1530, листопада 13. Коріжичі. Оригінальний дарчий запис Семена Гавсовича князю Федору Михайловичу Чорторийському на третину купленого в брата маєтку Тудорова.

1530, листо­па­да 13. Корі­жи­чі. Ори­гі­наль­ний дар­чий запис Семе­на Гав­со­ви­ча кня­зю Федо­ру Михай­ло­ви­чу Чор­то­рийсь­ко­му на тре­ти­ну куп­ле­но­го в бра­та маєт­ку Тудорова.

[Арк. 1]
Ѩ, Сεн­ко Грин­кεвич Гавъсо­вич, вызна­ваю самъ на сεбε симъ моимъ листом | кож­до­мꙋ доб­ро­мꙋ ны(н)(ε)шнимъ и на потом бꙋдꙋ­чимъ, хто на нεг(о) по|смотрит або чту­чи εго ꙋслы­шит и кому бꙋдεт потрεб(а) тог(о) вѣда­ти | моимъ ближчимъ.
Иж которꙋю часть ѡтдѣлεнꙋю кꙋпилъ єсми | ꙋ бра­та своεг(о) ꙋ Фεд­ка Грин­кεви­ча Гав­со­ви­ча во ймѣ­ни н(а)ш(о)мъ Тудо­ро­вε, | кото­раѧ была в заставε ꙋв Олεх­на Миш­ко­ви­ча ꙋ трид­ца­ти копах | гро­шεй съ ч(ε)л(о)в(ε)комъ ѡтчиз­нымъ на ймѩ Ѡлисѣ­цεмъ Дани­ло­ви­чим, | єго жоною из ихъ дεт­ми ѡбεль вѣч­но и нεпорꙋш­но, нико­мꙋ нε | вѣн­ноε за шεсть­дεсѩт коп гро­шεй зъ ѡго­ро­ды ис сεли­щи, з наво|зы, с пол­ми и з гаи, ис сεно­жат­ми, ис про­мѣж­ки, з рεкою, рꙋча[εм] | и з мли­номъ, и з мꙋтви­щεмъ, ис попа­сы, и зъ кго­ро­ды, ѡвоща[ми] | и зо всѣмъ с тымъ, как сѧ тоє в собѣ з вѣкꙋ маεт. А так ѩ Сεн­ко Грин­кεвич, | видѧ­чи єсми кꙋ соб вεли­кꙋю лас­ку и доб­родѣй­ство кн(ѧ)зѧ Фεдо­ра εго м(и)л(о)сти | Михай­ло­ви­ча Чорторыског(о), ста­ро­сты лꙋцког(о), а бꙋдучи ни чимъ нε при-
пꙋжε|ный тую трεтюю часть имѣньѩ Тудо­ро­ва, которꙋю єсми купилъ | ꙋ бра­та моεг(о) Фεд­ка, даю, дарꙋю и записꙋю вѣч­нε и нεпорꙋш­нε кн(ѧ)зю Фεдорꙋ | єго м(и)л(о)сти | Михай­ло­ви­чꙋ Чор­то­рыс­ко­мꙋ, ста­ро­сти луц­ко­мꙋ, и εг(о) м(и)л(о)сти кнѧ|гини и их м(и)л(о)сти дѣтεмъ и потом­ко­ми зо всѣмъ с тымъ вεрхꙋ писа­ны­ми, | ѩко ꙋ бра­та своε­го єсми купил. Мают их м(и)л(о)сть тую трεтюю часть, которꙋю | ѩ ꙋ бра­та своεг(о) кꙋпил, дεр­жа­ти и вжи­ва­ти вѣч­но и на вѣки вѣч(но), | маєт вол­ны их м(и)л(о)сть тꙋю трεтюю часть про­да­ти и ѡтда­ти, и промε|нѧти, и рос­ши­ри­ти, и ку своε­мꙋ лѣп­шо­мꙋ пожи­точ­но­му ѡбεр­ну­ти. | А ѩ, Сεн­ко Гав­со­вич, и жона, и братѩ, и сεст­ры, и ближ­нии мои нε маεм сѧ | ни чимъ ꙋ тꙋю трεтюю част ꙋсту­по­ва­ти, и ни ѡ то зъ их м(и)л(ост)ю пра|вом пра­во­ва­ти, а ни з дѣт­ми их м(и)л(ости), и вжε нико­то­ры­ми при­чи­на­ми | тог(о) под их м(и)л(ост)ю того поис­кꙋ­ва­ти нε маєм. А єсли бых ѩ, Сεн­ко, або жо|на, або братѩ, або сεст­ры, и кото­рыи ближ­нии мои хотѣ­ли сѧ ꙋ тꙋю трε|тюю часть ꙋсту­по­ва­ти и тог(о) поис­кꙋ­ва­ти, тогды нε позы­ва­ю­чи || [Арк. 1 зв.] прεд жад­ноє пра­во пεрвѣи маεмъ их м(и)л(ости) запла­ти­ти стꙋ коп гро­шεй то[го] | мови­ти, а вины на замок г(о)с(по)д(а)ръский Нов­го­ро­док сто коп гро­шεй запла­ти­ти, | а их м(и)л(о)сть прεд сѧ тꙋю трεтюю част на вѣч­ность дεржати.
А εго трε­ба была | мнѣ пѣнѧзεй Сεн­ку Гав­со­ви­чꙋ, ѩ заста­вил εсми тꙋю двѣ части, кото|рꙋю εсми купил ꙋ бра­та моεг(о) Фεд­ка в Тꙋдо­ро­вѣ кн(ѧ)зю Фεдорꙋ εг(о) м(и)л(ости) | Михай­ло­ви­чу Чор­то­рый­ско­мꙋ, ста­ро­стε лꙋц­ко­мꙋ εго м(и)л(о)сти, кн(ѧ)г(и)ни | и их м(и)л(о)сти дѣтεмъ, вос­мидεсѧт копах гро­шεй монѣты и лич­бы | Вεликог(о) кн(ѧ)зьства Литовског(о) по дεсѧти пѣнѧзεй ꙋ грош зо всѣмъ, | ѩк сѧ тыи двѣ части в собѣ мают и ѩко ѩ ꙋ бра­та моεг(о) купилъ, нεѡ|ставуючи на сεбε ничог(о), ѩкъ вышεй в симъ моєм листε вы|писано. Мают их м(и)л(о)сть тыи двѣ части, вѣрхꙋ писа­ныє, дεржат(и) | и вжы­ва­ти в той сꙋмε пѣнѧзεй вос­мидεсѧт копах гро­шεй до живо|та εго, а ѩ Сεн­ко до живо­та моεг(о) нε мают их м(и)л(о)сти тых двох частεхъ | выкꙋ­по­ва­ти. Єсли бы по моεмъ живо­тε братѩ або сεст­ры | и ближ­нии мои хотѣ­ли за тыи двѣ части пѣнѧ­зи, вεрхꙋ писа|ныε, ѡтло­жи­ти, тогды што εго м(и)л(ость) и дѣти εго м(и)л(о)сти на тоє | имѣнε нало­жат, выку­пꙋ­ю­чи з дол­гов люди, зεм­ли и сεно­жа­ти, што | єщε ѡттεц н(а)шъ и мат­ка, и брат мой поза­став­лѧ­ли и што тεж | εго м(и)л(ость) нало­жит в бꙋдо­ванε и в сεло, и на ста­вы, и роспа­ши, | и люд­ми ѡса­дит, тогды пεрвѣй мают их м(и)л(о)сти тот вεс на|клад ѡтло­жи­ти тую вεрхꙋ писанꙋю сꙋму пѣнѧзεй ѡсмъ|дεсѧт коп гро­шεй литов­скоε лич­бы, мают их м(и)л(о)сти ѡтда­ти, | а тыи двѣ части ку сво­им рꙋкамъ взѧти. А кото­роε збо­жє εг(о) м(и)л(ость) | […]10 | тых двох частεй, мают тоє своє збо­жє с той зεм­ли за[брати] | и кꙋ сво­им рꙋкам взѧти, а зεм­лю ѩло­вꙋю пода­ти и збо­жє поста|новεноє зъ ѡноє зεм­лѣ мают их м(и)л(ость) взѧти.
А при том были к то|мꙋ доб­рε свѣ­до­ми мит­ро­по­лит Киεв­ский и Галиц­кий и сεѩ Рꙋси | Макарεй εго м(и)л(ость), а пан Бог­дан Мар­ти­но­вич Хрεб­то­вич, а | кнѧз Васи­лεй Ива­но­вич Кро­шин­ский, а пан Юрεй Фεдо­ро­вич Хрεб­то­вич, а | пан Сεмεн Кми­та, намѣс­ник нов­го­род­ский, а пан Иван Хари­то­но­вичъ || [Арк. 2] […]1 тымъ панам, вεрхꙋ писа­ныε, | и их м(и)л(о)сти пεча­ти, и их м(и)л(ость) на моє чолом битє вчи­ни­ли и пε|чати свои при­ло­жи­ли к сεму моε­мꙋ листу. И ѩ, Сεн­ко Грин­ко­вич | Гав­со­вич, и свою пεчат при­ло­жил εсми к сεму моε­му листу. |
Писан ꙋ Корѣ­жи­чох под лεт(о) Бож(его) нарож(åня) 1530, | м(е)с(я)ца ноѩбрѧ 13 дεн. Индик­та 11. ||

