Оригинал неизвестен.
Список ХVI в. — РГАДА, Литовская метрика, книга записей № 5, лл. 285 06.286 об. Докончальная грамота ранее напечатана: Сб. Муханова, стр. 4—5, №4; АЗР, т. Г, стр. 55—56, № 41.
Грамота кн. Федора Львовича в. кн. Казимиру.
Лист перемирный кн(я)зя Ѳедора новоселског(о) и ꙍдоевског(о) (л. 286 об). с королем Казимером. ||
М(и)л(о)стью бож(ье)ю и г(о)с(по)д(а)ра великого кнꙗзꙗ Казимера, королевича, (л. 286), ꙗ, кнꙗз(ь) Ѳедоръ Лвовичъ новосильскии и ꙍдоевъскии, биль есми чоломъ великому кнꙗзю Казимиру королевичу, ижъ бы мене прынꙗл ꙋ служъбу, и великий кнꙗз(ь) Казимир королевичъ, по моему чолобитью, мене жаловалъ, прынꙗл мꙗ ꙋ службу, по кнꙗзꙗ великого Витовътову доконъчанью.
А мне ему служыти верне, безъ всꙗкое хитрости, и во всемъ послушъному быти. А мене ему во чъсти, и в жалованьи, и в доконъчаньи держати по тому жь, какь дꙗдꙗ мене его держалъ, г(о)с(по)д(а)ръ, великий кнꙗзь Витовтъ, во чсти и в жалованьи. А полетнее мне давати по старыне. А быти мне по великого кнꙗзѧ Казимирове воли. С кимъ великий кнꙗзь Казимиръ миренъ, ино ꙗ с ним миренъ, а с кимъ великий кнѧз(ь) Казимир немиренъ, с тымъ и ꙗ немиренъ. А великому кн(ѧ)зю Казимиру боронити мене ꙍm всꙗкого, какь и своего. И без великого кн(ѧ)за Казимировы воли мне ни с кимъ не доконъчывати, а ни пособлꙗm(и) никому а никоторыми делы. Нешто мыслить богъ над великимъ кнꙗзем Казимиромъ, ино мне и моимъ детемъ слꙋжыти Литовъскои земли, который бꙋдеть деръжати Литовъское кнꙗженье, или его наместнику, хто бꙋдеть после него держати великое кнꙗженье Литовъское.
А великому кнꙗзю Казимиру по моемъ животе, и моимъ детꙗмъ, и моему наместнику ꙋ вотьчыну кнꙗзꙗ Ѳедора Лвовича, в земли и въ воды, не въступатисе, поколь рубежь Новосилскои земли Ꙍдо(е)вскои, его ꙍmчыне, ꙍпроче тог(о), што давно ꙍтошло. А што смыслить богь над кназем Ѳедором Лвовичомъ, а хто ꙍстанетсꙗ детеи его, тому ꙋстꙗ его ꙍmчына держати. А великому кнꙗзю Казимиру по моем жывоте и грамоту доконъчалную такову ж дати, какъ сꙗꙗ грамота, и держати ему ихъ по тому жъ, какъ мене великии кнꙗзь прынылъ в службу и доконъчал со мною. А толко хто не въсхочеть правъды дати и грамоты своее таковы жъ не въсхочеть дати, а по тому же ихъ не въсхочеть держати, ино снꙗть целованье доловъ, а намъ воли.
И суд и справа великому кнꙗзю Казимиру, королевичу, давати намъ и всихъ делехъ, что без перевода. А з(ъ)ехавсꙗ суд(ь)ꙗмъ великого (л. 286 об.) кнꙗзꙗ з нашыми суд(ь)ꙗми, судити, целовал крест, || без всꙗкое хитрости, в правду, на ꙍбе стороне. А што сопрутьсꙗ суд(ь)и ꙍ которых делехъ, ино положыти намъ на г(о)с(по)д(а)ра, великого кнꙗзꙋ Казимира. А кого ꙍбвиниm, тое сꙋдомъ не надобе, а виноватым истецъ заплатити.
А з великимъ кнꙗзем московъскимъ, хто бꙋдеть Московъское кнꙗженье великое деръжати, и великим кнꙗзем переславскимъ, хто бꙋдеть Переславъское кнꙗженье великое держаmи, и со кнꙗземъ великимъ проньскимъ, хто бꙋдеть кнꙗженье Пронъское великое держати, имъ межы себе суд по старыне. И чого межы себе не въправꙗть, ино положыти на великого кнꙗзꙗ Казимирове воли, и великому кнꙗзю Казимиру того досмотрети и въправити. А коли тыи три кнꙗзи великии, веръхꙋ писаныи, з великимъ кнꙗземъ Казимиромъ бꙋдꙋть в доконъчаньи, или зъ его сыномъ, или з наместникомъ, которыи бꙋдеть держати после его великое кнꙗженье Литовъское, а ꙍ немъ коли мы сами, кнꙗзи новоселскии, супремъсꙗ, и нам положыти на г(о)с(по)д(а)ра, великого кнꙗза Казимира, и великому кнꙗзю Казимиру межы их то ꙋправити.
А на томъ всемъ ꙗ, кн(ѧ)зь Ѳедоръ Лвович новоселскии, ꙍдоевъскии, целовал есми крестъ великому кн(ѧ)зю Казимиру, королевичу.
А по сеи ми грамоте правити, безъ хитрости.
