Во имя Отца и Сына и Святого Духа. Се язъ, рабъ Божей князъ Иванъ Ивановичъ Кривоборский, пишу сию духовную грамоту своимъ целымъ умомъ, кому ми что дати и на комъ ми что взяти. Дати ми князю Петру Васильевичю Великому конь рыжъ иноходъ, и что за него скажетъ и приказщики бы то за него заплатили, да дати ми ему жъ шоломъ черкаской да наколенки шамахѣйскіе да сабля булатная да батарлыки и приказщики бы ему отдали лицомъ да седло с костми сафьянное и то седло отдали жъ бы лицомъ; дати ми Ивану Сукину жеребецъ рыжъ лысъ, и что Иванъ скажетъ за него цѣну и приказщики бы то заплатили; дати ми князю Михаилу Долгорукому иноходецъ мухортъ и приказщики бы ему отдали лицомъ, а не будетъ его в животѣ и приказщики бы ему заплатили цѣну что князь Михайло скажетъ. Взяти ми на князе Ондрѣе на княже Федоровѣ сынѣ Пестрово на меньшого (sic), да на Петруше ка Есиповѣ сынѣ Волоховѣ полчетверта рубля по кабалѣ; взяти ми на князе на Василье на княже Семеновѣ сынѣ Ромодановского, да на Иванѣ на Семеновѣ сынѣ Ступишина, да на Митькѣ на Козловѣ сынѣ Милославского пять рублевъ по кабалѣ; взяти ми на Русинѣ на Бегичевѣ, да на Олексѣе на Курлаковѣ, да на Прокоше да на Верещагѣ на Русиновыхъ дѣтехъ полтретья рубля по кабалѣ; взяти ми на Русинѣ на Бегичевѣ, да на его сынѣ на Прокошѣ да на Верещагѣ полчетверта рубля покабалѣ; взяти ми наИванѣ наСеменовѣ сынѣ Колычева, да на Иванѣ на Федоровѣ сынѣ Коркмазовѣ пять рублевъ по кабалѣ; взяти ми на князе на Федоре на княже на Васильевѣ сынѣ Оболенского на Большомъ, да Григорье на Ондрѣевѣ сынѣ Колычева на Меньшомъ пять рублевъ по кабалѣ; взяти ми на Ондрѣе на Мнхайловѣ сынѣ Кутузова, да на Семене на Костянтиновѣ сынѣ Кутузова, да на Василье на Полуехтове на Бутурлинѣ, да на князе на Юрье на княже Иванове сынѣ Гундоровѣ; да на князе на Иване на княже Борисовѣ сынѣ Туренина, да на Федоре на Борисовѣ сынѣ Бороздина пятнатцать рублевъ по кабалѣ; взяти ми на Федоре на Ивановѣ сынѣ, да на Фомѣ на Ивановѣ жъ сынѣ Горностаева, да на Павлѣ на Ивановѣ сынѣ Симанского пять рублевъ по кабалѣ; взяти ми на Борисѣ на княже Васильевѣ сынѣ Ромодановского да на князе на Петрѣ на княже Ворисовѣ сынѣ Ромодановского девять рублевъ по кабалѣ; взяти ми на Микифорѣ на Ивановѣ сынѣ, да на его женѣ на Юхонѣ, да на его сынѣ на Якимкѣ три рубли по кабалѣ; взяти ми на Костянтинѣ на Тимофѣевѣ сынѣ Замытцкого шесть рублевъ
