ОР РНБ, Q. XVII. 58, л. 37–38 об.; 42–42 об. Список третьей четверти XV в.
Публ.: Бычкова М. Е. Докончальная грамота великого князя Василия Васильевича с галицкими князьями. // Археографический ежегодник за 1977 год. М., 1978, с. 354–356.
Б(о)жиею м(и)л(о)стию и пр(е)ч(и)стыӕ его м(а)т(е)ри на сем г(о)с(поди)не и брате
старѣишии кнѧз(ь) велики Василеи Василиевич целуи к нам кр(е)стъ къ своеи брати молодшеи кн(я)зю Дмитрею Юрьевич(у) и кнѧз(ю) Дмитрею Юриевич(у).
Имѣти ти нас собѣ братею молодшею и нам, г(о)с(поди)не, под тобою1 держати твое велик(о)е кнѧжение ч(е)стно и грозно, без обиды. А тобѣ г(о)с(поди)не, нас кнѧз(еи) велик(их) держат(ь) в братствѣ || и в любви и въ ч(ес)ти,2 без обиды, а держати ти нас по том(у), как держал о(те)ць твои кнѧз(ь) велик(и) Василеи Дмитреевич своего брат(а) молодшаг(о) нашег(о) о(т)ца кнѧз(я) Юриӕ Дмитреевич(а), по грамотам по д(о)кончалным. А добра т(и) нам хотѣти во всем вездѣ, в Ордѣ и на Рус(и). А што ти слышев о нашем добрѣ и о лисѣ от кр(е)стьӕнина или от иновѣрца, то ти нам повѣдат(ь) в правдоу, бес примышлениӕ. А нам3 тобѣ, великому кнѧз(ю), добра хотѣти въ всем, вездѣ, в Ордѣ и на Роус(и). А што нам слышев о твоем добрѣ и о лисѣ от кр(е)стьӕнина или от иновѣрца, и то нам тобѣ повѣдати в правдоу, без примышлен(ь)ӕ. А кто будет, г(о)с(поди)не, тобѣ, великом(у) кнѧз(ю), дроуг, то и намъ друг. А хто теб(е) недруг, то и намъ недруг. А хто будет нам друг, и тоб(е) друг, а кто нам недруг, то и тоб(е) недругъ. А не канчивати ти, г(о)с(поди)не, без нас ни с кѣм. А нам не канчивати без тоб(я) ни с кѣм. А с кѣм будеш(ь) в докончаниѣ, и тобѣ нас оучинит(и) с тѣм в докончании. А гдѣ г(о)с(поди)не, кнѧз(ь) велик4 вамъ, всѧдеш(ь) на конь, и нам поити с тобою. А
гдѣ будеть пригож(е) || нас послати, и нам поити без ослоушаниӕ.
А гдѣ пошлеш(ь) своих воевод и5 нам послат(ь) своих воевод.5
А вотчины ти нашеи под нами, чѣм нас бл(а)г(о)с(ло)в(и)лъ о(те)ць н(а)шь кнѧз(ь) Юрии Дмитреевич своею вочиною и городы и волостми и селы, тако ж и тог(о), чѣм еси нас пожаловал, дал ес(и) нам в очин(у) кнѧж Костѧнтив4 оудѣл Дмитреевич(а), Ржеву и Оуглеч с Московьскым жеребьи, и с волостми, и сел, и со всѣми с тѣми, што было за нашим дѧдею за кнѧз(е)мъ Костѧнтином Дмитреевичем, и Бѣжицкии Верхъ и съ всѣм с тѣм, што сѧ еси былъ отступил нашему о(т)цю кнѧз(ь) Юрию Дмитреевич(у) и с волостми и с селы, опрочь Шачебала и Ликоурги и Адномы, Ивановьскых сел Дмитреевич(а), Алабоузина и Есъска, и Новосельскыи с деревнѧми, и со всѣм с тѣм, што к тому потѧгло, и судом и з данию, и за ту дань даводим кнѧзю великом(у) в тысѧчьнои оклад по полутретиӕ роуб(ля). А в Олабоузин и въ Еское в Новоселки данных; люди из Бѣжицков(о) Верха не приимати. А Москва нам с тобою держати по дѣ||да нашег(о) грамотѣ по д(у)ш(е)внои, великог(о) кнѧз(я), Дмитриӕ Иванович(а). А того ти, г(о)с(поди)не и брате старѣишои кнѧз(ь) велики, подъ нами блюсти всег(о), а не обидѣти, ни вступатис(ь).
