AGAD. Zbiór dokumentów pergaminowych. Sygn. 7364. Арыгінал. Звычайны жоўты пергамін. 42×37×42×38,5. Краі скуры няроўныя.
Правы край мае трохі выгнутую ў знешні бок форму. Загін унізе скуры скамячаны, з правага і левага бакоў мае прыблізна аднолькавую вышыню – 5. Захаванасць дакумента добрая. Па лініі самага ніжняга гарызантальнага згіну (не ўлічваючы ніжняга краю, утворанага загінам) выразныя сляды вільгаці карычневага колеру. Некалькі плям такога ж характару сустракаюцца ў іншых месцах. Скорапіс. Чорнае чарніла. Радкі няроўныя. Чорнавасковая віслая пячатка авальнай формы ў васковай місачцы. Вышыня – 2, шырыня – 1,5. Выява часткова пашкоджаная і маларэльефная, чытаецца няўпэўнена (постаць чалавека, які стаіць). Надпіс адсутнічае (не захаваўся?). Пячатка мацуецца на шаўковым малінавым шнуры. Шнур прасунуты праз дзве пары адтулін, зробленых на загіне і на аркушы. Дакумент быў складзены ў 5 разоў па гарызанталі, у 2 разы – па вертыкалі.
Паметкі. На адвароце ў верхнім левым куце квадрата B сінім чарнілам ПМ‑1: Nr. 7364 (XX ст.; сучасны шыфр адзінкі захоўвання). У квадраце G іншым почыркам простым алоўкам ПМ‑2: N 100. Ніжэй іншым почыркам простым алоўкам ПМ‑3: [...]63. У квадраце J зверху цёмна карычневым чарнілам ПМ‑4: лис[т] [к] н(я)зе[и] [но]восел[ских] [...|] служит[и] [к]оро[лю] [к]а[зи]миру в лето 6984, ген(варя) [...] [ин]д[икт] [...] (XVI ст.). Пад ім іншым почыркам светла карычневым чарнілам ПМ‑5: № 3 (XVIII ст.?).
М(и)лстью б(о)жьєю и г(о)с(по)д(а)рѧ4 Казимира, королѧ Польского и вєликого кн(ѧ)зѧ Литовского и Русского, и кнѧжєти Прусского и Жамоитьского, | и иных, ӕзъ, кн(ѧ)зь Михаило Иванович Новосильскии и Ѡдоєвъскии и съ своим братом, съ кн(ѧ)зємъ Фєдором Ивановичєм, и съ своим | братоничєм, съ кн(ѧ)зємъ Иваном Васильєвичєм били єсмо чєлом королю Казимиру г(о)с(по)д(а)рю, вєликому кн(ѧ)зю, абы нас принѧл | ү службу. И гос(по)д(а)рь король и вєликии кн(ѧ)зь нас, слуг своих, пожаловал, принѧл ү службу по дѧди своєго, вєликого кн(ѧ)зѧ | Витовтову, докончанью. А нам єму служити вѣрнє во всєм бєз всѧкоӕ хитрости, и во всємпослушным быти. А єму | нас во ч(є)сти, и въ жалованьи, и въ докончаньи дєржати, как дѧдѧ єго, вєликии кн(ѧ)зь Витовтъ, дѣда нашєго | дєржал, и ѡтцєвъ наших, и нас во ч(є)сти и въ жалованьи. А полѣтноє нам давати по старинѣ. А быти нам по коро|лєвои и вєликого кн(ѧ)зѧ воли Казимировои. А с ким будєт мирєн король и вєликии кн(ѧ)зь Казимиръ, ино и мы с тым | мирны, а с ким король и вєликии кн(ѧ)зь Казимиръ нємирєнъ, ино и мы с тым нє мирны. А королю и вєликому кн(ѧ)зю | Казимиру боронити нас ѡт всѧкого, как и своєго. А бєз королєвы и вєликого кн(ѧ)зѧ Казимировы воли нам ни с ким нє до|канчивати, а ни пособлѧти никому. А нѣшто ныкаторыми дѣлы, што Б(о)гъ измыслит над королєм и вєликим кн(ѧ)зєм | Казимиром, ино нам и нашим дѣтєм служити королєвым дѣтєм к Литовскои зємли, хто будєт вєликим кн(ѧ)зємъ | на Литовскои зємли. А што Б(о)гъ үчинит над нами, ино по нашєм животѣ королю и вєликому кн(ѧ)зю Казимиру | дѣтєм нашим служити к Литовскои зємли, а по єго животѣ дѣтєм єго, хто будєт г(о)с(по)д(а)рємъ на вєликом Литовъ|ском кнѧжєньи. А по коим дѣлом б(о)жьим ѡднова над нашими дѣтми Б(о)гъ што үчинит, нє