по кабалѣ; взяти ми на князе на Федорѣ на княжѣ Володимеровѣ, да на его сынѣ на Михайлѣ, да на князе на Федорѣ на княжъ Володимеровѣ сынѣ на Меньшомъ, да на Йванѣ на Григорьевѣ сынѣ Годунова пять рублевъ по кабалѣ; взяти ми на Тимфеѣе на Ивановѣ сынѣ Парского, да на его сынѣ на Филѣ два рубля по кабалѣ; взяти ми на князе на Иванѣ на княже Васильезѣ сынѣ Лыкова, да на князе на Федоре на княжѣ Воледимеровѣ сынѣ Долгорукого, да на Федоре на княжъ Тимофѣевѣ сынѣ Тростенского полтретья рубля по кабалѣ; взяти ми на Степанѣ да на Семенѣ да на Дмитрее Нащокиныхъ дѣтехъ Мотякина пять рублевъ по кабалѣ; взяти ми на князе на Михаилѣ на княжъ Васильевѣ сынѣ на Горбатомъ, да на Стерлягѣ на Вельяминовѣ сынѣ Глазова семь рублевъ по кабалѣ: взяти ми на Ондрѣе на Олександровѣ сынѣ Квашнина, да на Ондрѣе на Васильевѣ сынѣ ІІоподьнина полтина по кабалѣ; взяти ми на Иванѣ
на Ондрѣевичѣ на Колычевѣ дватцать рублевъ по кабалѣ; взяти ми на князе на Юрьи на княже Васильевѣ сынѣ Ромодановского, да. на еге сынѣ на Семенѣ шестьдесятъ алтынъ безъ трехъ алтынъ по кабалѣ. Взяти ми на попѣ Василье на поповѣ сынѣ на Давидово рубль по кабалѣ, и они бы того рубля на немъ не имали; взяти ми на Семенѣ на Великомъ на Васильевѣ сынѣ Юрьева пять рублевъ по кабалѣ; взяти ми на Иване да на Петрѣ на Григорьевыхъ дѣтехъ Татищова, да на Истомѣ на Ондреевѣ сынѣ Загрязского, да на Борисѣ на Кусаковѣ, да на Раке на Яковле сынѣ Брюхова пять рублевъ по кабалѣ; взяти ми на Федоре на Михайловѣ сынѣ Карамышова да на Михале на Ѳедорове сынѣ Карамышова рубль по кабалѣ; взяти ми на князе Федоре на княже Васильевѣ сынѣ Телепнева на Меншомъ, да на Миките на княже Дмитреевъ сынѣ Оболенского-ІЦепина два рубля по кабалѣ; взяти ми на Федоре на Костянтиновѣ сынѣ Кутузова рубль по кабалѣ; взяти ми на Петрѣ да на Иванѣ на Семеновыхъ детехъ Карпова пять рублевъ по кабалѣ; взяти ми на князе на Федоре на княже Васильевѣ сынѣ Телепнева на Меншомъ, да на Миките на Михайловѣ сынѣ Кутузова, да на Семене на Федоровѣ сынѣ Змѣева два рубля по кабалѣ; взяти ми на Ѳедоре на княже Федорове сынѣ Палецкого рубль по кабалѣ; взяти ми на Григорье да на Михайле на Петровыхъ дѣтехъ Валуева, да на Федоре на Борисове сынѣ Валуева четыре рубли по кабалѣ; взяти ми на Терентьи на Иванове сынѣ Заболотцкого, да на Посадникѣ на Олферьевѣ сыне Лопухина четыре рубли по кабалѣ; взят и ми на Остафье на Щушеринѣ да на Петрѣ на Захарьинѣ сынѣ Безпятого. да на Петре на Михайлове сынѣ Вороного, да на Злобѣ на Ивановѣ, да на Борисѣ на Офонасьевѣ на Чеглоковых – три рубли по кабалѣ; взяти ми на Иване да на Филипе на Дмитреевыхъ дѣтехъ Норматцкого, да на Васенѣ да на Микитинѣ сынѣ Ефимьева два рубля по кабалѣ; взяти ми на Семене на Албычевѣ, да на Леваше на Ханиковѣ полтина Новгородская по к.абалѣ; взяти ми на Иванѣ на Ермолине сынѣ Резанова, да на Степане на Даниловѣ сынѣ Головина два рубля по кабалѣ; взяти ми на Кузьмѣ на Онисимовѣ, да на его сынѣ на Федоре рубль Новгородцкой по кабалѣ; взяти ми на Тимофѣе на Ондрѣеве сыиѣ Безстужева, да на Иване на Яковлеве
