1461— 1464 гг. — Грамота Д. В. Блинова Монастырева митрополиту Феодосию с обязательством не осваивать и не отчуждать пожалованных ему в пожизненное оброчное владение Ковжских пустошей на реке Шексне и еза на устье реки Ковжи.

(л. 325об.) А се гра­мо­та про­тив мит­ро­по­ли­чи жало­валь­ные грамоты.
Се яз Дани­ло Васи­льев сын Бли­нов Мона­сты­ре­ва, что мя пожа­ло­вал гос­по­дин мой Федо­сей мит­ро­по­лит всеа Руси цер­ков­ною свя­тыа Бого­ро­ди­ци и сво­ею мит­ро­поль­скою зем­лею за Вол­гою на реце на Шох­сне усть-Ковж­ски­ми пустошь­ми с всем с тем, что к ним изста­ри­ны потяг­ло, да и цер­ков­ным пре­чи­стыа Бого­ро­ди­ци и сво­им мит­ро­поль­ским усть-Ковжь­ским езом, а велел ми на тех пусто­шех на цер­ков­ных людей сажати
да и тот ез усть-Ковжь­ской велел ми бити, а пожа­ло­вал мя гос­по­дин мой мит­ро­по­лит Федо­сей всеа Руси теми цер­ков­ны­ми пустош­ми да и езом до мое­го живо­та, а мне Дани­лу на свои дети тое цер­ков­ные зем­ли и езу не осва­и­ва­ти, ни про­да­ти нико­му, не заме­ни­ти, ни отда­ти нико­му, а дер­жа­ти мне те зем­ли да и ез по мой живот за цер­ков­ное и за мит­ро­поль­ское. А опо­сле мое­го живо­та, ино опять и зем­ля и ез цер­ков­ное да и мит­ро­по­ли­че с всем по ста­рине да и с моим при­мыс­лом. А с тое зем­ли да и с езу дава­ти ми сво­е­му гос­по­ди­ну Федо­сию мит­ро­по­ли­ту всеа Руси на вся­кой год обро­ком на его дво­рец к погре­бу по деся­ти осет­ров вялых шохон­ских, а при­во­зи­ти ми к нему на Моск­ву на збор.
А сю гра­мо­ту яз Дани­ло дал сво­е­му гос­по­ди­ну Федо­сию мит­ро­по­ли­ту всеа Руси на себя кре­по­сти деля.
А на то (л. 326) послу­си: Фома Дани­ло­вич, да Яков Саха­ру­сов, да Тимо­фей Гречинов.
А сю гра­мо­ту писал Семен Дич­ко, подья­чей вели­ко­го князя.
А запе­ча­тал сю гра­мо­ту яз Дани­ло сво­ею печатью.