А Бѣжицкии Верхъ нам держати с Новым городом по старинѣ.
А в Орду нам без твоег(о) вѣдан(ь)ӕ, великог(о) кнѧз(я), не слати никаким(и) дѣлы. А Орда оуправливати тобѣ самому, великом(у) кнѧз(ю). А нас тобѣ имат(ь) выход по старым дефтерем по кр(е)стному целован(ь)ю. А Галицкие ти выти не взѧт(и) три годы в выход. А перемѣнитсѧ какими дѣлы Орда, а не даш(ь) выход в Ордоу и тобѣ оу нас не взѧт(ь).
А полонъ ти галицкои отдати. А сыскати ег(о) по кр(е)стному целованию.
А што будет наши люд(и), которые нам служать пени старые или суды, и кто от соудов и пен(ь) и от порук оутекли в наше нелюбие межи нас и наших люди и соуды и воины и грабеж и тому всему дерть по нашем(у) докончанию.
А Вѧтка по о(т)ца нашего по последнее докончан(ь)е.
А нѧтци вы мои, которые оу вас сѣ||дѧт, тѣх вы отпустити слободных. А которые на
поруцѣ, с тѣх вам порук свести. А на которыхъ6 будете поимали кабалы или серебро перевели, и то вам с них свести опроч Василиӕ Вепрева.
А что было о(т)цю вашему отдати, что оу мен(я) поимали или моеи м(а)т(е)ри и кр(е)сты ч(е)стныӕ и иконы, и что иное по тому докончанию, и чего будет не отдал о(те)ць вашь, и что будет оу васъ и вамъ то все отдат(ь) по кр(е)стному целованию. Також иных что будете взѧли на Москву нонешним приходом оу мене и оу моеи матери, и оу моих кнѧз и оу боӕръ и оу дѣтеи боӕрьскых и что будет оу вас и вам то отдат(ь).
А что ӕз кнѧз(ь) велик(и) взѧл на поручник(е) на кнѧж на Дмитреев Рѧполовского на Петрѣ пѧтдесѧт рублев и мнѣ то отдати. А что кнѧз(ь) Иванъ Засѣка на поруч во стѣ рублех, и мнѣ та порук с нег(о) свести. А что ввел зѧт(ь) твои кнѧз(ь) Олександръ Иванович о(т)цю нашем(у) четыре села, два Гавриловьскые да Ӕрышов да Ивановьское в пѧтисот рублех, и то то||бѣ великому кнѧз(ю) оправити по д(о)кончанию.
А кнѧзеи вам с очинами не приимат(ь).
А боӕром и дѣтем боӕрьскым межи нас волным волѧ. А осада городнаӕ гдѣ кто живетъ, тутъ тотъ и сѣдит, опроч(ь) боӕръ введеных и путников. А гдѣ боудет ити нашим ратем и гдѣ7 хто живет в очие и в отчинѣ и кому кто служить, и тотъ идет своим осподарем. А гдѣ пошлю которог(о) города своег(о) воеводу и которые люд(и) вам служат того город(а), и тѣм людем поит(и) под вашим воеводою. А вашому воеводѣ поити с моим воеводою. А кто служит тобѣ, велик(о)му кнѧзю, а живеть в нашеи вочинѣ, и гдѣ пошлем своихъ воевод и тѣмъ людем поити под твоим воевод(о)ю. А нашим воеводам поити с твоим воевод(о)ю. А которые люд(и) служат нам, а живут в твоеи вотчинѣ въ великом кнѧж(е)нии8...
Примечания:
1 буквы то вписаны над строкой
2 в рукописи чти без титла
3 дальше зачеркнуто том
4 так в рукописи
5 вставка на верхнем поле другим почерком и другими чернилами
6 буквы ор вписаны над строкой более темными чернилами над строкой 8 на поле карандашом запись «NB. Кажется не дописана».
7 слово вписано