РГА­ДА. – Ф. 389 (Литов­ская мет­ри­ка). – Оп. 1. – Кн. 192 (Рус­ская мет­ри­ка, кн. 2). – Л. 12–13.

Пуб­ліка­ції: Соб­чук В.Д. Мало­ві­до­мі акто­ві дже­ре­ла XV ст. з історії еліти піз­ньо­се­ред­ньо­віч­ної Волині // Студії і матеріа­ли з історії Волині. 2018 / Міністер­ство куль­ту­ри Украї­ни, Кремен.-Почаїв. держ. іст.-архітектур. запо­від­ник; Ін‑т історії Украї­ни НАН Украї­ни; ред­ко­ле­гія: В. Соб­чук (голов­ний редак­тор) [та ін.]. – Кре­ме­не­ць : Кре­­ме­­не­­ць­­ко-Почаїв­сь­­кий дер­жав­ний істо­ри­ко-архі­тек­тур­­ний запо­від­ник, 2018. – 368 с. : іл.

1570.07.08, Вар­ша­ва. Король Сигіз­мунд Август під­твер­джує кня­зям Пет­ру й Олек­сан­дру Олек­сан­дро­ви­чам Пори­ць­ким діль­чий лист їхніх предків:
1481.04.02, Віль­но. Князі Михай­ло, Семен Пер­ший, Федір і Семен Молод­ший Зба­разь­кі ділять свій родо­вий маєток

