1459 г. апреля 21. — Докончание князей новосильских и одоевских Ивана Юрьевича и Федора и Василия Михайловичей с королем польским и великим князем литовским Казимиром.

Орі­гі­нал невідомий.

Спи­сок XVI в. — РГА­ДА, Литов­ская мет­ри­ка, кни­га запи­сей № 5, лл. 251 об.—292.
Пуб.: Сб. Муха­но­ва, стр. 11— 12, № 9; АЗР , т. I, стр. 77— 78, N° 63.

Гра­мо­та кня­зей Ива­на Юрье­ви­ча, Федо­ра и Васи­лия Михай­ло­ви­чей коро­лю поль­ско­му и в. кн. литов­ско­му Казимиру.

Лист пере­мир­ныи кн(ѧ)зеи ново­сел­ских и ꙍдоевских съ коро­лем Казимером.
л. 291 об. М(и)л(о)стью бож(ь)ею и г(о)с(по)д(а)ра, Кази­ми­ра, коро­ли пол­ско­го и вели­ко­го кнꙗзꙗ литов­ско­го, и рус­ко­го, кнꙗ­жа­ти прус­ко­го, жомо­иmско­го, и иныхъ, ꙗз, кнѧз(ь) Иван Юр(ь)евичъ ново­сел­скии и ꙍдоевъскии, и з сво­и­ми бра­та­ни­чы, съ кнꙗ­земъ Ѳедо­ром и с кн(ѧ)зем Васил(ь)емъ Миха­и­ло­ви­чы, били есмо чолом коро­лю Кази­ми­ру, г(о)с(по)д(а)ру, вели­ко­му кн(ѧ)зю , абы нас пры­нꙗлъ ꙋ служ­бꙋ. И г(о)с(по)д(а)ръ, корол(ь) и вели­кии кнѧз(ь), насъ, слугъ сво­их, пожа­ло­вал, пры­нꙗл ꙋ служ­бꙋ, по дꙗди сво­е­го, вели­ко­го кн(ѧ)зꙗ Вито­въто­вꙋ, доконъчанью.
А намъ емꙋ слꙋ­жы­ти веръ­но во всемъ, без всꙗкое хит­ро­сти, и во всемъ
послуш­нымъ быти. А ему насъ во ч(е)сти, и в жало­ва­ньи, и в доконъ­ча­ньи дер­жа­ти, какъ дꙗдꙗ его, вели­кии кнѧз(ь) Вито­втъ, ꙍmца нашо­го дер­жалъ и насъ во ч(е)сти и в жало­ва­ньи. А полетъ­ное намъ дава­ти по ста­рыне. А быти намъ по коро­ле­вой и вели­ко­го кнꙗзꙗ воли Кази­ми­ро­ве. А с ким бꙋдеть миренъ корол(ь) и вели­кии кнꙗз(ь) Кази­мир, ино и мы с тым мир­ны. А с кимъ корол(ь) и вели­кии кнѧз(ь) Кази­мир немирен,
ино и мы с тымъ немир­ны. А коро­лю, вели­ко­мꙋ кнꙗ­зю, боро­ни­ти насъ
ꙍm всꙗко­го, какъ и сво­е­го. А без коро­ле­вы и вели­ко­го кнꙗзѧ Кази­ми­ро­вы воли намъ ни с кимъ не доконъ­чы­ва­ти, а ни пособ­лꙗти никомꙋ.
А нешто неко­то­ры­ми делы што богъ измыс­лить над коро­лемъ и вели­ким кнꙗ­зем Кази­ми­ромъ, ино намъ и нашымъ детемъ слꙋ­жы­ти коро­ле­вым детем и Литов­скои зем­ли, хто бꙋдеть вели­кимъ кнземъ на Лито­въскои зем­ли. А што богъ вчы­ни над нами, и по нашомъ жыво­те коро­лю и вели­ко­мꙋ кнꙗ­зю Кази­ми­рꙋ дава­ти намъ ꙍ всих делех слꙋ­жы­ти детемъ нашымъ и Лито­въскои зем­ли, а по его жыво­те детеж его, хто бꙋдеть г(о)с(по)д(а)ремъ на вели­комъ Лито­въском кнꙗ­же­нью. А по коем деломъ божъ­имъ, ꙍднова над нашы­ми детьми богъ што вчы­нить, не бꙋдеm ꙍmрода нашо­го, ино зем­ли нашои не ꙍmстꙋпити ꙍтъ вели­ко­го кнꙗз­ства Литовъского. ||
