]сти с кн[ѩ]зεм Алεк­сан­дром на полы.
А тыε сεно­жа­ти, што на Звинѩчεи кошы­ва­ны за нεбож­чы­ка бра­та н[а]шог[о] кн[ѩ]зѩ Ѳεд­ка εго м[и]л[о]сти, то тεпεр тую сεно­жать на
Звинѩчεи посту­пи­ли εсмо кн[ѩ]зю Алεк­сан­дрꙋ εго м[и]л[о]сти вод­луг стародавъног[о] ѡбы­чаю – маютъ потол косити.
Маεтъ εго м[и]л[о]ст кн[ѩ]зь Алεк­сан­дро то дεр­жа­ти зо въси­ми пожыт­ки вεч­нε, внε­по­руч­нε (!) маεтъ εго м[и]л[о]ст дεр­жа­ти (!). А што сѩ доты­чεтъ тоε вεжы ворот­ноε и мосту городовог[о], то мы вси маεмъ людми
поспо­ли­ты­ми виш­нεвεц­ки­ми роби­ти воро­та н[а]шы поспо­ли­тыи. А што сѩ доты­чεтъ ѡбо­ро­ны зεмль н[а]шых ѡтъ всѩких погра­нич­ни­ковъ, ѡтъ лεховъ, мы тоε въси три братьѩ маεмъ поспо­ли­тою рукою боронити,
кож­дыи з нас сво­их накла­довъ (!), а бεзъ быт­но­сти н[а]шεε маютъ ꙋрѩд­ни­ки н[а]шы со въси­ми люд­ми на том быти и того боро­ни­ти. А εсли бы хто з нас хотεл с того высту­пи­ти, тотъ ѡдεнъ ѡдно­му маεтъ запла­ти­ти пѩт­дεсѧт копъ грошεи.
А тыε сεла, кото­рыε сѩ намъ у дεлу зоста­ли тоεи части, кото­раѩ часть нεбож­чы­ка || [арк. 309] бра­та н[а]шεго нам ѡста­ла, тыε сεла по сво­имъ ста­ро­давънымъ ꙋхо­дом маютъ ходи­ти, а мы сами про­мεж­ку сεбε нε маεмъ ѡдεнъ ѡдно­го, боѩ­ры и слуг и людεи приимати.
А хто бы з нас кото­рою при­чы­ною тотъ дεлъ хотεл нару­шы­ти, то ѡдно­му маεтъ запла­ти­ти три­ста копъ гро­шεи, а тотъ дεлъ прεдъ­сѩ маεтъ быти вεч­нε, а върѩд­ни­ки н[а]шы маютъ про­мεж­ку сεбε ѡдεнъ дру­го­му справεд­ли­вост чыни­ти бεз ѡтъволоки.
А при томъ н[а]шом дεлу были и тому доб­рε свε­до­мы кн[ѩ]зь Алεк­санъ­дръ Ѳεдо­ро­вич Зба­раз­скии, а кнѩзъ Юрεи Ѳεдо­ро­вич Зба­раз­скии, кн[ѩ]зь Мико­лаи Андрεεвич Зба­раз­скии. И про­си­ли εсмо их м[и]л[о]сти ѡ пεча­ти. Их м[и]л[о]сти на нашу про­збу то вчы­ни­ли, пεча­ти свои при­ло­жы­ли к сεму н[а]шому листу, а длѩ лεп­шоε твεр­до­сти мы свои пεча­ти εсмо при­ло­жы­ли к сεму н[а]шεму листу.
Писанъ под лεтъ Божε­го Наро­жεнъѩ тисε­ча пѩт­сотъ трид­цатъ шостог[о] м[ε]с[ε]ца гεнъ­ва­ра шостог[о] днѩ.

Дж.: НГАБ. – Ф. 1741. – Оп. 1. – Спр. 1. – Арк. 308–309.