сынѣ Веселово, да наШемяке наКлементоевѣ сынѣ Обухова, да на Петрѣ на Головѣ на Ивановѣ сынѣ, да на Петрѣ на Ивановѣ сынѣ Порѣцкого, да на Борисѣ на Митинѣ сынѣ Куликова пять рублевъ по кабалѣ; взяти ми на Мурзѣ на Федоровѣ сынѣ Меликова, да на Лвѣ на княже Семенове сынѣ Глѣбова, да на Иванѣ на Фомѣ на Григорьева сынѣ два рубля по кабалѣ; взяти ми на Григорье на Борисовѣ сынѣ Товаркова, да на Даннлѣ на Быковѣ сынѣ Нелединского полтора рубля по кабалѣ; взяти ми на Недоре на Бродцинѣ, да на Федоре на Ивановѣ сынѣ Володимерова, да на Миките на Кузминѣ сынѣ Уварова пять рублевъ по кабалѣ: взяти ми на Василье на Ондрѣевѣ сынѣ Лодыгина, да на Павлѣ на Симановскомъ, да на Семене на Пустошкинѣ рубль Новгородцкой: по кабалѣ; взяти ми на Федоре да на Олексѣе да на Иванѣ на княжихъ Ивановыхъ дѣтехъ Мышецкого, да на Василье на Ивановѣ сынѣ Лугденева десять рублевъ по кабалѣ; взяти ми на Иване да на Борисѣ на Федоровыхъ дѣтехъ Новокрещеного два рубля по кабалѣ; взяти ми на Олферье на Свистягинѣ на Лютѣ, да на его сынѣ на Нечайцѣ шесть гривенъ Новогородцкая по кабалѣ; взяти ми на Федоре на Ондрѣевѣ сынѣ на дворцовомъ недельщикѣ, кои бывалъ в подьячихъ у владыки у Генадья, три гривны Новогородцкіе безъ дву денегъ по кабалѣ; взяти ми на Якове на Родивонове на діакѣ три гривны Новогородцкіе по кабалѣ; взяти ми на князе на Федоре да на князе на Михаилѣ на Оболенскихъ три рубли по кабалѣ; взяти ми на Яковѣ на кузнецѣ, да на его брате на Иване, да на Семене на огородникѣ изъ Заполья, да на Онфиме на мельникѣ, да на Якове на котельнике рубль Новогородцкой по кабалѣ, и тѣхъ денегъ полтину уплатили, а кабала на Клиноурово имя; взяти ми на Давидѣ да на Иванѣ на Немомъ, да на Ондрѣе на Тимофѣевыхъ дѣтехъ Велевутова полшеста рубля но кабалѣ; иа Офоносе на Яковлевѣ, да на его сынѣ на Микифорѣ четыре гривны Новогородцкіе по кабалѣ; взяти ми на князе на Василье на Коврѣ рубль безъ кабалы; взяти ми на князе на Федоре на княже Васильевѣ сынѣ Телепнева рубль безъ кабалы; взяти ми на князе Иване на Андамскомъ рубль безъ кабалы; взяти ми на князе на Михаилѣ на Хрипуновѣ рубль безъ кабалы, взяти ми на Косте на Заецовѣ на княже Олександровѣ человекѣ полтина безъ кабалы; взяти ми на Григорье на Офонасьевѣ на Дровняхъ пять рублевъ безъ кабалы; взяти ми на Стерлягѣ на Вельяминове три рубли с четвертью без кабалы, а которые кабалы у Мити у Толмачя и по тѣмъ кабаламъ Митя денги ималъ, ростъ и истину, а на кабалахь подписи дал и приказщики бы мои имали по тому какъ на тѣхъ кабалахъ подписано; взяти ми на Михаилѣ на Елизаровѣ меринъ иноходъ голубъ, а цена ему полтора рубля; взяти ми на князе на Семене на Серебряномъ на Оболенскомъ меринъ голубъ, а цена ему шестьдесятъ алтынъ.