А хто сѧ ꙍстанеть но нашомъ жыво­те детей нашыхъ, и коро­лю л. 292 и вели­ко­му кн(ѧ)зю Кази­ми­ру сь ꙍmчынъ нашыхъ их не рушы­ти, а в зем­ли и въ воды, ꙋ воmчы­ну нашу, не всту­па­ти­се, покул(ь) рубежъ Ново­сель­скии и Ꙍдоевъскии зем­ли, ꙍпрочъ того, што зъдав­на ꙍтошло. А и детемъ его, хто бꙋдеть на Лито­въскои зем­ли г(о)с(по)д(а)ремъ, нашыхъ детей не
рꙋши­ти. А и правъдꙋ и запи­сы таке жъ емꙋ намъ и нашымъ детемъ дати. А потомъ хто не въс­хо­четь имъ прав­ды и доконъ­ча­ньи тако жъ дати, а по тому ихъ не въс­хо­четь дер­жа­ти, какъ король и вели­кии кнꙗз(ь) Кази­миръ, ино з насъ цело­ва­нье доловъ, а намъ волꙍꙗ.
А суд и спра­ва коро­лю и вели­ко­мꙋ кнꙗ­зю Кази­ми­ру дава­ти намъ ꙍ всих делехъ чисто, без пере­во­да. А з(ъ)ехавъсꙗ суд(ь)ꙗмъ коро­ле­вымъ и вели­ко­го кнꙗзꙗ с нашы­ми суд(ь)ꙗми, сꙋди­ти, цело­вавъ кре­стъ, без всꙗкое хит­ро­сти, ꙋ правъдꙋ, на ꙍбе сто­роне. A ꙍ што сопру­ть­сꙗ суд(ь)и ꙍ кото­рых делехъ, ино поло­жы­ти на г(о)с(по)д(а)ра, королꙗ и вели­ко­го кн(ꙗ)зꙗ Кази­ми­ра, и ꙍни едꙋть перед королꙗ и великог(о) кнѧзѧ. А кого ꙍбвинить, то суд(ь)ꙗмъ не надо­бе, а вино­ва­тый истецъ заплатить.
А з вели­кимъ кнꙗ­земъ мос­ко­въскимъ, и з вели­кимъ кнѧ­земъ пере­славъскимъ, и з вели­кимъ кнꙗ­земъ пронъ­скимъ хто бꙋдеть таꙗ вели­каꙗ кнꙗ­женьѧ дер­жа­ти, с тыми намъ суд свои име­ти по ста­рыне. А чого про­ме­жы себе не ꙋпра­вимъ с тыми вели­ки­ми кнꙗ­зи ꙋ доконъ­ча­нои [так в руко­пи­си!], ино коро­лю за то стоꙗти и въправълꙗти. Коли тые тры кнꙗ­зи вели­кии веръ­хꙋ писа­ныи с коро­лем и вели­кимъ кнꙗ­земъ бꙋдꙋть ꙋ доконъ­ча­ньи, или зъ его сыномъ, или зъ его намест­ни­комъ, кото­рый бꙋдеть после его дер­жа­ти вели­кое кнꙗ­же­нье Литов­ское, и ꙍ чомъ коли сами про­ме­жы собе кнꙗ­зи ново­сил­скии сопрем­сꙗ, и нам поло­жы­ти на сво­е­го г(о)с(по)д(а)ра, королꙗ и вели­ко­го кнꙗзꙗ Кази­ми­ра, и коро­лю и вели­ко­мꙋ кн(ѧ)зю Кази­ми­ру межы насъ то ꙋправити.
На сем на всем ꙗз, кнѧз(ь) Иванъ Юр(ь)евич, и з сво­и­ми бра­та­ни­чы, съ кнꙗ­зем Ѳедо­ром и съ кнꙗ­земъ Васил(ь)емъ Миха­и­ло­ви­чы, целовали
есмо чест­ныи кре­стъ сво­е­му г(о)с(по)д(а)ру, коро­лю и вели­ко­мꙋ кнꙗ­зю Казимиру.
А по сеи намъ гра­мо­те правити.
А псанъ в Тро­цех, в леm(о) 6967, апрыл(ѧ) 21 д(е)нь, инъ­дикъ 7.
А пры томъ боꙗ­ре были: Про­та­сеи Анъ­то­вич, а Ꙍнъдреи Ива­но­вичъ, Миха­и­ло Боры­со­вичъ, Лев­ша Михаиловичъ.