1518 г. июля 5. – Жалованная данная и несудимая грамота в. кн. Василия Ивановича арх. Рожд. м‑ря Игнатию на с. Пересекино в Медушской вол. Владимирского у. вместо данного в м‑рь кн. Семеном Ивановичем Кривоборским с. Денисьево в Суздальском у., с подтверждениями: 1) в. кн. Ивана Васильевича 1534 г. марта 1 арх. Ефросину; 2) ц. Ивана Васильевича 1551 г. мая 17 арх. Закхее.

Се яз, князь вели­кий Васи­лей Ива­но­вич всеа Русии, пожа­ло­вал есми Роже­ствен­ско­го мона­сты­ря что в Воло­ди­ме­ре архи­манд­ри­та Игна­тия з бра­ти­ею, [40] или по нем хто иный архи­манд­рит в том мона­сты­ре будет. Что был им дал по себе князь Семен Ива­но­вич Кри­во­бор­ской в Суз­дал­ском уез­де село Дени­сьев­ское, и яз у архи­ма­ри­та то село Дени­сье­во взял, а в того место села дал есми архи­манд­ри­ту з бра­тьею в Воло­ди­мер­ском уез­де в воло­сти в Меду­шах село Пере­се­ки­но з дерев­ня­ми, со всем с тем, что к тому селу и к дерев­ням изста­ри потяг­ло. И хто у них в том селе и в дерев­нях учнут жити людей, и наши намест­ни­цы воло­ди­мер­ские и воло­сте­ли медуш­ские и их тиуни тех их людей не судят ни в чем, опричь душе­губ­ства и раз­боя с полич­ным, ни кор­мов сво­их на них не берут, ни всы­ла­ют к ним ни по что, а веда­ют и судят тех сво­их людей архи­манд­рит з бра­тьею сам во всем или кому при­ка­жет. А слу­чит­ца суд смест­ной тем его людей з город­ски­ми люд­ми или с волост­ны­ми, и наши намест­ни­цы воло­ди­мер­ские и воло­сте­ли медуш­ские 1 и их тиуни тех их людей судят, а архи­манд­рит з бра­тьею или их при­ка­щик // с ними ж судит, а при­су­дом делят­ся напо­лы. А кому будет чего иска­ти на архи­манд­ри­те з бра­тьею или на их при­ка­щи­ке, ино их сужу яз, князь вели­кий, или мой дворецкой.
А дана гра­мо­та на Москве, лета 7026-го, июля в 5 день.
У под­лин­ной гра­мо­ты на обо­ро­те пишет тако:
Князь вели­кий Васи­лей Ива­но­вич всеа Русии.
Да в над­пи­си пишет:
Князь вели­кий Иван Васи­лье­вич всеа Русии пожа­ло­вал Роже­ства Пре­чи­стые мона­сты­ря архи­манд­ри­та Ефро­си­ма з бра­тьею, или хто по нем в том мона­сты­ре ины архи­манд­рит будет, со всем по тому, как в сей гра­мо­те писа­но, сее у них гра­мо­ты руши­ти не велел ничем нико­му. Лета 7042-го, мар­та 1. А под­пи­сал вели­ко­го кня­зя дьяк Федор Мишурин.
Лета 7059-го, маия в 17 день, царь и вели­кий князь Иван Васи­лье­вич всеа Русии сей гра­мо­ты слу­шал, и выслу­шав сю гра­мо­ту, роже­ствен­но­го архи­манд­ри­та Зак­хею з бра­тьею, или по нем в том мона­сты­ре иный архи­манд­рит будет, пожа­ло­вал, велел им сю гра­мо­ту под­пи­са­ти на свое, царе­во и вели­ко­го кня­зя, имя. А кому будет чего иска­ти на архи­манд­ри­те з бра­тьею, ино их судит отец наш Мака­рий мит­ро­по­лит всеа Русии по ново­му Собор­но­му уло­же­нью. А опричь сей под­пи­си царя и вели­ко­го кня­зя сей у них гра­мо­ты руши­ти не велел нико­му ничем. А под­пи­сал царя и вели­ко­го кня­зя дьяк Юрьи Сидоров.
У той же гра­мо­ты вос­ко­вая печать.