1473–77 гг. – Докладная мировая запись-обязательство, с доклада суздальскому наместнику кн. Семену Ивановичу (Хрипуну Ряполовскому), Григория и Елизария Семеновых детей Михайлова Алферьева и их дяди Ивана Михайлова сына Алферьева о полюбовном разделе сц. Стремяческое в Суздальском у.

Спи­сок с куп­чие сло­во в слово.

Доло­жа кня­зя Семе­на И[ван]овича, се яз, Гри­дя, да яз, Еля, Семе­но­вы дети Мих[айл]ова, да яз, Иван Михай­лов сын Олфе­рье­ва, кана­лись есм[я], гос­по­дине, меж собя в том деле, что мы, гос­по­дине, я, Гр[ид]я, да я, Еля, иска­ли на дяде сво­ем на Иване дяд[и с]воего жере­бья Ели­за­ро­ва Стре­мя­чес­ко­во [сель]ца, что, гос­по­дине, купил Иван у Спас­ко­го монастыр[я] по указ­ной гра­мо­те отца сво­е­го при отце, при­дал, гос­по­дине, на ней пят­нат­цать руб­лев, и та, гос­по­дине, гра­мо­та куп­чая уте­ря­ла­ся у вели­ко­го княз[я] диа­ка у Васи­лья у Дол­ма­то­ва, и мы ся ему, [г]осподине, того жере­бья во всех трех полях пос[тупи]ли, ни в круг­лых, в поле в вели­ко­го кня­зя кол в мет­ной. А что, гос­по­дине, купил Иван же у дяди нашев[а] у Олек­сандра дру­гой жере­бей того же сел­ца по отца ж сво­е­го гра­мо­те по указ­ной, а дал н[а] нем восмь руб­лев и один­нат­цать алтын, и нам, гос­по­дине, тот жере­бей Алек­сан­дров с сво­им дяд­ко во [в]сем роз­де­лить по поло­ви­нам, зем­ля и пожн[и], а ден­ги нам, гос­по­дине, пла­тить по куп­чей грамо[те]. [А] жере­бьи нам, гос­по­дине, все три, наш, Гри­дин [д]а Елин, да Ива­нов да Олек­сан­дров, изров­ня­ти поров­ну. Да Олек­сан­дров нам, гос­по­дине, жере­бей роз­де­ли­ти по поло­ви­нам. А дели­ти нам, гос­по­дине, зем­ля вся в вели­ко­го кня­зя кол в мет­ной. А что, гос­по­дине, поора­ны пожни и сели­ща, и нам, гос­по­дине, то в пожни и дели­ти, а не в паш­ную зем­лю. А к Ели­за­ров­ско­му, гос­по­дине, жере­бью пожни и сели­ща те же отде­ли­ти, кото­рые иста­ри­ны потяг­лу. А выста­ви­тись нам, гос­по­дине, от сво­е­го дяди от Ыва­на на Софьи­но сели­ще; про­тив нам, гос­по­дине, Софьи­на сели­ща [25] отсту­пи­тись дя[де] сво­е­му Ива­ну сво­е­го одво­рья вмен, на котор[ом] есмя, гопо­дине, сиде­ли. А зем­ля нам, гос­по­дине, себе отде­ли­ти ся все три поля с одно­во к Софьи­ну сели­щю одною межею от овра­га к Бол­шо­му сели­щю. И мы, гос­по­дине в том деле с сво­им дядею с Ыва­ном поми­ри­ли­ся. А боле нам того, гос­по­дине, не иска­ти ни одно­му ни на одном. А за при­ста­ва есмя, гос­по­дине, за вели­ко­го кня­зя за Митю Семе­но­ва сына Боро­да­то­го под­мя­ли­ся по половинам.

И князь Семен Ива­но­вич въс­про­сил Ива­на Михай­ло­ва: Таков ли меж вами мир.

И 29 Иван тако рек: Таков, гос­по­дине. Иска­ли на мне, на Иване, бра­та­ни­чи мои Гри­дя да Еля бра­та мо[его] жере­бья Ели­за­ро­ва Стре­мяч­ско­го сел­ца, а что яз, гос­по­дине, купил у Спас­ко­го... 30