А дадутъ мои приказщики исъ тѣхъ денегъ душу помянуть: к (церквям. – Г.Б.) Пречистой на площадь пять рублевъ; к Архангилу на площадь три рубли; къ Михайлову чюду да к Олексѣю к чюдотворцу пять рублевъ; к Николе к Гостунскому рубль; к Николе к старому рубль; к Спасу к старому рубль; к Пречистой в Осифову пустыню пять рублевъ да ковшъ серебрянъ выносной; к Николе в Заводичи пять рублевъ на престолъ, а игумену рубль; к Вознесенью в Заводичи полтина; в Олексино рубль; къ Пречистой, что на Городкѣ, полтина; к Спасу, что на Городкѣ, полтина; на Осипово полтина; къ Рождеству полтина; къ Пречистой на Любецъ полтина; в Ольялово къ Благовѣщенью полтина; к Богоявленью полтина; в Берендѣево к Рождеству полтина; къ Николе полтина; къ Борису Глъбу полтина; к Софѣи святой пять рублевъ; к Пречистой к Похвалѣ два рубля; а опричь того отцу моему духовному Ивану Похвальскому рубль; к Спасу на Хутыню ковшъ серебрянъ большой да лошакъ сивъ; к Пречистой на Тихвину пять рублевъ; к Пречистой в Володимерь на площадь три рубли; к Николе на Вежищо три рубли; к Ивану святому на Чюдинцову улицу
полтина; к Николѣ на Чюдинцову полтина; к Семену святому на Чюдинцову полтина; ко Апостоломъ полтина; к великому Егорю рубль; на Бухъ к Николѣ полтина Новгородцкая, за нимъ готова за попомъ за Иваномъ, а не будетъ попа Ивана и приказщики мои дадутъ к Николѣ полтину Новогородцкую; к Николѣ на Липну два рубля; к Николѣ на Медвѣ(ди)цу два рубля; к Николѣ на Перековѣ рубль; в Новѣгородѣ в Кириловъ три рубли; во Юрьевъ три рубли; в Кириловъ на Велоозеро пять рублевъ; на Каменую три рубли; на Симаново три рубли; в Ондроньево три рубли; к Рождеству в Володимерь два рубля; к Спасу к Новому три рубля; к Богоявленью, что за торгомъ, три рубли; в Павлову пустыню два рубля; к Дмитирею к Прилутцкому три рубли; в Фарафонтоевъ монастырь два рубля; в Корнильевъ монастырь два рубля; на Коневецъ пять рублевъ; на Воланъ (Валаам. – Г.Б.) пять рублевъ.
А положили бы меня у Троици у Живоначальной, а дали бы по мнѣ к Троицѣ пятьдесятъ рублевъ. А что из Новагорода привезутъ мой ларчикъ, а в немъ сколько будетъ денегъ, и мои приказщики счетши да дадутъ к Троици по моей души пятьдесятъ рублевъ, а что ся останетъ у пятидесяти рублевъ и они по мнѣ тѣмъ кормятъ да и на милостыню раздадутъ.
А что моей вотчины, чѣмъ меня благословил отецъ мой да и братъ мой князь Федоръ, и та водчина моей братьи князю Олександру да князю Семену; да брату ж моему Олександру кожухъ с камкою на куницахъ да пять рублевъ за ковшъ за серебрянъ, да конь мой вороной; а князю Семену брату шуба камка дика на черевехъ на бѣльчихъ, пугвицы серебряны да конь игренъ; а дочеремъ княжимъ Олександровымъ по пяти рублевъ на лѣтники, а что калаба моя у брата моего у князя у Олександра во шти рублѣхъ писана на его имя,а денги мои, и тѣ денги дочери его большой на лѣтникъ, а княгинѣ, княже Олександровой Аннѣ, санникъ гнѣдъ, что есми взялъ у Микиты у Кутузова, а сыну княже Олександрову шоломъ шамахѣйской, да панчырь, да наколенки, да наручи, а наколенки готовы у брата у князя у Олександра, да конь карь проинходъ, лысинка у него не велика, да седло мое ордынское, да морхи; да Жихорю Рябчикову бехтерецъ шамахѣйской да шатеръ, а Федору Рябчикову перстень золотъ да гачникъ серебромъ окованъ, а Басаргѣ Ондрѣю пансырь мой да конь мой малой рыжой, а Виняю Басаргину охабень лазоревъ, а брату его Постнику охабень мурмозеленъ, а князю Борису княже Иванову сыну Стородубского три рубли, а брату его князю Михаилу конь гнѣдъ княжь Петровъ Ромодановского, а князю Ондрѣю брату его конь буръ, кое купилъ Коверъ; а князю Василью брату ихъ конь пѣгъ в ковурѣ, а князю Семену ихъ же брату за конь три рубли; а Ивану Дубенскому, да брату его Mикифopy, да брату жъ ихъ Ондрѣю дадутъ по ковшику по серебряному по питьему; а Никите Михайлову сыну Кутузову ковшъ серебрянъ, что далъ владыка Тверской, да десять рублевъ денегъ, да кожухъ отлас на червчят землѣ святлозеленъ шолкъ, на черевехъ на лисьихъ, пугвицы серебряны, а брату его Ондрѣю терликъ тафтянъ цыниненъ, а князю Ивану Костянтиновичю Стародубскомѵ терликъ камчятъ; а князю Михаилу Долгорукому бехтерецъ московской да меринъ сѣръ Внуковской да шоломъ московъской.