[л. 12] Потвεр­жεньє кнз҃εм Пεтрү и Алεк­сан­дрү Пориц­кимъ зъ Зба­ра­жа на дεлъ вεчи­стыи прод­ковъ ихъ нεк­г­ды үро­жо­ных кнз҃εи Миха­и­ла, Сεмε­на, Фεдо­ра, Сεмε­на Васи­лεви­чов Зба­раз­скихъ в ымεнӕхъ их ѿчиз­ных | [л. 12 об.] в зам­кохъ Виш­нεв­цү и Зба­ра­жү и иных сεлах, кү тым зам­комъ налε­жа­чих, ӕко на листε их дεл­чом тутъ нижε впи­са­ном, ширεи опи­суεтъ­Жик­ги­монт Август, Божю млт҃ю корол пол­скии, вεли­кии кнѧз литов­скии, рус­ки, прус­ки, мазо­вεц (!), жомо­ит­ски и ифлѧнтски.
Ѡзна­и­муε­мы тым листом нашим всим вобεц и кож­до­му зособ­на, кому того вѣда­ти албо слы­шат налε­жи, нинεш­ним и на потом будучим, иж үка­зо­ва­ли пεрεд нами и пεрεд пн҃ы рада­ми нш҃ими үро­жо­ныε кнз҃εвε Пεтръ и Алεк­сан­дεр Порыц­киε зε Зба­ра­жа листъ дεл­чии прод­ковъ сво­ихъ үро­жо­ных нεк­г­ды кнз҃εи Миха­и­ла, Сεмε­на, Фεдо­ра и Сεмε­на Васи­лεви­човъ Зба­раз­скихъ, кото­рым листом сво­им ѡпи­су­ють, ижъ при­нѧ­ли мεжи собою, братεю, ров­ныи вεчи­стыи дεл в ымεнѧх сво­ихъ ѿчиз­ных в зам­кох Виш­нεвъ­цу и Зба­ра­жу и иныхъ сεлахъ, ку тым зам­комъ налε­жа­чих, ӕко то ширεи и доста­точ­нεи тот лист кнз҃εи Зба­раз­ских вышεи мεнε­ных под пεчатѧ­ми цѣлы­ми завε­си­сты­мѧ Стан­ка Костεви­ча, Ӕна Дово­и­но­ви­ча, Пεт­ра Ӕно­ви­ча, мар­шал­ка нш҃ого, Ӕку­ба Костεви­ча, Юрѧ и самых ихъ в собε маεть и ѡпи­суεт, кото­рыи сло­во ѡд сло­ва такъ сѧ в собε маεть написаныи:
Во ̾мѧ Божε стансѧ.
Мы, кнз҃и Зба­раз­скиε Васи­лεви­чи, кнѧз Миха̾ло, кнз҃ь Сεмεнъ, кнз҃ь Фεдор а кнз҃ь Сεмεн Молод­ши̾, роздε­ли­ли εсмо ѿчиз­ну свою.
А ѧ, кнз҃ь Миха­и­ло, будучи брат стар­шии, взѧл εсми молод­шо­го бра­та кнз҃ѧ Сεмε­на на свою ѡпεку из дεл­ни­цεю εго ѿчиз­ны нш҃оε. Мнε, кнз҃ю Миха̾лу, стар­шо­му бра­ту, доста­лосѧ з молод­шим бра­том кнз҃εм Сεмε­ном город Виш­нεвεц зо вси­ми сεлы и з люд­ми, и ста­вы, з лεсы и зо вси­ми пожит­ки, што коли тѧгнεт ку тому горо­ду, а на имѧ пεр­воε сεло Лозы з двε­ма ста­вы, а Куна­хо­ви­чи, а Буду­инъ, а Бако­та, а Ѡст­ро­вεцъ, а Вѧзо­ваѧ, а Ѡлεк­синεцъ, а Мεл­наѧ, а Иванє, а Таражъ, а Зба­раз­скоε воло­сти три сεла к тому ж | [л. 12а] горо­ду, пεр­во писа­но­му, к Виш­нεвъ­цу, на ̾мѧ Вачо­во (!) из ста­вом, а Ӕнков­цы, а Ѡба­рин­цы, а тыε имεньѧ навεр­ху писа­ныε из ста­вы и со вси­ми пожит­ки, што коли к ним здав­на тѧг­ну­ло и тѧгнεт. А коли бы тот брат мои молод­шии рεчо­ныи кнѧз Сεмεнъ хотεл бы дεлъ мεти з сεрε­дул­шою братεю, тогды нε маεт до них ничо­го, ниж тол­ко вεдат­сѧ εму з стар­шим бра­том, кнз҃εм Михаилом.
А мнε, кнз҃ю Сεмε­ну Пεрв­шо­му, по кнз҃и Миха­и­лε, по стар­шом братε, доста­лосѧ Зба­раж город зо вси­ми сεлы, и з люд­ми, и ста­вы, и з лεсы, и сεно­жат­ми и со вси­ми пожит­ки – пεр­воε сεло Ѡхрε­мов­цы з двε­ма ста­вы, а Чεр­ни­ко­въ­цы, а Вεр­нѧ­ко­въ­цы, а мεсто, а Залу­жε, а ставъ мεст­скии, а дворεц з ста­вом, а Лив­скии (!) Кутъ, а Раба­ин­цы, а Тара­со­въ­цы з ста­вом, а Роз­но­шин­цы, а Вскрѧтин­цы зъ ста­вом, а Мосо­ров­цы, а Мεчи­тов­цы, а Лопуш­нѧѧ, а Любѧл­ка, а Воли­чи­ща (!) а тыε то сεла, на вεрхү напи­са­ныε, кото­рыε к Зба­ра­жу тѧг­нут, з ста­вы, з озε­ры, з рεка­ми и кмщи (!) 1, и з лεсы, и з дуб­ро­ва­ми, и с пасεки, и сады, и з малы­ми при­сεл­ки и со всѧки­ми пожит­ки, што коли слу­жит ку пожит­ком нш҃им.
