Оригинал: Архив Центральной Библиотеки Литовской Академии Наук (LT LMAB fond 6).
Публикация: Kodeks dyplomatyczny Katedry i Diecezji Wileńskiej. Tomu I, zeszyt 2 (w Krakowie 1939).
In nomine Domini amen. Noverint universi et signuli presencium noticiam habituri, qoud ego MICHAEL DONYVSZOWYCZ dux Swirensis cum filio meo dilecto BOGDANO ad honorem Dei Omnipotentis et Virginis Gloriose Marie, nostram carorumque nostrorum tam vivorum quam defunctorum ob salutem, mera et spontanea voluntate ac matura deliberacione duximus elemosinam dare de villa Koszczyenowycze signulis annis temporibus eviternis Fratribus Minoribus in conventu Vilnensi commorantibus tam presentibus quam futuris, cupientes quod fratres predicti conventus debent exorare pro sanitate nostra ac defunctorum nostrorum, primo pro anima contorali(s) mee nomine ZOPHIA alias SONKA ac pro filio meo GINTHOLTH ceterisque liberis et pro animabus filiarum mearum ANNA, HELENA, VASZKA; et nos in suis oracionibus habeant recommendatos, post obitum vero nostrum animas nostras in libris suis ascribant, et pro ipsis Altissimum iugiter exorant. Si quis autem post decessum nostrum praedicte (predicta) ausu temerario vel nefando violare presumserit, vel in aliquo preiudicium fecerit, compareat coram altissimo iudice de iniuria nobis illata responsurus. In cuius rei testimonium sigillum nostrum est appensum. Actum et datum in conventu Vilnensi, anno Domini millesimo CCCCoLXXIIo die dominico infra octavas Visitacionis Sancte Marie necnon beatorum apostolorum Petri et Pauli.
Інформації про печатки немає
Релятівні категорії документів
- Свирські (1)