1507 г. сентября 20, индикта 11. – Жалованная подтвердительная данная грамота кн. Федора Ивановича Ярославича боярину Михаилу Дмитриевичу Шарапу на имения в Клецке и Городке, с подтверждением короля польского и в. кн. литовского Сигизмунда I Старого ок. 1521 (?) г.

Я, князь Фео­дор Ива­но­вич Яро­сла­вич, со кня­ги­нею сво­ею Оле­ною чиним зна­ком и то сим нашим листом, хто на него посмот­рит, а любо чту­чи его въслы­шит. Бил нам челом боярин наш пан Михай­ло Шерап Дмит­ре­евич, што бых­мо ему листом нашим потвер­ди­ли на тое име­нье, што отец наш небож­чик князь Иван дал ему име­нье в Клец­ку на имя Сух­ли­чи, што Веде­нок дер­жал, з люд­ми и з их зем­ля­ми и ост­ров Раков з люд­ми ж, што Веде­нок же дер­жал, и кото­рые зем­ли Колен­ко дер­жал со всим с тым, как ся тыи зем­ли ста­ри­ны мели. И мы ему тую дани­ну отця наше­го потвер­жа­ем сим нашим листом веч­но и непо­руш­но и его жене и 3 ихх 4 детем и 3 их щяд­ком з зем­ля­ми паш­ны­ми и борът­ны­ми, и с сено­жят­ми, и з гаи, и з дуб­ро­ва­ми, и з река­ми, и с 3 ста­вы, и з маи­ны 5, и со вси­ми ины­ни­ми вхо­ды, што к тому име­нию верху­пи­сан­но­му здав­на при­слу­ха есть. А еще есмо его пожа­ло­ва­ли, дали есмо ему дво­рец наш в Город­ку на имя Века­ре­ви­чи, што Яць­ко Пере­д­ря­ка дер­жал, со всим, ниче­го на себе не остав­ля­ю­чи, окро­ме выме­ня­ю­чи – выне­ли есмо на себе зве­ри­ныи ловы, а боб­ро­вый гоны. И теж дали есмо ему в Клец­ком пове­те в селе в нашем в Кош­ман­чи­чех четы­ри чело­ве­ка 6 на имя Копа­че­ви­чя, а Вла­зо­ви­чя, а Игна­та, а Сале­е­ви­чя з их зем­ля­ми, што к тым зем­лям ста­ри­ны при­слу­хал. И теж дали есмо ему мес­це в горо­де, где ему собе хоро­мы поста­ви­ти. И теж дали есмо ему двор в пар­кане Клец­ком, а ого­род за пар­ка­ном. И теж дали есмо ему в Город­ку мес­це в горо­де, где ему хоро­мы поста­ви­ти, а двор в месте горо­дец­ком. А дали есмо ему тыи име­ния и тыи мес­ця в горо­дех и дво­ры в местех верху­пи­сан­ных веч­но и непо­руш­но ему и его жене и 3 их детем и 3 их щяд­ком. А мают они нам слу­жи­ти с тыми име­ньи верху­пи­сан­ны­ми мне и моей кня­ги­ни и нашим детем и нашим щяд­ком. А есть­ли Бог нам не дал детей, тогды после мое­го живо­та и после кня­ги­ни моей живо­та мают слу­жи­ти оспо­да­рю наше­му коро­лю его мило­сти и вели­ко­му кня­зю литов­ско­му. И на то дали есмо ему сей наш лист потверженый.

А писал есми сей мой лист сво­ею рукою, а для леп­шей твер­до­сти печять есми свою при­ве­сил к сему мое­му листу.

Писан в Клец­ку, в лето по семой тися­чи 16, индик­та 11, меся­ця сен­теб­ря 20 день.