1390 г. января 19, Nad Ełkiem. Витольд, князь Луцкий и Гродненский, обещает верно сдержать все данные Ордену до сих пор обещания.

Wir Wythout von gotis gnadin herczog czu Luczik und czu Garthin vorie- hen und bekennen offentlich in desim brife, das wir feste und gentzlichen haldin wellen alle unsir brife und gelobde die wir vorschreben haben dem erwirdigin geistlichin herren, hern Conrad vom Rotinstein homeister dutsch[es] ordins und dem ordin, so wir vortrebin wurden von unseren vettern us unserm veterlichen erbe, des quomen wir czu im und begabin uns gote und dem erwirdigin geistlichin herre hern Conrad Czolner von Rotinstein, homeistere des dutschin ordens und dem orden czum cristenglouben, also das wir uns vorschreben haben in den vorgenanten cziten, in den brifen di in des erwirdigin herrn herrn homeisters gewaldin sint, die welle wir gantz, veste und stete halden, und nimmer wedir den orden gethun ewiclich in keinerlei wis mit alle den unsern. Und das das unvorzerit und unczerbrochen blibe, so habe wir herczog Without czu Luczik und Garthin unser ingesegel mit unserm rechten wissen und willen mit dem irluchten fursten herczogen Iwan von Galschan Ougemundes son, der ouch sin ingesigel mit uns an desin briff hat lasen hengen, der do gegebin ist an der Licke in dem iare unsers herin XIII XC. an der nehestin mittwochen vor Fabiani und Sebastiani.