Після 1356 р. Рязанський князь Олег Іванович дарує Арсенію монастир святої богородиці на Ольгові

[Ми]лос[ьр]дьємь Б[ож]ьимь, м[о]л[и]твою с[вя]тое Б[огороди]ци и м[о]л[и]твою о[ть]ця своє­го кня­зя вели­ко­го Ива­на Олек­сан­дро­ви­ча и бл[аго]с[ло]вленьємь єпис­ку­па Рязань­ско­го и Муром­ско­го Васи­лья, язъ, князь вели­кии Олегъ Ива­но­вичь, сга­давъ есмь съ сво­имь о[ть]цемь съ вл[а]д[ы]кою съ Василь­ємь и съ сво­и­ми бояры. А бояре со мною были: Софо­нии Алты­ку­ла­че­вич, Семенъ Федо­ро­вич, Мики­та Ань­дрѣєвич, Тимошь Олек­сан­дро­вич, Мана­сѣя Дядь­ко, Юрьи окол­ни­чии, Юрьи чашь­никъ, Семенъ Микить­їчь съ брать­єю, Павелъ Соро­бич. Далъ єсмь о[ть]цю своє­му Арсѣ­нью мана­стырь с[вя]тоє Б[огороди]ци на Олго­вѣ, въ сво­бодь до єго ж[и]вота. А по своємь живо­тѣ воленъ кого во нь бл[аго]с[ло]вить на игу­мень­ство. А далъ єсмь с[вя]тои Б[огороди]ци дому Аре­стов­скоє село с в[инами?] и с поли­чь­нымь и с рѣза­нъ­кою и съ шестью десят... и со всѣ­ми пошли­на­ми и с борт­ни­ки и с бор[ным]и зем­ля­ми и с позе­мом и съ озе­ры и с [боб­ры и с] перевѣсьи­щи. А возрѣвъ есмь въ дав[ьн]ыи гра­мо­ты съ о[ть]цемь сво­имъ съ вл[а]д[ы]кою съ Вас[иль]ємь и съ бояры. Коли ста­ви­ли по пер­вых с пра[дѣд]и наши с[вя]тую Б[огороди]цю княз[ь] вели­кии Инъ­г­варъ, княз[ь] Олегъ, кня[зь] Юрьи, а с ними бояр 300, а мужии 600, тогды дали с[вя]тои Б[огороди]ци дому 9 земль борт­ных, а 5 пого­стовъ: Пѣсоч­на, — а в неи 300 семии; Холо­хол­на, — а в неи полтора[с]та семии; Заячи­ны, — а в неи 200 семии; Веп­рия — 200 семии; Заяч­ковъ — 100 и 60 семии. А си вси пого­сты — съ зем­ля­ми с борт­ны­ми и с позе­мом и съ озе­ры и с боб­ры и с перевѣсьи­щи, с рѣзан­ка­ми и съ шестью десят... и с вина­ми и с полич­ным и со всѣм[и] пошли­на­ми. А хто даныхъ люд[и] и пра­дѣ­ды наши­ми с[вя]тои Б[огороди]ци дому гдѣ имуть сѣдѣти или борт­ни­ци или сло­бо­дичь в моєи о[ть]чинѣ, — ать зна­ють домъ с[вя]тои Б[огороди]ци; а воло­сте­ли мои ать не всту­па­ют­ся в них ни о кото­ромь же дѣлѣ. А Голов­чін далъ Федоръ Бори­со­вич; а Мор­дов­ское далъ Кли­ментъ по Дани­лов дворъ; а Єре­мѣи вели­кии съ Глѣ­бом села своя пода­ва­ли г[о]с[по]жи Б[огороди]ци; а мужи Олгов­скую око­ли­цю купив­ше у Муромь­ских кня­зии, дав­ше 300 гри­вен и дали с[вя]тои Б[огороди]ци. А язъ, княз[ь] вели­кии Олегъ Ива­но­вич, — што єсмь далъ Аре­стов­скоє село с[вя]тои Б[огороди]ци дому и што пра­дѣ­ди наши пода­ва­ли кото­рая мѣста и люди и што бояре пода­валї дому с[вя]тои Б[огороди]ци, — того хочю боро­ни­ти, а не обидѣти ничимь дому с[вя]тои Б[огороди]ци. А воло­сте­ли и дань­ни­ци и ямь­щи­ки ать не заи­ма­ють бого­ро­ди­ць­скихъ людиї ни про што же. А кто изоби­дит домъ с[вя]тои Б[огороди]ци, — или князь, или вл[а]д[ы]ка, или волостел[ь], или кто иныи, — тотъ дасть отвѣтъ перед Б[ог]омь с[вя]тои г[о]с[по]жи Б[огороди]ци.
А коли єсмъ выє­халъ изъ от[ъ]чины исъ своєє исъ Пере­я­с­лав­ля, тогдѣ єсмъ обѣтъ учи­нилъ къ с[вя]тѣи г[оспо]жи Б[огороди]ци: при­далъ єсмъ Рязань­скоє м[ы]то и побе­ре­жь­ноє, аже ми дал[ъ] сть м[и]л[ост]ивъ г[о]сп[ода]рь въ от[ь]чинѣ сво­еи въ Переяславли.