А моимъ бы людемъ дали: Володѣ Тимохину сыну два рубля; Онтушу да Молчяну по рублю; да по Вешнякѣ бы дали по душе терликъ его хандрачной, да сорочку его жъ да броннику рубль. А что мои люди старые и полные и докладные и кабалные и полонъ литовской и немецкой, и тѣ мои люди на слободу всѣ. И кои мо(и) люди страдные, а на которой лошади дѣлалъ – та ему, да и корова, а у которого не будетъ лошади или коровы и они бы дали за лошадь по полтинѣ, а за корову по десяти алтынъ. А слугѣ бы дали конь чялъ Вешняковъской да два рубля денегъ, а Володѣ бы дали меринъ саврасъ Внуковской. А у которыхъ у моихъ людей у дворныхъ и у задворныхъ, которые лошади и сагайдаки, и мои бы приказщики того у нихъ не заимали. А Ежку, малому немчину, жеребя ему дано каре да два рубля бы ему не дали гдесъ. А какъ мои приказщики зберутъ денги, и они роздадутъ по манастыремъ по моей духовной грамотѣ. А что ся остало моего платья и лошадей и кобылъ стадныхъ и ины рухляди мелкіе и животъ домачной весь, и братья бы ся моя в то не выступали во все чего имъ не написано, а приказщики бы мои то испродали да дали по мнѣ, да отцу бы моему духовному Дементью, что у Ивана у Предтечи внутри города, дали два рубля, а Ивану Облязову дали бы шубу косячную лисью, без пуху.
А приказываю свою душу своей братье князю Олександру да князю Семену Ивановичемъ да Никите Михайлову сыну Кутузова да Ивану Ондрѣеву сыну Рябчикову собрати и роздати и по душе правити.
А у духовной сидѣлъ отецъ мой духовной Дементей отъ Ивана Предтечи изнутри города, а на то послуси: Ондрѣй Михайловъ сынъ Кутузова да Василей Михайловъ сынъ Пикинъ. А духовную грамоту писалъ Иванъ Облязовъ сынъ Бѣлого».
С красной строки другим почерком: К сей духовной грамотѣ азъ отець духовной попъ Дементей руку свою приложилъ.
На обороте: Смиренный Варлаамъ, митрополить всеа Руси.
«Сиа духовная грамота господину Варлааму митрополиту всеа Руси явлена лѣта седмь тысящь двадесять второго, декабря 2 день.господиномъ передъ митрополитомъ стоялъ и сказал. А отець духовной Ивановской попъ Дементѣй и послуси, которые в сей духовной писаны; пе-редъ господиномъ передъ нитрополитомъ всѣ стояли и сказали господину, что у сей духовной сидѣли и писана передъ німи. А дьякъ Иванъ Облязовъ сынъ Белово передъ господином перед митрополитом стоял и сказал господину, что сию духовную онъ писалъ. А подписалъ митрополичь дьякъ Данило Карповъ.
По сей духовной грамотѣ князь Федоръ Васильевичъ Телепневъ Большой пять рублевъ заплатилъ, да рубль безъ кабалы.
По сей духовной грамотѣ и по кабалѣ язъ Федор Бороздинъ выть свою заплатилъ полтреть рубля.
По сей духовной грамоте язъ князь Иванъ Ивановичъ Лыковъ полтретья рубля заплатилъ.
По сей духовной грамотѣ язъ Стерлягъ заплатилъ три рубли с четвертію.
По сей духовной грамоте язъ Михайло Елизарович за меринъ заплатилъ полтора рубля за иноходой за голубой.