А, ѧ кнѧз Фεдор, үзѧл εсми дεл­ни­цү свою, бүдү­чи в доб­рои згодε з бра­том сво­им кнз҃εм Сεмε­ном, пεрε­до мною стар­шим бра­том, а взѧл εсми на свою дεл­ни­цү двє сεлε Лозо­выхъ з двε­ма ста­вы и з млы­ном (?), а Согнεтεв­цы з ста­вом, а Ѡпрε­ло­въ­цы, а Вас­ков­цы, а Вла­ша­но­въ­цы, а Дома­н­инъ­ка, а двои Гущин­цы, а двε Стры­εвъцε, а Студѧ­на­ко­въ­цы; а тыε то сεла, на вεр­ху напи­са­ныε, кнз҃ю Фεдорү, кото­рыε сѧ зоста­ли εму в дεл­ни­цы з сεлы, з люд­ми, з ста­вы, з лεсы, з дуб­ро­ва­ми и со вси­ми пожит­ки, што слу­жит тому то имε­нью, кото­роε зоста­лосѧ кнз҃ю Фεдору.
А хто бы тот дεл з насъ, бра­ти, рушил, тот коро­лю запла­тит сεм­сот коп, а бра­ти три­ста копъ. А хто нало­жит на свои город албо на ста­вы, албо на кото­роε имεньε, а хто бы хотεл тот дεл рушит, тот на про­стую помо­ву маεть пнз҃и поло­жи­ти, што | [л. 12а об.] коли шко­ды будεт тот дεл рушити.
А при том были, коли εсмо тотъ дεлъ мεли, панъ Стан­ко Нεстεвич, а пан Ѧн Дово­и­но­вичъ, а панъ Пεтръ Ѧно­вичъ, гсд҃ра королѧ εго млс҃ти мар­ша­локъ, а панъ Ѧкубъ Костεвичъ, а панъ Юрии Сун­ко­вич. А над то εщε длѧ лεп­шεε справεд­ли­во­сти и пεча­ти εсмо своε при­ло­жи­ли к тому то запису.
Писан ү Вил­ни под Божи­ми лεты тисѧ­ча и чоты­ри­ста ѡсмъ­дεсѧт пεр­во­го году мсц҃а апрεлѧ вто­рог днѧ индик­та чεтвεртого.
И били нам чолом прεрε­чо­ныε Пεтръ и Алεк­сан­дεр, братѧ, абысмы им тотъ листъ прεрε­чо­ныи прод­ковъ их, кнз҃εи Зба­раз­ских, вышεи ѡпи­са­ных, моцю нш҃εю королεв­скою ѡно­ви­ли, потвεр­ди­ли и үмоц­ни­ли. Мы тεды, видѧ­чи рεч слуш­ную и год­ную, тоε, кото­роε в насъ про­си­ли, ѡба­чив­ши тот листъ дεл­чии доб­рыи, порад­ныи, слуш­ныи а ни в чом нε нару­шо­ныи и пεча­ти цεлыε того листу и всихъ тых, кото­рыε их при­ло­жи­ли, за кото­рым вжо ѿ дав­ног часу тот дεл их нεпо­руш­нε мεжи ими дεр­жанъ был, тотъ листъ их дεл­чии үвεсь, ӕко в собε εсть, и вси рεчи, в нεм опи­са­ныε, ѡднов­лѧ­мы, потвεр­жаεм и үмоц­нѧεм вεч­нε а на вεки тым листом нш҃им, хотε­чи то мεти, абы завж­ды, на часы вεч­ныε тот листъ дεл­чии мεл моц и мεст­цε вшεн­ды на вшεлѧких мεст­цах и судεх, ӕко­бы зара­зом и прεд­тым ѿ нас потвεр­жонъ был, такъ ижъ бы под таки­ми ж зару­ка­ми, ӕко сут в том листε ѡпи­са­ныε, жадεнъ члв҃къ кторεк­го колвεкъ ста­ну и прε­ло­жεн­ства тому листо­ви дεл­чо­му про­ти­вит­сѧ и при­га­ни­ти нε смεл, алε абы вод­луг того листу дεл­чо­го прод­ковъ их кнз҃εи Зба­раз­скихъ и того нш҃ого ѡдно­вεнѧ и потвεр­жεньѧ прεрε­чо­ныε братѧ и потом­ко­вε их мог­ли прεз­пεч­нε (!) завж­ды имεньѧ, в том листε дεл­чом опи­са­ныε, им налε­жа­чиε, вод­лугъ листу ихъ дел­чо­го вшит­кε такъ спо­лу, ӕко и зособ­на з сво­и­ми дεт­ми и потом­ка­ми мεт, дεр­жат и их ужи­ват вεч­нε на вεки прεз прεнε­га­ба­ньѧ и пεрεка­зы | [л. 13] кож­до­го члв҃ка. А на свѧдεц­тво того всε­го роска­за­лис­мы ү того листу нш҃ого пεчать нш҃у корон­ную привεсит.
Данъ въ Вар­шавε на соимε вал­ном корон­ном днѧ ѡсмо­го июлѧ мс҃ца року Божо­го наро­жεньѧ тисѧ­ча пѧт­сот сεм­дεсѧто­го, а пано­ва­ньѧ нш҃го чтыр­дε­сто­го пεрв­шо­го при быт­но­сти пановъ рад нш҃их, на том соимε при насъ будү­чихъ, такъ дүхов­ных, ӕко и свεц­кихъ Коро­ны Пол­скоε и Вεли­ког кнз҃ъства Литв҃ского.
Дан прεз рεн­цε вεл­мож­но­го Валεн­то­го Дεм­бин­ско­го з Дεм­бѧн, канъц­лε­ра Коро­ны Польскоє.
Валεн­ты Дεм­бин­ски з Дεм­бѧн, канц­лεр Коро­ны Полскоє.

Інформації про печатки немає

Релятівні категорії документів

Релятівні генеалогії

Всі кате­горії документів