А писано в Троцехъ, под леты рожества хр(и)с(то)ва 1447 1, м(е)с(ꙗ)ца ѳев(ралꙗ) 20 день, инъдик 5.
М(и)л(о)стью бож(ье)ю и г(о)с(по)д(а)ра великого кнꙗзꙗ Казимера, королевича, (л. 286), ꙗ, кнꙗз(ь) Ѳедоръ Лвовичъ новосильскии и ꙍдоевъскии, биль есми чоломъ великому кнꙗзю Казимиру королевичу, ижъ бы мене прынꙗл ꙋ служъбу, и великий кнꙗз(ь) Казимир королевичъ, по моему чолобитью, мене жаловалъ, прынꙗл мꙗ ꙋ службу, по кнꙗзꙗ великого Витовътову доконъчанью.
А мне ему служыти верне, безъ всꙗкое хитрости, и во всемъ послушъному быти. А мене ему во чъсти, и в жалованьи, и в доконъчаньи держати по тому жь, какь дꙗдꙗ мене его держалъ, г(о)с(по)д(а)ръ, великий кнꙗзь Витовтъ, во чсти и в жалованьи. А полетнее мне давати по старыне. А быти мне по великого кнꙗзѧ Казимирове воли. С кимъ великий кнꙗзь Казимиръ миренъ, ино ꙗ с ним миренъ, а с кимъ великий кнѧз(ь) Казимир немиренъ, с тымъ и ꙗ немиренъ. А великому кн(ѧ)зю Казимиру боронити мене ꙍm всꙗкого, какь и своего. И без великого кн(ѧ)за Казимировы воли мне ни с кимъ не доконъчывати, а ни пособлꙗm(и) никому а никоторыми делы. Нешто мыслить богъ над великимъ кнꙗзем Казимиромъ, ино мне и моимъ детемъ слꙋжыти Литовъскои земли, который бꙋдеть деръжати Литовъское кнꙗженье, или его наместнику, хто бꙋдеть после него держати великое кнꙗженье Литовъское.
А великому кнꙗзю Казимиру по моемъ животе, и моимъ детꙗмъ, и моему наместнику ꙋ вотьчыну кнꙗзꙗ Ѳедора Лвовича, в земли и въ воды, не въступатисе, поколь рубежь Новосилскои земли Ꙍдо(е)вскои, его ꙍmчыне, ꙍпроче тог(о), што давно ꙍтошло. А што смыслить богь над кназем Ѳедором Лвовичомъ, а хто ꙍстанетсꙗ детеи его, тому ꙋстꙗ его ꙍmчына держати. А великому кнꙗзю Казимиру по моем жывоте и грамоту доконъчалную такову ж дати, какъ сꙗꙗ грамота, и держати ему ихъ по тому жъ, какъ мене великии кнꙗзь прынылъ в службу и доконъчал со мною. А толко хто не въсхочеть правъды дати и грамоты своее таковы жъ не въсхочеть дати, а по тому же ихъ не въсхочеть держати, ино снꙗть целованье доловъ, а намъ воли.
И суд и справа великому кнꙗзю Казимиру, королевичу, давати намъ и всихъ делехъ, что без перевода. А з(ъ)ехавсꙗ суд(ь)ꙗмъ великого (л. 286 об.) кнꙗзꙗ з нашыми суд(ь)ꙗми, судити, целовал крест, || без всꙗкое хитрости, в правду, на ꙍбе стороне. А што сопрутьсꙗ суд(ь)и ꙍ которых делехъ, ино положыти намъ на г(о)с(по)д(а)ра, великого кнꙗзꙋ Казимира. А кого ꙍбвиниm, тое сꙋдомъ не надобе, а виноватым истецъ заплатити.
А з великимъ кнꙗзем московъскимъ, хто бꙋдеть Московъское кнꙗженье великое деръжати, и великим кнꙗзем переславскимъ, хто бꙋдеть Переславъское кнꙗженье великое держаmи, и со кнꙗземъ великимъ проньскимъ, хто бꙋдеть кнꙗженье Пронъское великое держати, имъ межы себе суд по старыне. И чого межы себе не въправꙗть, ино положыти на великого кнꙗзꙗ Казимирове воли, и великому кнꙗзю Казимиру того досмотрети и въправити. А коли тыи три кнꙗзи великии, веръхꙋ писаныи, з великимъ кнꙗземъ Казимиромъ бꙋдꙋть в доконъчаньи, или зъ его сыномъ, или з наместникомъ, которыи бꙋдеть держати после его великое кнꙗженье Литовъское, а ꙍ немъ коли мы сами, кнꙗзи новоселскии, супремъсꙗ, и нам положыти на г(о)с(по)д(а)ра, великого кнꙗза Казимира, и великому кнꙗзю Казимиру межы их то ꙋправити.
А на томъ всемъ ꙗ, кн(ѧ)зь Ѳедоръ Лвович новоселскии, ꙍдоевъскии, целовал есми крестъ великому кн(ѧ)зю Казимиру, королевичу.
А по сеи ми грамоте правити, безъ хитрости.
А писано в Троцехъ, под леты рожества хр(и)с(то)ва 1447 1, м(е)с(ꙗ)ца ѳев(ралꙗ) 20 день, инъдик 5.
1 Должно быть: 1442.
Інформації про печатки немає
Релятівні категорії документів
- Воротинські (5)
- Новосільські (7)