1493 ноября 7‑го, индикта 12. — Грамота Вел. Кн. Лит. Александра жителям Сельца в Логойском повете, об утверждении за писарем Вел. Княж. Лит. Ивашкою Яцковичем Владыкою, проданного ему князем Семеном Чорторыйским имения Сельца

Алек­сан­дръ божью млстью вели­кии кнзь литв­скии рус­кии жомо­ит­скии и иных.
Ко всим людем сел­ча­ном Лого­ис­ко­го повѣта бил нам чолом писарь наш Иваш­ко Яко­вичь Влдка а пове­дал нам штож кнзь Семен Алек­сан­дро­вичь чор­то­рыс­кии взял в него вели­кии пѣня­зи а в тых пѣня­зех за про­дал ему вас все сел­цо люди лого­ис­ко­го повѣта ивже ннѣ он вас дер­жить ино тое имѣ­нье вес лого­же­скъ есть в нашои воли бо то дани­на отца нашо­го коро­ля его млсти кнзю Алек­сан­дру ино мы вас все люди все сел­цо з лас­ки нашее дали писа­рю нашо­му Иваш­ку Яцко­ви­чу со все­ми зем­ля­ми паш­ны­ми и борт­ны­ми и зем­ли паш­ныи кол­ту­но­вои пеле­пе­ли­но в том­же сел­ци сов­сим што здав­на при­слу­ха­еть к сел­цу и дали есмо ему на вас на все сел­цо при­ви­леи вѣч­ность ино што бы есте его въ всемъ были послуш­ни а кнзю Семе­ну Чор­то­ры­ис­ко­му вже нена­доб оу вас уступатися
Псан у Вил­ни нояб 3 днь Индикт 12 прит были во вл кн пн мк рд во тр мр зм пн мк мк рд пн тр ст жм пн ст ян