1470. 07. 04, Володимир. – Холмський каштелян Ванько Кирдійович продає князю Семену Васильовичу Збаразькому свою отчину й дідизну в Луцькому повіті Квасилів, Корнино, Колодне, Бережани, Басоє, Став, Славне, Растів, Ляхово, Почапи й Новгородчичі

Сε ѩ Ван­ко Скεр­дѣе­вич сын Джу­син ис Ква­си­ло­ва, пан Хол­мъ­съкий чиним зна­мε­ни­тε сим нашимъ листом кож­до­му доб­ро­му, нинеш­ним и на потом будучим хто нан ꙋзрит или чту­чи єго ꙋслы­шит коли кому будεт потрεб, вызна­ваю, иж ѩ в тот час дѧку­ю­чи б(о)гу здо­ров на д(у)ши и на тѣлε и с доб­рою волεю и с пол­ным роз­умом и с при­ѧтεл­скою радою ꙍсвεцоному кн(ѧ)зю Семе­ну Васи­лεви­чу дѣдѣ­чу Зба­раз­ско­му про­дал εми εмꙋ вѣч­ную отчиз­ну свою и дѣди­ну свою на вεки вεком за тисѧ(ч) коп широ­ких гро­шεй чεскоε моне­ты, покла­да­ю­чи в копу по шεсть­дεсѧт гро­шεй, а то εстъ на имѧ: Ква­си­лов 1), и Кор­ни­но 2), a Колод­ноε 3), Бере­жа­ны 4), а Басоε 5), а Став 6), Слав­но 7), а Рас­тов 8), a Лѧхо­во 9), а Поча­пы 10), а Нов­го­род­чи­чи 11); а то всε εстъ в луц­ком повѣтε. A про­да­ли εсмо и зда­ли (!) εсмо з доб­роε воли на вεки вεком. A ꙍт того то имѣньѧ ꙍтдалѧю(с)ѧ сам и жона моѧ и дѣти мои и вси ближ­ни мои; а кн(ѧ)зь Сεмεн дѣдич и ꙍтчич Зба­раз­ский имаεт мѣти, дер­жа­ти и пожи­ва­ти ис пол­ми и гроб­лѧ­ми, ис дуб­ро­ва­ми, из лесы, из гаи, из дан­ми мεдо­вы­ми, из борт­ны­ми зεм­лѧ­ми, из лови­щи з малы­ми и з вели­ки­мы звεрѧты, из боб­ро­вы­ми гоны, из мыты, што к тым сεлом слу­ша­ют. А кн(ѧ)зь Сεмεн Васи­лεвич волен тыи имѣньѧ про­да­ти и заме­ни­ти и по души дати и што волѧ εго над тыми имѣ­ньи вдѣлати.
А про лεп­шую справεд­ли­вость и свε­дот­ство пεчат свою влост­ную завѣ­си­ли (εсmo) b) к сему н(а)шому письму.
А при том были свѣт­ки: вл(а)дыка воло­ди­мер­ский Пор­фи­рεй с) , а кн(ѧ)зь Иван Сонк­гуш­ко­вич, пан Бог­дан Ѩнчин­ский, пан Волч­ко Кн(ѧ)зьский, пан Фεд­ко Коз­лов­ский, a пан Вох­но, a пан Страш­ко, a Ѩшко Сиpoпѧтич.
Писан и дан ꙋ Воло­ди­мεри, м(ѣ)с(ѧ)цa июл(ѧ) д҃. ден, в лѣто ѕ҃⸱ц҃⸱о҃⸱н҃, индик­та 6.