будєт ѡтрода нашєго, ино зє|мли нє ѡтступити нашєи ѡт Вєликого кнѧжьства Литовского. А хто сѧ останєт по нашєм животѣ дєтєи | наших, и королю и вєликому кн(ѧ)зю Казимиру съ ѡтчинъ наших ихъ нє рушити, а въ зємли, и въ воды, и въ ѡтчи|ны наши сѧ єму нє въступати, поколь рубєжь Новосильскии и Ѡдоєвскои зємли, ѡпроч того, што изда|вна ѡт(о)шло. А и дѣтєм єго, хто будєт на Литовскои зємли г(о)с(по)д(а)рємъ, наших дєтєи нє рушити. А и правду и записи | такии жь єму нам и нашим дѣтєм дати. А хто нє въсхочєт имъ правды и докончаньӕ тако жє дати, а по то|му жь ихъ нє восхочєт дєржати, как король и вєликии кн(ѧ)зь Казимиръ, ино с нас цєлованьє долов, а нам волѧ. |А суд и справа королю и вєликому кн(ѧ)зю Казимиру давати нам ѡ всих дѣлєх чисто бєз пєрєвода. А съєхавсѧ, судӕм | королєвым и вєликого кн(ѧ)зѧ с нашими судӕми судити, цєловавъ кр(є)стъ, бєз всѧкиӕ хитрости, въ пра|вду на ѡбѣ сторонѣ. А ѡ што сопрут сѧ суди ѡ которых дѣлєх, ино положити нам на г(о)с(по)д(а)рѧ, на королѧ и вєликог(о) | кн(ѧ)зѧ Казимира, и они єдут пєрєд королѧ и вєликого кн(ѧ)зѧ. А кого ѡбвинит, то судӕмъ нє надобѣ, а винова|тыи истєць заплатит.
А съ вєликим кн(ѧ)зємъ Московским, и с вєликим кн(ѧ)зємъ Пєрєславъским, и съ вєликим кн(ѧ)зєм | Проньским, хто но будєт таӕ вєликаӕ кнѧжєнӕ дєржати, с тыми нам суд свои имѣти по старинѣ. А чєго | мєжи сєбє нє үправим с тыми вєликими кн(ѧ)зьми ү доканчаньи, ино королю за то стоӕти и үправлѧти, | коли ты три кн(ѧ)зи вєликии вєрху писаны с королєм и вєликим кн(ѧ)зємъ будут ү доканчани, или съ єго сыном, или | съ єго намєст(ни)ком, которыи будєть послє єго дєржати Вєликоє кнѧжєньє Литовскоє. И ѡ чєм коли сами про|мєжи сєбє кн(ѧ)зи Новосильскии и Ѡдоєвскии сопрємсѧ, и нам положити на своєго г(о)с(по)д(а)рѧ, королѧ и вєликого кн(ѧ)зѧ | Казимира, и королю и вєликому кн(ѧ)зю Казимиру мєжи нас то үправити.
А на сєм на всєм ӕз, кн(ѧ)зь Михаило | Иванович, и съ своим братом, съ кн(ѧ)зємъ Фєдором Ивановичєм, и съ своим братоничєм, съ кн(ѧ)зємъ Иваном Васильєвичєм | цєловали єсмо ч(є)стныи кр(є)стъ своєму г(о)с(по)д(а)рю, королю и вєликому кн(ѧ)зю Казимиру.
А по сєи намъ грамотѣ | правити. А п(и)сан ү Вилни в лѣт(о) 6989, гєн(варѧ) 26 д(є)нь, индик(т) 14. А при том были боӕрє наш(и) Стєпан Борисович, а Иван Матфѣєвич, | а Михаило Ѡлєксандрович, а Фєдоръ Иванович, а Григорєи Иванович, а Григорєи Иванович, а Данило Стєпанович.
Інформації про печатки немає
Релятівні категорії документів
- Бєлєвські (2)
- Новосільські (7)
- Одоєвські (2)