Ори­гі­нал: Отдел руко­пи­сей Рос­сий­ской наци­о­наль­ной биб­лио­те­ки г. Санкт-Петер­бург. – Ф. 293 (Запад­но-Рус­ские акты). – Оп. 1. – Ед. хр. 43. – Л. 1 –2об.

Пуб­ліка­ція: Князі Чор­то­рийсь­кі: доку­мен­ти і матеріа­ли XVІ–XVII ст. (із зібран­ня« Захід­но-Русь­ких актів» Російсь­кої націо­наль­ної біб­ліо­те­ки) / Під­го­тов­кад о дру­ку Андрія Бла­ну­ци, Дмит­ра Ващу­ка. — К.: Інсти­тут історії Украї­ни НАН Украї­ни, 2016. — 228 с.

Папір. Водя­ний знак – “соки­ра” – містить­ся на арк. 2. Загаль­ні роз­міри: арк. 1 – 32,5х31 см.; арк. 2 – 12х31 см. Кіль­кість ряд­ків: арк. 1 – 28, арк. 1зв. – 31, арк. 2 – 6, арк. 2зв. – чистий. Стан збе­ре­жен­ня – задо­віль­ний. Чор­ни­ло світ­ло-корич­не­ве. Ско­ро­пис. Почерк писа­ря вираз­ний. Натиск слаб­кий. Збе­рег­ли­ся сім печа­ток чор­но­го кольо­ру під папе­ро­вою кусто­дією. Ім’я писа­ря відсутнє.</em
1 Поло­ви­ну ряд­ка пошкоджено.