1508.10.15. Любовичи. Привилей князю Ивану Федоровичу Масальскому на люди Бедрычи и на три службы в другом месте в Смоленьском повете в Дубровенском пути, на вечность

При­ви­лея кн(я)зю Ива­ну Федо­ро­ви­чу Масал­ско­му на люди Бед­ры­чи и на тры служъ­бы в дру­гом месте у Смо­лень­скомъ пове­те у Дуб­ро­вен­ском пути, на вечност
Чынимъ зна­ме­ни­то симъ нашымъ листомъ, хто || [270(253)] на него посмот­рыть або чтучы его услы­шыть, нине­шъ­нимъ и напо­томъ будучымъ, кому будеть потреб того веда­ти. Билъ намъ чоломъ князь Иванъ Федо­ро­вичъ Масал­скии о томъ, штожъ братъ нашъ славъное памя­ти Алек­сан­дръ, корол, далъ ему у Смо­лень­скомъ пове­те в Дуб­ро­вен­скомъ пути люди Бел­дры­чы, кото­рыи ж люди деръ­жалъ князь Дмит­реи Путо­гинь­скии, што к Москве побегъ, а в дру­гомъ месте дал ero м(и)л(о)сть ему тамъ же в Дуб­ро­вен­скомъ пути тры служъ­бы, Желез­ко­ву а Юрко­ву, а Оса­но­ву, а к тому берег боб­ро­выи под тыми люд­ми, покул тых людеи зем­ля зашла, напро­тивъку оть­чы­ны его, кото­рая ото­шла в сто­ро­ну вели­ко­го кня­зя мос­ков­ско­го. Аи мы перъ­во сего водъ­ле дани­ны и листу бра­та нашо­го Алек­санъ­д­ра, коро­ля, пры томъ есмо его зоста­ви­ли и листъ нашъ нa то есмо ему дали, и тотъ он листъ нашъ передъ нами покла­далъ и билъ намъ чоломъ, абы­хъ­мо ему то потверъ­ди­ли нашымъ листом на вечъность.
Ино мы, бача­чы его к намъ веръ­ную а пил­ную и нико­ли невъмеш­кан­ную служъ­бу и хотячы его напо­томъ охотъ­не­ишо­го а поспеш­не­ишо­го к служ­бе нашои мети, з лас­ки нашое, тыхъ людеи путъ­ныхъ и дан­ны­хь, и тяг­лыхъ, 1‑и зъ ихъ служъбами‑1, и з даню гро­шо­вою и медо­вою, и куни­чъ­ною, и боб­ро­вою, и зъ зем­ля­ми пашъ­ны­ми и борът­ны­ми, и съ сено­жатьми, и з боры, и зъ дуб­ро­ва­ми, и зъ лесы, и з ловы зве­ры­ны­ми и пта­ши­ми, и з река­ми, и з реч­ка­ми, и зъ озе­ры, || [270v(253v)] и съ ста­вы, и съ ста­ви­щы, и зъ млы­ны, и зъ ихъ вымелъ­ка­ми, и зъ боб­ро­вы­ми гоны, покул зем­ля тыхъ людеи зашла, и со въсимъ с тымъ, какъ тыи люди и ихъ зем­ли съ ста­ро­давъна у сво­ихъ гра­ни­цах ся мели а и н(ы)не мают, потверъ­жа­емъ то симъ нашымъ листомъ веч­но ему и его жоне, и ихъ детемъ. Волен то онъ роз­шы­ры­ти и пры­ба­ви­ти, и людъ­ми оса­ди­ти, и къ сво­е­му лепъ­шо­му а вжы­точъ­но­му оберъ­ну­ги, какъ самъ нале­пеи розу­ме­ю­чы. A нa тверъ­дость того и печать нашу каза­ли есмо пры­ве­си­ти к сему нашо­му листу.
Писан в Люба­ви­чохъ, под леть Боже­го наро­же­ня тися­ча пять­соть восьмого2 году, м(е)с(е)ца ок(тября) 15 ден, индик(т) 12.
Пр(а)в(ил) воев(ода) тр(о)ц(кии) пан М(и)к(олаи) М(и)к(олаевич); гет(ман), ст(а)Р(оста) луц(кии) и бр(аславскии) и в(е)н(ицкии), м(а)р(шалок) В(о)л(ынское) зем(ли), кн(я)з Кос(тянтин) Ив(а)н(ович) Остр(о)з(скии); пан тр(о)ц(кии), ст(а)р(оста) жом(оитскии), п(а)н Ст(а)н(ислав) Ян(ович).