По сей духовной грамоте язъ Максимко Федоров сынъ Волуева свою выть заплатилъ отца своего место рубль одинацать алтын.
По сей духовной грамоте язъ князь Михайло Васильевичъ Горбатой семь рублей по кабалѣ заплатилъ и за Стерляга.
А по сѣе духовное грамоте язъ Иванъ Оньдреевичь Колычовь по кабалѣ двацать рублевь московскую заплатилъ.
По сей духовной грамоте Ѳедоръ да Олексей да Иван Мышецкие десять рублевъ заплатили.
По сей духовной грамотѣ князь Олександръ Кривоборской Гавриле слуге заплатилъ два рубля.
По сей духовной грамоте язъ Ондрѣй Александровичъ своимъ товарищемъ полтину заплатилъ.
По сей духовной грамоте князь Иванъ да князь Михайло княже Юрьевы дѣти Ромодановского шестьдесятъ алтынъ денегъ заплатили безъ трехъ алтынъ отца своего долгу и братьня.
По сей духовной грамотѣ Костянтинъ Замыцкой шесть рублевъ по кабалѣ заплатилъ.
По сей духовной грамотѣ Иванъ Годуновъ с товарищи и по кабалѣ пять рублевъ заплатилъ.
По сей духовной грамоте язъ Терентей заплатилъ четыре рубли по княжъ Ивановой духовной Кривоборсково.
По сей духовной грамотѣ язъ Дмитрѣй Козловъ по кабалѣ по княжъ Ивановой Кривоборского пять рублевъ заплатилъ одинъ на Устратѣньевъ День лета 7000 тритцать четвертаго (1525. – Г.Б.).По сей духовной грамоте Федоръ Семеновъ сынъ Пустошкина отца своего выть заплатилъ.
По сей духовной грамоте язъ князь Ондрѣй Гудоръ Меншой и своим товарищомъ с Петромъ с В…ловымъ полчетверта рубля заплатилъ.
По сей духовной князь Семенъ (?) Дмитревичъ за меринъ шестьдесятъ алтын заплатилъ.
По сей духовной грамоте язъ Степанъ да Семенъ да Дмитрей Насщокины дѣти Матякины заплатили зять рублевъ денегъ по кабалѣ.
По сей духовной грамоте Михаиле Карамышевъ и в отца своего мѣсто рубль заплатила.
По сей духовной грамоте Иванъ Григорьевъ сынъ Татищева да Борись Кусаковъ с товарищи по кобале пять рублевъ заплатили.
По сей духовной грамоте Василей Кодыгинъ по кабале в рубле в Ноугородьскомъ выть свою заплатилъ.
По сей духовной грамате заплотилъ Офанасей Иоановъ сынъ по отца свое(го) кобалѣ и дяди своево Бориса два рубля денегъ, а платилъ Офанасей один обе выти.
По се(й) духовной грамоте язъ Федоръ Ивановъ сынъ Володимерова Овцинъ заплатилъ пять рублевъ по духовной и по кабалѣ.
По сей духовной грамоте язъ Федоръ отца своево долгу Григорьева Офанасьева пять рублевъ заплотилъ.
По сей духовной грамоте язъ Микита (Ку)тузовъ своими товарищи князю Михаилу Долгорукому отдали бехтерѣцъ московской, да приказано ему дати меринъ сѣръ Внуковской и Микита с товарищи тотъ меринъ отдали лицемъ».
Источник: публикуется по статье: Гейман В. Несколько новых данных, касающихся истории «задворных людей» // Сборник статей по русской истории, посвященных С.Ф. Платонову. Пг., 1922. С. 43–47.
Комментарий
Публикатор отметил, что по первым двум склейкам шла скрепа: «А митрополичь дьяк… руку свою приложил крѣпости дьля», а по двум последним склейкам имелись какие-то условные знаки и буквы.Подлинник же на пяти листах, водяные знаки бумаги: гербовый щит с тремя геральдическими лилиями, под щитом буква «Т» (Альбом Лихачева, № 1454) и знак своеобразного кувшинчика, без ручек, с украшениями (у Лихачева не встречается).
Інформації про печатки немає
Релятівні категорії документів
- Кривоборські (2)