1390 г. января 19, nad Ełkiem. – Витовт, князь Луцкий и Гродненский, гарантирует Великому Магистру Конраду Зольнеру, что он выплатит все долги, которые он задолжал Ордену деньгами и продовольствием, а также вернёт Ордену по его требованию.

Wir Witawt von gots gnaden herczog zcu Lutzik und zcu Garten, bekennen offenbar i desem brife und thun kunt allen di in sehn adir horen lesen, das wir obirein haben getragen mit dem erwirdigen geistlichen herren Conradt Zcolner vom Rotensteyne, homeister deutsches ordens mit sulchen vorworten, was her uns sendt us dem lande zcu Prusen, an meel, an andern dingen, do wir noch senden, das wolle wir ime sime orden und sinen nachkomelingen gutlich und fruntlich beczalen, ane geferd und ane alle argelist, wir und unsir erben und nachkomelingen doch also: went her uns manet umb dieselbe vorgenante schold, so sulle wir und wellen im von dem tage vort obir eyn iar betzalen, also wenne das iar umme kommet, das wir im bynnen dem iare betzalet haben. Und sunderlich wenn wir senden in das landt zcu Prusen zu dem vorgenanten herren homeister ader czu sinen anwalden adir ampluthen do her uns anwyzet, so sulle wir und wellen im senden unsern briff mit unserm angehangen ingesegil, in dem geschreben sal stehn, was wir begerende sin das her uns senden sulle, durch des wille, wenne uns der vorgenannte herre homeister manct unib das geld, so sal man uns darlegen unser brife czu einer wissenschaft und dirkentnisse, was wir uffgchabin haben und entpfangen, das wir das beczalen ane gefeerd und ane allerlei argelist, also vor stect geschrebin. Dis globe wir herczog Witawdt mit dem irluchten fursten herczog Iwan von Galschan Ougemundes son veste und stete tzu hulden und unser erbe nachkomelingen by truwen und bi eren an eides stat. Zcu merer sicherheid, so habe wir herczog Withawd mit dem irlaucten fursten herczog Iwan von Galschan Ougemundes son unser heider ingesigel an desem brif lesen hengen, der do gegeben ist an der Licke in dem iare nach gotis gebort tusundt dryhundert nuenczig an der nehesten mittwochen vor Ffabiuni und Scbastiani der marterer.